تجمع منتظري قبول المعهد ؟؟ !!

ان شاء الله تتسهل امورك .. بس توكل على الله

انا عن نفسي طلبت الاي توني بريد عادي باعتبار انهم كاتبين ( 10-15 يوم )

ولما عدت الـ 10 ايام وماوصل كلمتيهم ,,, قالوا لي البريد العادي تاخد 6-8 اسابيع !!!!!!!!!

بجد انقهرت ماكانت بتفرق لو دفعت 100 دولار اكسبريس ميل ولا انتظر 6-8 اسابيع !!

سالته اذا اقدر اخلي احد يروح السنتر يجيبه لي قالي ايه تقدري تسوي له اعادة طباعة من السنتر اللي مسجله فيه

وفعلا احد اقاربي هناك و راح واستلمه وخلال 3 ايام على فيدكس وصلني

وكملت اجراءاتي .,,, لما سجلت اخوي على طول اخترت اكسبريس ميل لاني ماعندي وقت انتظر او اكلف على احد بعد يروح مره ثانيه

اطلب منهم نسخه من الاي توني على الايميل و كمل اجراءات الفيزا بالصور وان شاء الله مايجي موعد المقابله الا وهو خالص

الله يعين ويسهل لكل المبتعثين والمبتعثات

فقط اخلصوا الدعاء لله وثقوا بالله ,, هو خير وكيل

والله يا اختي اني مكلمهم ع انه اكسبريس
بس هم ما ارسلوه هنا المشكلة
مستحيل اصبر ع العادي راح يأخذ وقت كثير
المشكلة قتلهم ع الايميل ارسلوه ولا ينفع معهم اذن من طين واذن من عجين
يقولوا نرسله بهالاسبوع
الله ييسرلنا يارب
اشكرك ع مرورك و إفادتك بالموضوع
موفقة يارب

شف
ااغلب المعاهد التجاريه
ياصلك الايتوني بعد تقديملك للطلب ب 3 ايام
حدهم اسبوع
واغلب معاهد الجامعه يطول
من اسبوع لا سبوعين يمكن اكثر
الله يعين بس
وتختلف من موظف لأخر
ومن معهد لأخر

اخوي الفتى النحاسي الله يعيننا والله بطيئين بصراحة ..

عن نفسي راسلتهم يوم 8 نوفمبر وماشفت الايتوني حقي بعيوني اﻻ قبل امس الساعة وحده ونص الليل وبصورة عن طريق الايميل ..

يعني استغرق عبال مايصدروه 18 يوم .. واليوم ان شاء الله حيرسلوه ..

اهم شي خليك متواصل معهم .. يعني اذا عديت مثلا اكثر 12 يوم ومارسلولك شي كل يومين اسألهم وش صار في موضوعي ...

والله ييسر أمورنا أجمعين .

هو معهد جامعة
فعلا انا ملاحظ التجارية قبولها سريع ما شاء الله
الله ييسرها اشكرك ع الافادة
موفق يارب

والله يا اخوي طفشتهم
كل شوي ايميل
اول شيء قالت موظفة التسويق ان القبول يأخذ اسبوعين قلت اوك مافيش مشكلة
اليوم مكمل اسبوعين
وامس قلي نرسله بدا الاسبوع
انا كل خوفي من الفيزا تتأخر وما احصل موعد
الله يعيننا عليهم
الوزارة والملحقية خلتنا بهذه الربكة
يعطيك العافية ع المشاركة

اخوي ياسر والله اتمنى لك كل خير وان شاء الله كلها ايام وليالي ويوصل لك القبول وصدقني بمجرد انه يوصلك الاي تونتي راح تخلص باقي الامور بسرعة وراح يكون همك الاخير متى راح تستلم الفيزا لانه تعبئة باقي النماذج ما تاخذ منك غير وقت قليل ف المهم بعد القبول متى تستلم الفيزا والمواعيد كثير ولله الحمد في القنصلية بجدة وكثير من يكنسلو مواعيدهم والقرار اما انك تطلع الرياض وتصدره اذا كنت مستعجل او عن طريق البريد الممتاز او الايميل وان شاء الله تتسهل يالغالي وبشرني اذا وصلك القبول والله يوفقك يارب ويسهل لك دربك،،،

من يو م ارسلو لي الضمان وانا مرسلة لهم يعني تقريبا كملت اسبوعين ويوم الاثنين هذا طلبت من اخوي يراسلهم بحكم ان لغته افضل مني والى الان لازلت انتظر
المشكلة مااقدر اسوي اي شي الا بهالقبول يعني انا ابغى ادرس بولاية مغلقه. عشان المحرم فلازم احضر قبولي بالمعهد الموجود هناك واوراق تثبت ان المحرم يدرس. واوديها لوكالة البعثات يدرسون امري. لكن كل شي متوقف على هالقبول. مااقول الا ييسر لنا يارب

والله حالتك نفس حالتي
اول ما وصل الضمان قدمت
و ما رسلوا لي شي وكان يوم الاثنين
الاربعا رسلوا لي عشان ارسل لهم باقي المتيريالز
والخميس رسلت كل شي و انتظرت فتره و ما رسلوا شي كلمتهم و قالوا لي انه الي يقررو القبول مسافرين و بيرجعو الاثنين و العاده هم ياخدو من اسبوعين لثلاثة
طيب انتظرت للاثنين و كلمت و قالت لي انه لا هم ياخدو من يويمن لثلاثة فاراح يرسلوا لي هذا الاسبوع انشالله
انتظرت يومين و كلمت و قالت لي لا احنا ناخد من اسبوعين لثلاثة و انه بكره عندنا اجازة الثينكس غيفن و ما ادري ايش تخربط

فرسلت لهم رساله من القلب انه انا انترنشنال و يبي لي وقت بالايتوني والفيزا و الحجز وكذا و انه الدراسه راح تبدي بجانوري و انا لسى ما وصلني القبول
بالنهاية بس عطوني تاريخ ( الي هو اليوم ) قالوا لي كلمينا بهذا التاريخ و بيكون القرار جاهز
قانا اليوم على اعصابي انتظر يرسلون لي