التفاصيل من مراسله المعهد وحتى الحصول على القرار
سلام عليكم ورحمه الله وبركاته
مساء الخير ع الجميع طبعا انا حبيت اوضح لكم الي حصل معي من راسلة المعهد لحد ماحصلت على الفيزا
طبعا الفتره تقريبا كانت مايقارب 10 ايام فقط من بداية المراسله حتى حصولي على الفيزا
اول شي انا كان موعد الملتقى حقي في جده 13 - 14 من هالشهر وطبعا انا حولت لملتقيات الرياض وحضرت اول ثلاث ايام
وبعد انتهاء اللتقيات وحصولي على الضمان المالي ارسلت للمعهد الي اخترته وحصلت تجاوب سريع من المعهد وخلال ساعتين ابلغني المعهد
انو تم قبولي وانو تم ارسال i-20 الى فيدكس واعطوني رقم التتبع وصلني خلال ثلاث ايام واول ماوصلني حجزت موعد بالسفاره كان يوم السبت الماضي
رحت الموعد وكنت مجهز جميع الاوراق الي احتاجها والي حتى ماحتاجها جبتها احتياط اول شي في موظف جالس قدام الباب ياخذ اوراقك ويطبع لك ورقه يلصقها على الجواز ويعطيك رقم ويرجع لك اوراقك بعدين يجي رقم في كونترانت تشوف رقمك عند اي كونتر وتعطيهم الاوراق الي يطلبونها
اول شي قالت لي الفيزا سياحه ولا دراسه قلت دراسه بعدين
طلبت مني ورقه i-20 والجواز وقالت عطني كشف حساب ثلاث شهور اول شي عطيتها الجواز وجلست تكتب بالكمبيوتر وقلت لها انا مبتعث على حساب الدوله قالت اي واضح عطني الضمان وعطيتها الضمان واخذت الاوراق الي تبي وحطتها بملف وبعدين قالت انتظر المقابله على نفس رقم حق الانتظار بعدين دخلت على المقابله الي سوا لي المقابله قنصله امريكيه تتكلم اللغه العربيه الفصحى
عطيتها الملف سألتني بعض الاسئله
1 - اول مره تروح امريكا
2- هل لك اقارب في امريكا
3- هل انت متزوج
4- الى اي مكان ذاهب في امريكا
5- ماذا سوف تدرس
6- ماهو التخصص
بعدين طلبت الشهاده حقت الجامعه واعطيتها قالت تحياتي لك فيزتك مقبوله سوف تصلك خلال اسبوع وقالت اروح لفيديكس اعطيهم الرسوم
رحت لمكتب فيديكس دفعت الرسوم وعطيتهم عنواني طبعا بحكم اني خارج مدينه الرياض واني بالمدينه المنوره دفعت رسوم 125 ريال
وامس اتصل على مكتب فيديكس بالمدينه وقال انو لك طرد واصل من الرياض
طبعا انا توي واصل من الرياض وبعد شوي بروح استلم الفيزا وان شاء الله السبت بطلع الرياض عشان اخلص القرار واحجز التذاكر وافيدكم بالباقي
اعتذر عن عدم ترتيب الموضوع لآني توي واصل وتعبان ع الاخر لكن قلت اعطيكم المفيد عشان الناس الي مابعد سوت شي او الي خايف انا علمتكم الي صار بالترتيب
طبعا في ناس خايفه من الضمان انو مايقبلوه انا وضحت الي صار معي وانا شفت كثير صار لهم نفس ماصار لي
نصيحه الي حاجز موعده يروح قبل موعده اقل شي ساعه عشان الانتظار والزحمه
هذا الي صار معي واتمنى اكون افدتكم
شكرا لكم ....
رد: التفاصيل من مراسله المعهد وحتى الحصول على القرار
مبروك .. وعقبالنا ان شاء الله ..
رد: التفاصيل من مراسله المعهد وحتى الحصول على القرار
الف مبروك اخوي
و ما شاء الله و تبارك الله المعهد متعاون وسلس معاك ( انا اشكر المعاهد اللي ماترفع الضغط وبقوووة ) << طلعت له قرون من معهده :(
عسى ربي يوفقك ان شاء الله يارب
دعواتك ان الايتوني يوصل :(
رد: التفاصيل من مراسله المعهد وحتى الحصول على القرار
مبرررررررررررررررررررررروووووك
ونشكرك على الموضوع اعطيتنا تفأل وربي يسهل باقي امورك ان شاءالله
وان شاءالله تتسهل مع الكل يارب
رد: التفاصيل من مراسله المعهد وحتى الحصول على القرار
مبرووووك
بس سؤال ازا ممكن انا مبتعثه وماعندي كشف حساب ل3 شهور ايش اسوي ؟؟
لازم من الكشف دا ؟؟
رد: التفاصيل من مراسله المعهد وحتى الحصول على القرار
اقتباس:
المشاركة الأصلية كتبت بواسطة shy heart
مبروك .. وعقبالنا ان شاء الله ..
الله يبارك فيك اخوي عبدالله وعقبالك ان شاء الله
- - - مشاركة محدثة - - -
اقتباس:
المشاركة الأصلية كتبت بواسطة $الفتى النحاسي$
الف مبروك اخوي
و ما شاء الله و تبارك الله المعهد متعاون وسلس معاك ( انا اشكر المعاهد اللي ماترفع الضغط وبقوووة ) << طلعت له قرون من معهده :(
عسى ربي يوفقك ان شاء الله يارب
دعواتك ان الايتوني يوصل :(
الله يبارك فيك يارب وعقبالك ان شاء الله
وعقبال مايوصلك الايتوني ان شاء الله وتصدر قرارك
- - - مشاركة محدثة - - -
اقتباس:
المشاركة الأصلية كتبت بواسطة amani.
مبرررررررررررررررررررررروووووك
ونشكرك على الموضوع اعطيتنا تفأل وربي يسهل باقي امورك ان شاءالله
وان شاءالله تتسهل مع الكل يارب
الله يبارك فيك يارب
الحمدلله الامور كانت جدا سهله مافيها اي تعقيد الله يسهل لكم
رد: التفاصيل من مراسله المعهد وحتى الحصول على القرار
اقتباس:
المشاركة الأصلية كتبت بواسطة shuaa
مبرووووك
بس سؤال ازا ممكن انا مبتعثه وماعندي كشف حساب ل3 شهور ايش اسوي ؟؟
لازم من الكشف دا ؟؟
الله يبارك فيك اختي
لا كشف الحساب لدارسين على حسابهم الخاص اما المبتعثين مايحتاج
بالنسبه للي ذكرته فالموضوع هيا فالبدايه طلبت بعدين عرفت انو مبتعث على حساب الدوله اتمنى تكون وضحت
الله يسهل لكم ويسر لكم يارب
رد: التفاصيل من مراسله المعهد وحتى الحصول على القرار
رد: التفاصيل من مراسله المعهد وحتى الحصول على القرار
رد: التفاصيل من مراسله المعهد وحتى الحصول على القرار
متى تبدأ دراستك ان شاء الله ؟
اي شهر؟