الأعضاء الإشتراك و التسجيل

الملتقيات
ADs

شرح حايسة بسبب الشهادة البنكية ومحرمي

شرح حايسة بسبب الشهادة البنكية ومحرمي


NOTICE

تنبيه: هذا الموضوع قديم. تم طرحه قبل 1850 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعثة55
    مبتعثة55

    عضوة في لجنة النشاطات

    مبتعثة55 الولايات المتحدة الأمريكية

    مبتعثة55 , أنثى. عضوة في لجنة النشاطات. من السعودية , مبتعث فى الولايات المتحدة الأمريكية , تخصصى علوم الحاسب , بجامعة ........
    • ........
    • علوم الحاسب
    • أنثى
    • ......Chicago, ......Illinois .
    • السعودية
    • Jul 2012
    المزيدl

    November 25th, 2012, 08:10 PM

    السلام عليكم

    ياجماعة الخير انا مراااااااااا حايسة مني عارفة لمشكلتي حل كل واحد يقولي إجابة تعبببببببببببت

    احس أني كرهت البعثة. انا بكرا عندي آخر يوم في الملتقى وابغى اطلع شهادة بنكية لأخويا محرمي ومعرف هل الشهادة للمعهد أو السفارة لأني سمعت مئة إجابة متناقضة وحست وناس يقولوا أطلع كشف حساب بجد أحس موضوعي اتعقد ..

    واستاذ ماجد الحربي قال 20 الف ومني عارفة المبلغ ذا لايش بالضبط. وأحس المبلغ قليل. ياجماعة موضوع محرمي متعقد ،، معد أني فاهمه شئ

    ابغى احد يجاوبني يكون من المرحلة الثامنة وحالته نفس وضعي ويقولي أش الخطوات بالتفصيل الممل اللي اعملها من بعد الملتقى علما بان انو للان ما قدمت على المعهد بسبب وضع محرمي المعهد

    سااااااااااااااااااعدوني ابغى أكمل دراستي
  2. سهلي امورك تتسهل ان شاء الله

    الامر جدا سهل

    محرمك يروح للبنك يقول للبنك ابي شهاده ببنكيه موجهه لمن يهمه الأمر

    ويكون بالحساب 20 الف مثل ما قال الدكتور ماجد وكل مازاد كلما كان افضل

    انا عن نفسي افضل يكون فوق خمسين الف ريال مذكوره بالدولار
    7 "
  3. والله ياحبيبتي يوجهها للسفارة بس بقولك اللي صار مع زوجي راح بيطلع شهادة بنكية من سامبا طلبوا تحديد للجهة مايعطون الا لازم تحديد للجهة ياسفارة يامعهد وحط للسفارة زي ماسأل اللي حوله واصحاب السوابق وقالوله للسفارة والحمد لله طلعها

    الشي الثاني طلع برضوا شهادة بنكية ثانية من الراجحي وعطوه بالراحة حلات الراجحي مايشترط جهة معينة واخذ شهادة بنكية ثانية برضوا احتياط

    يعني باختصار وجهوها للسفارة
    وبنك سامبا يتشرط للجهة اما الراجحي سهالات
    7 "
  4. حبيبتي انا كنت زيك .. وزوجي طلع الشهاده البنكيه من ا لاهلي يكتب فيها الى من يهمه الامر ويكمل باقي الكلام هوا الموظف يعرف ايش حيكتب

    وبعدها لماتجي تقدمي لمعهد لو حابب يكمل دراسه زيك .. قدمي دي الشهاده البنكيه للمعهد .. زي كانها الضمان المالي حقك ..

    ولما تروحي السفاره ياخد كمان شهادته البنكيه عشان لو سالوه كيف حتدرس يقلهم على حسابي الشخصي وانه حيتعوض في امريكا بضمان مالي ويسير زيك ..
    7 "
  5. ياختي لو قريتي المواضيع المثبته بالمنتدى كان اتضحت لك صوره. ولكن اعتمادك ع قال فلان وعلان هو الي محوسك.. يالله بجاوبك جواب واضح واكيد.. بالنسبه لمرافقك اذا كان حاب يدرس بالمعهد يقدم ع المعهد بطلب مستقل عنك.. اوكيه.. طبعا بما انه غير مبتعث ف يشترط عليه المعهد ان تكون عنده شهاده بنكيه تغطي مصاريف دراسة طبعا هالمصاريف تختلف من معهد لاخر ف بعضهم يحدد مبلغ ٥ الاف دولار وبعضهم ٢٥ الف دولار.. مالك الا تتاكدين من نفس المعهد الي بيقدم عليه المرافق.. بالنسبه للسفاره لايشترط وجود شهاده بنكيه للمرافق لانه اسمه مرسول لهم بشكل تلقائي مع المبتعثه... الشهاده البنكيه اهم شي تكون بالدولار وبالانجلش .. وممكن يطلعها باسمه او باسم اي شخص اخر... سوء قريب او صديق
    7 "
  6. طلعتهــا من الراجحي قبل يومين سهـــــالات والمبلغ كتبوه ريال / بالدولار والشهاده بالانجلش طبعــاً كتبوهــا..
    الصبــاح وبعد الظهر وهيا جـاهزه..همــا عــارفين الشغله فقط يقولوا أبغى شهــــــــــاده بنكية ..

    وموفقيــــــن يــــــارب..
    7 "
  7. وبعض المعاهد مايتشرطون بالدولار
    لانه واضح عندهم المبلغ بالريال وهم يحولونه
    انا طلعت شهاده فيها 90 الف ريال والمعهد شروطه بس 40 الف
    لكن للاحتياط سويتها
    المهم الله يسهل اموركم ولاتحتاسي ولاشيء وكلها سهالات ان شاءالله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.