ابي تصيحتكم يالربع والله اني في حيره
السلام عليكم ورحمة الله وبركاته
كيف حالكم ان شاء الله طيبين
اخواني اذا رحنا المكتب قالو لاتروح ترى الوزاره محذره من المكاتب التجاريه
واذا جيت ابشتغل بنفسي بحثت لين قلت ربي الله واذا لقيت شي القاه مثلا معهد
من المعاهد التجاريه مثل EF &ELS وغيرها ويقولون ترها ربحيه فقط ولاتجيد التدريس
ومن هالقبيل ويوم لقيت معهد اسمه الكابلان قالو تراه معهد كويس لاعدادك للاختبارات التوفل وغيرها
اما كـادرسه لغه واساسياتها مايدرس كويس واذا رحنا معاهد تابعه لجامعه قالو ترى ماندرس من الصفر
ولازم يكون عندك خلفيه عن الانجليزي وانا الصراحه مبتدىء يعني وابي معهد يدرسني من الصفر
السؤال وش تنصحوني فيه ؟
ابي ترشحون لي معاهد مفتوحه لدى الوزاره وتكون رااائعه وسمعتها حلوه مع مراعاه المدينه والولايه الي هي فيها يعني نسبة الامان والمعيشه والسكن لايكون غالي
والي في يده شيء لايبخل علي بارك الله فيكم
رد: ابي تصيحتكم يالربع والله اني في حيره
من خلال كلامك اشوف ELS مناسب
واللغة تتعتمد عليك انت اكثرمن المعهد
وبالنسبة للولابة و المدينة ابحث عن المدن اللي يتوفر فيها تخصصك وفاضل بينها
انا The Virginia Tech Language and Culture Instituteاخترت
رد: ابي تصيحتكم يالربع والله اني في حيره
مدري بس مايمدحونه
شف انا ودي بمعهد جامعه بس اذا لقيت جامعه كويسه ومعهدها حلو ومدينتها كويسه القاها يامتكدسه
او مافيها تخصصي :(
طبعا انا ماستر قانون