تجربتي ف القنصلية الامريكية بجدة
بسم الله الرحمن الرحيم
اول شي الحمد لله الحمد لله الحمد لله ... رح أقلكم كل التفاصيل اللي صارت معي بالقنصلية الامريكية بجدة
ف البداية موعدي الساعة 8 الصباح ووصلت للقنصلية تقريبا الساعة 7:15 أول ماوصلت جاني السكيورتي اللي معاه ورقة اللي يشيك فيها ياخذ اسمك ومتى موعدك ويحط على اسمك علامة صح ويعطيك ظرف تحط فيه الجوال ومفتاح السيارة
وبعدين دخلت ع التفتيش وما ادري الجهاز دق لمن مريت فتشوني يدويا بالعصا ديك حق التفتيش <<<<<< ياساتر من بدايتها :mad::mad:
وبعدها رحت ع قاعة الانتظار وطبعا أخذت رقم وانتظرت والانتظار طول أكتر شي
وجا رقمي ورحت عند الموظفة ورتبت لي اوراقي وقالت لي ارجع انتظر مرة تانية >_< وانتظرت من أول وجديد وطول الانتظار
وبعدها نادوا اسمي <<<< واخيرا المقابلة ... رحت كانت برضوا موظفة قالتلي انت طالب فيزا طالب قلتلها ايوا
قالتلي طيب اش بتدرس قلتلها أول شي لغة وبعدها علوم طبية ان شاء الله
قالتلي طيب اعطيني كشف حساب قلتلها أنا عندي بعثة عندي الضمان قالت ممتاز ووريتها هو ولمن شافته سكتت قلت يارب ماتجيب طاري الرقم التسلسلي والحمد لله ولا جابت طاريه >_<
قالتلي وريني كشف درجاتك ( الشهادة الثانوية ) وريتها هي قالتلي ممتاز
سألتني بأي مدية بتدرس قلتلها ولاية واشنطن مدينة سيااتل قالت ممتاز
وبالاخير قالت الفيزا بعد كم يوم تستلمها <<<< الحمد لله روح ادفع لفيديكس وهم بيسلموك الجواز
ودفعت لفيديكس 65 ريال بحكم اني من أهل جدة ... وكدا الحمدلله مشيت الامور تمام وكل شي تسهلي والحمدلله <<<<<< تراني مالي مصدق للحين :o:o
ع العموم المقابلة سهالات وفي واحد قبلي اخذ ورقة حمرا قلت ياربي أستر والحمدلله مشيت الامور بسهالة
والمقابلة الحمد لله ماأخذت دقيتين الا وانا مخلص وفرحااان
دا كل شي صار معاي بقنصلية جدة وزي ماقلت فوق الحمد لله الحمد لله الحمد لله
رد: تجربتي ف القنصلية الامريكية بجدة
والله يالغالي اكثر شي شدني في موضوعك انه انت اللي سويته راح اسويه نفسه بالضبط لأنه انا وانت في مدينة وحدة في السعودية و في ولاية ومدينة وحدة في امريكا ^_^ ان شاء الله امورنا سهالات ومبرووووك عليك الفيزا مقدماً وادعيلي موعدي 3 ديسمبر الساعة 7 الصباح،،،
رد: تجربتي ف القنصلية الامريكية بجدة
ممكن اسال انت باي جامعه لاني انا مقدمه على سياتل وبستني القبول
رد: تجربتي ف القنصلية الامريكية بجدة
ماشالله مبروووك ربي يسهل لك أمورك
نففس الشي من جدة ورايحة سياتل بإذن الله
ربنا يسهلها لنا أجمعين
رد: تجربتي ف القنصلية الامريكية بجدة
الله يوفقك وعقبال ماتطلع الفيزا
بسس ممكن تقولي انت اي معهد مقدم لاني انا كمان مقدمة على سياتل وللحين ماجاني القبول
رد: تجربتي ف القنصلية الامريكية بجدة
أخــوي يزيــد
كـل يوم أدخـل لموقــع فيديكــس وتأكــد هل وصلت فيزتك او لا
لأن انا في مقابلة السفارة قالوا لي خمسة ايام وبتصدر فيزتك انتظرت أربعة أيام ودخل تعلى موقـع فيديكس ولاحظـت أن فيزتي أصدرت بعـد مقابلتي بيــوم واحد ,, كان موعــدي تاريخ 29 سبتمبر وأصدرت الفيزا بتاريخ 30 سبتمبر
إتصلــت لفيديكـس ناشدتهم قالوا لي إنها موجــوده لكنهم مااتصلوا لأن كان عندهم زحمـــة !
فـ نصيحــة : راجع موقــع فيديكس كل يوم :)
شكــراً
رد: تجربتي ف القنصلية الامريكية بجدة
Njoo انتي ردي عليه انتي باي معهد سجلتي وكمان ياريت بنوته ومستر ساري تقولولي انتو باي معهد
رد: تجربتي ف القنصلية الامريكية بجدة
اهلين مقدمة في معهد كابلن عشان عندي تحضير جي أر اي مع اللغة
بالتوفيق للجميع
رد: تجربتي ف القنصلية الامريكية بجدة
بالتوفيق يارب
حتى انا ان شاء الله ناويه على سياتل بس استنى قبول المعهد
دعواتكم ليا والله توترت بما فيه الكفاية
رد: تجربتي ف القنصلية الامريكية بجدة
مبروك عالفيزا وبالتوفيق في دراستك :)
اخي بسألك أنتا كاتب أنها طلبت منك شهادة الثانوية
طيب هل شهادتك باللغة العربية أو الانجليزية ؟؟
اذا كانت عربية ضروري أترجمها ؟؟ وفين أترجمها ؟؟
يعطيك العافية