موظف حكومي مرافق مع زوجتي المبتعثه
أخواني أخواتي افيدوني جزاكم الله خير
انا اعمل بجامعه يعني فرع من فروع وزارة التعليم العالي حضرت الملتقى بالرياض وعطوني افاده لمرجعي وعند تقديم الافاده لمرجعي تفأجات من مديري انه مغيبين خلال وجودي في الملتقى مارفع لي اجازه بالرغم اني مقدمها ومبين له الاسباب المهم ولاعليكم بالطويله قدمت له الافاده وقال (انا راح اعارض ومانسمح لان لازم يكون لك بديل بوظيفتك وحنا بحاجه والنظام معنا وماراح نطلعك )قلت له لاتخاف ماراح ادرس انا مرافق وعساكر طلعو مو اما عاد موظفين مدنينين وتفأجات أنه عند عند قولي فما بال بالاجراءات المتعلقه بالسفاره وش بتسوي قال غياب بعد, زوجتك هي المبتعثه انت مالك خص فيه محرم غيرك ابوها اخوها بالرغم اني متحمس لبعثة زوجتي لاني راح التحق معه بس هم مايبوني اكمل وناس قالو حسد واللحين دبرت قبول لي ولزوجتي بامريكا بس باقي اجراءات السفاره...سؤالــي لاهل الاختصاص
-هل النظام معي والا معه لان سألت الاخوان بالوكاله قالو بعد اقرار الابتعاث نعطيك ورقه وماراح تسافر الا وماوفقلك مرجعك رئيسك وكلمت الدكتور عبدالله الفوازن الاستشاري بالخدمه الاجتماعيه قالي افصل .
رد: موظف حكومي مرافق مع زوجتي المبتعثه
شيء غريب الرفض , هو القرار بيد مرجعك اولاً و اخراً , تفضل :
- القرار رقم 45 بتاريخ 3 /8 /1432القاضي بجواز منح العسكري الذي يرغب في مرافقة زوجته المبتعثة للدراسة في الخارج أو أحد ممن يعولهم شرعاً إجازة استثنائية بحد أقصى لا يتجاوز أربع سنوات.
اذا العسكري يحق له فـ من باب المماثلة ان يُمنح الحكومي .. فكلاكم موظفين حكوميين !
ما اعتقد هناك اي سبب للرفض و التحجج بعدم وجود موظف بديل هو لإجبارك على عدم المرافقة لا اكثر , الله يكون بعونك .. حاول قدر المستطاع ولايعيقك كلامه .
رد: موظف حكومي مرافق مع زوجتي المبتعثه
الإجازة الاستثنائية :وهي بدون راتب وتمنح من قبل جهة عمل الموظف لمدة سنة خلال خمس سنوات مع جواز تمديدها من قبل وزارة الخدمة المدنية لمدة أو لمدد لا تزيد عن سنة أخرى كما تمنح الموظفة التي ترافق زوجها أو ولي أمرها الذي يعمل أو يدرس في الخارج إجازة استثنائية بحد أقصى عشر سنوات متصلة أو منفصلة طول الحياة الوظيفية
المصدر موقع الخدمة المدنية
الأجازات
وبقرار الابتعاث ذكر انه يجب على الموظف الحكومي استكمال اجراءات الاجازة ( ما ذكر اخذ الموافقه من جهة العمل )
مع احترامي لمديرك لكنه يجهل انظمة وقواعد الخدمة المدنية
لكن انت بأي جامعه تعمل حاليا ؟
رد: موظف حكومي مرافق مع زوجتي المبتعثه
ياحبيبي توجه لديوان الخدمه المدنية
وادخل على المدير العام واذكر له مشكلتك وان مديرك يعارض على نظام الخدمة المدنية
وشوف الإجراءات وشي
رد: موظف حكومي مرافق مع زوجتي المبتعثه
اعمل بجامعة حايل وااحس فيه ان فيه استقعاد على كلام الاخوان لكن عملي بعمادة كليه واللحظ ان فيه تربص وعدم اعطاءي فرصه حتى بالاجازه الي هي من حقي والمعالي دخلت عليه بالافاده وذكر لي مرجعك وين وارفع من عندهم والافاده لم ترفع للمعالي رفعت لعمادة الموظفين وشؤن الموظفين من الاخوان من ذكر لي ان النظام معي لكن المهم المرجع لازم يوافق ومحتار افصل بس
رد: موظف حكومي مرافق مع زوجتي المبتعثه
اقتباس:
المشاركة الأصلية كتبت بواسطة المتمنــي
اعمل بجامعة حايل والا احس فيه ان فيه استقعاد على كلام الاخوان لكن عملي بعمادة كليه واللحظ ان فيه تربص وعدم اعطاءي فرصه حتى بالاجازه الي هي من حقي والمعالي دخلت عليه بالافاده وذكر لي مرجعك وين وارفع من عندهم والافاده لم ترفع للمعالي رفعت لعمادة الموظفين وشؤن الموظفين من الاخوان من ذكر لي ان النظام معي لكن المهم المرجع لازم يوافق ومحتار افصل بس
معليش اخوي .. تقول ما احس فيه استقعاد للاجازة الاستثنائية لكن في تربص وما اعطوك حقك حتى بالاجازة ! , فيه شوية تناقض او انّي مو فاهمك =)
المهم لاتفكر بالفصل الا آخر حل , بعد ماتمر على مرجعك واذا مانفع كمل البحث حتى لو وصلت لوزارة التعليم العالي او للخدمة المدنية , لأنه من أبسط حقوقك ! , لاتفكر بالفصل حالياً =) .
