غلطة مطبعية فادحة في قائمة المعاهد , وأنا ضحية !

السلام عليكم ورحمة الله ..


شوفوا الصورة هذي :


ملف مرفق 23931

هذا رابط الصورة لو ما طلعت


أنا قمت بالتقديم على هذا المعهد :
ELS Language Centers‐UNIVERSITY OF MISSOURI‐ST LOUIS


وحصلت على الـI-20



أنا لما شفت ان فيه اتحاة لـ80 طالب تحمست , مع أني ما كنت قابل المدينة تماماً ! ولكن قلت أبي أكون في السليم :)
ولكن بعد ذلك اكتشفت أنه يوجد خانتين لهذا المعهد إحداها متكدس والآخرى متاح !!
مره مكتوب اسم المعهد لحاله "وهذا اللي بالآحمر بالصورة " ومره مكتوب متبوعاً بأسم الجامعة الي هو في حرمها "وهذا الي بالآزرق" !



في الآي توني حقي مكتوب أسم المعهد ELS Language Centers / St. Louis
وتحته مكتوب الآدرس وأنه في حرم الجامعة UNIVERSITY OF MISSOURI‐ST LOUIS !!

أنا الحين أنتظر الفيزا وقدمت على أساس هذا المعهد !
والملحقية راسلتها من كم أسبوع وتوهم يردون علي أنهم يعتذرون وان المعهد متكدس ..


مدري وش ممكن أسوي :(
بس مو ذنبي والله ! هذي غلطتهم ومابي حقي يضيع !
خصوصا أنه محدد لي أطلع شهر يناير القادم كآخر موعد ومالي مجال أشوف معهد ثاني !
لآني مرشح عن طريق جامعة الملك سعود , ولكن تحت مظلة البرنامج للدفعة الثامنة ..

عاده اذا حطوا المعهد مرتين يعني فيه منه فرعين .. ودائماً يكون فرع بالجامعة وفرع خارجها .
وحسب القائمة يتبين ان هناك فرعين فعلاً .. فرع في الجامعة وفرع خارج الجامعة .
وقبولك مكتوب فيه ELS Language Centers / St. Louis مثل ماتقول
وهذا اسم المعهد المتكدس .. الفرع الي خارج الجامعة .
جرب ارجع وراسل المعهد في هذا الامر واسألهم .. هل فعلاً فيه فرعين للمعهد ؟؟ اذا كان فيه فرعين اطلب تحويل قبولك على فرع الجامعة .

والله حقناااااااااااااااااا كل ضايع

اخوي اخبرتهم طيب انه انا انهيت كل امورك وباقي الفيزا؟
ربي يسهل امرك ان شاء الله

اقتباس:

---

المشاركة الأصلية كتبت بواسطة Lawyer Abdulrahman

عاده اذا حطوا المعهد مرتين يعني فيه منه فرعين .. ودائماً يكون فرع بالجامعة وفرع خارجها .
وحسب القائمة يتبين ان هناك فرعين فعلاً .. فرع في الجامعة وفرع خارج الجامعة .
وقبولك مكتوب فيه ELS Language Centers / St. Louis مثل ماتقول
وهذا اسم المعهد المتكدس .. الفرع الي خارج الجامعة .
جرب ارجع وراسل المعهد في هذا الامر واسألهم .. هل فعلاً فيه فرعين للمعهد ؟؟ اذا كان فيه فرعين اطلب تحويل قبولك على فرع الجامعة .

---

أخوي مكتوب تحت أسم المعهد "بالتفاصيل والعنوان" أنه بحرم الجامعة !
وحسب موقع المعهد مافيه إلا فرع واحد بسانت لويس .. اللي هو بحرم الجامعه

ما عطيتهم خبر أن باقي لي الفيزا ..

بس هم قالوا بالرساله .. إني أشوف لي معهد آخر أو أجي على اساس هذا المعهد و بعدين أغيره إذا وصلت هناك !!

,

أنا رحت للتعليم العالي بخصوص هالشيء .. وجبت معاي صورة من القائمة حقت المعاهد وحطيت هاي لآيت على المعهد وجبت معاي الآي توني
وشرحت للموظف كل شيء .. فقالي وضعك سليم إن شاء الله وقدم على فيزا و ماعليك ..
بس حست كلامه مو مبني على اساس معين , لآنه كان مستغرب ومتردد

الله يعينك اخوي
وان شا الله مايضيع حقك
بالتوفيق :)

صحيح كلامك

وهذا يدل على تخبط الملحقية

والمعهد غير موجود على قائمة المعاهد المعتمدة في تحديث اليوم

الي موجود المتكدس فقط .. الثاني أختفى .. فص ملح وذاب

بس ما أنصحك تطلع هذي المدينة .. ترى تعتبر من أخطر مدن أمريكة على الأطلاق

شوفلك أي معهد ثاني

بالتوفيق لك

برضوو معاك في الضحيه

ونفس المعهد

ما ادري وش السوات

الله يسهل أمركم ويكتب لكم الخير..