إللي طلعو الفيزا .. احتاج مساعدتكم هنا .. موعدي قريب

السلام علليكم ورحمة الله وبركاتة
أنا موعدي في السفارة يوم الثلاثاء و حسافر الرياض من بكرا إن شاءلله
وأبغا تكون أوراقي كاملة عشان ما أقلق هناك
أبغا أسأل هل أخذتو الضمان المالي اللي رسلتو الوزارة على الإيميل
ولا خطاب من الوزارة للسفارة ولا ايش بالضبط
أبغا الكلام الأكيد من إللي طلعو فيزتهم

انا رايحة أدرس بكالوريوس وهذي الأوراق إللي بأخدها :
1- نموذج الـ DS-160
2- الـ I-20 + ورقة قبول المعهد
3- إيصال سامبا " تسديد رسوم السفارة
4- إيصال تسديد رسوم الـسفيس
5- جواز السفر
6- بطاقة الأحوال
7- أصل شهادة الثانوية العامة + صورة طبق الأصل
8- ورقة تأكيد الموعد
9- الضمان المالي " إللي رسلتو الوزارة على الإيميل "

وهذي الأوراق حقت أخويا برضو بيدرس بكالوريوس بس هوا درس دبلوم فأخذت أوراق الدبلوم :
1- نموذج الـ DS-160
2- الـ I-20 + ورقة قبول المعهد
3- إيصال سامبا " تسديد رسوم السفارة
4- إيصال تسديد رسوم الـسفيس
5- جواز السفر
6- بطاقة الأحوال
7- شهادة الثانوية العامة "صورة طبق الأصل"
8- أصل وثيقة التخرج "للدبلوم" + السجل الأكاديمي الأصل
9- شهادة بنكية + كشف حساب ثلاثة شهور
10- ورقة تأكيد الموعد


نسسيت شئ ناقص شئ قولولي ؟!

اخذي الضمان احتياط


ممكن احد الشباب يفيدك اكثر

عندك شهادة الثانوية الاصل !!
ماسلمتيها يوم التدقيق ؟!

اقتباس:

---

المشاركة الأصلية كتبت بواسطة 4 Teen

عندك شهادة الثانوية الاصل !!
ماسلمتيها يوم التدقيق ؟!

---

طبعا سلمتها
بس طلعت بدل فاقد عشان اخذو معايا للسفارة احتياط