رد: موظف حكومي مرافق مع زوجتي المبتعثه
لاعزيزي مهندس قادم اقولك فيه تربص والمشكله انا مادري دكاتره يستعبطون على النظام والتجاهل باللوائح والانظمه والا باب الحرمان والمتعه في الم الاخرين؟
رد: موظف حكومي مرافق مع زوجتي المبتعثه
اقتباس:
المشاركة الأصلية كتبت بواسطة المتمنــي
لاعزيزي مهندس قادم اقولك فيه تربص والمشكله انا مادري دكاتره يستعبطون على النظام والتجاهل باللوائح والانظمه والا باب الحرمان والمتعه في الم الاخرين؟
احياناً الكليات يجبرون المعيدين ع عدم الابتعاث لـ سنتين او ثلاث رغم انه يحق له الابتعاث بعد السنة الاولى كأقصى حد , وهالشيء يعود لـ صمت الشخص في الغالب عن حقه , احنا في دولة تحكمنا لوائح وقوانين , شوف اللوائح اللي تدعمك وناقش فيها المرجع
و على ما اذكر انه يحق للمرجع - في حالة واحدة - بأن يرفض او يؤجل مرافقة الموظف للمبتعثة في حال لم يكن هنالك بديل يقوم بعمله , هل الوزارة او مرجعك معتمدين عليك اعتماد كلي وبدونك ماتمشي امورهم ؟ يمكن نظرتهم لك كذا من اجل ان تجلس لا اكثر
بتتيسر لك بإذن الله .. حاول واكثر من الاستغفار .
رد: موظف حكومي مرافق مع زوجتي المبتعثه
يالغالي انت مرجعك ديوان الخدمة المدنية
مثل ما قلت لك تروح لفرع الخدمه المدنية بحايل
وتدخل على المدير العام وتذكر له مشكلتك
وحاول تآخذ منه قرار ينص انه يحق للموظف المرافق اجازه استثنائية
والخدمة المدنية متعاونه لهالشيء
انا بجامعة الملك سعود ولاجازة ماشي امورها لانهم فاهمين النظام
لكن جامعة حايل يبدو انه يغلب عليهم الحسد اكثر من الجهل بالنظام
أبك يروح لامريكه ويصير احسن مني .. لا بالله ما يروح
رد: موظف حكومي مرافق مع زوجتي المبتعثه
ياسر هد شويا... شف يالغالي .. حط ببالك أي أجازة ماتُصدر لك إلا بموافقة رئيسك المباشر او صاحب الصلاحيه.. طبعا زي مافهمنا من كلامك ان هالشخص غير متعاون معاك.. انت حاليا كمل اجراءاتك عادي لحين تصدر قرار الابتعاث لزوجتك ووقتها تاخذه خطاب موجهه من الوزاره لجهة عملك ..علشان تقدم ع اجازة استثنائيه.. طبعا من خلال خبرتي بقولك قدامك حلين... الاول انك تجيب اشخاص ك واسطه ع رئيسك المباشره ومعرفه له وبكذا تنهي موضوعك معه.. في حالة مانجح هالكلام ورفض جميع الواسطات وعنّد..مالك إلا طال عمرك تاخذ موعد مع سعادة مدير الجامعه وتدخل عليه وتقدم له خطاب يشرح وضعك وباذن الله ماراح يقصر معاك . اذا مدير الجامعه ماحل المعامله.. مالك الا وزارة التعليم العالي بحكم انها المرجع.. واكيد بيساعدونك... بالنسبه لموضوع السفاره وكذا هذي ياتاخذ اجازة نظاميه او تجيب عذر طبي او غياب.. بالنسبه للملتقى اذا ماكنت مقدم اجازة رسميه يُعتبر غياب..