وش اللي صار في مقابلة السفارة ؟.... لمن يعرف سالفتي + الخبراء تعالوا باخذ رأيكم

السلام عليكم ورحمه الله وبركاته

أخبار الجميع \ إن شاء الله تكونوا بخير وسعاااده


بالأمس كان موعدي بالسفاره ومن شدة الحرص او الوسوسه سموها بما شئتم جبت معي الوثائق والاوراق المطلوبه وغير المطلوبه
اعتقد مابقي من الاوراق اللي ماشلتها شهاده حسن سيره وسلوك . قبل كم يوم نزلت موضوع للمشكله
اللي صارت لي ولمن لا يعلم بالسالفه يرجع لهالموضوع

اللهم اجرني في مصيبتي .............. اللي يقدر يساعدني تكفى يدخل

الشاهد اني اخذت الاي تونتي الاول حقي اللي فيه اختلاف بالتاريخ نهايه الدراسه لأني مجبر والحمدلله اموري مشت بالسليم
ولما جيت اقابل القنصل سألني كم سؤال وبعدها قال الفيزا مقبوله طبعا وزي ماكان متوقع من اغلب الاعضاء اللي قالوا
ماراح يضر لو تاخذ الاي توتني اللي معك وتخلص امورك فيه لأن اهم شي فيه هو رقم السيفس ولأن الاي تونتي الثاني
بنفس الرقم وايضا القهر وصلني بنفس يوم المقابله << من زين الحظ

سؤالي لأهل الخبره فقط \\ الاي تونتي الثاني وصلني بنفس رقم السيفس ولكن باختلاف لرسمه الباركود هل هذا الشي يستدعي اني اقلق لأني ع ما اعتقد
اخذوا الباركود للايتونتي الاول واعتقد حطوا البيانات في جهازهم عن طريق جهاز القارئ للباركود ؟؟؟ او ان رسمه الباركود مجرد اليه
وان المعلومات تظهر من رقم السيفس ولا يستدعي القلق حتى وان تغيرت الرسمه ؟؟
والله شلت هم هالشيء , الله يعين ويسهل الامور

### ع فكره السفاره ما اخذت مني اي وثيقه او اي ورقه فقط الشيء الوحيد اللي اخذوه الجواز ورسوم سامبا ولكن طلبوا (( ورقه الموعد - رسوم سامبا - الجواز - صوره 5x5 - ورقه ds-160 اللي فيها الصوره )) في المرحله الاولى اللي قبل ماندخل ع السفاره وفي المرحله الثانيه وبعد الانتظار ولما جاء رقمي طلبوا (( ورقه تسديد السيفس - السجل الاكاديمي - الاي توتني - صوره 5x5 - الجواز - الضمان - رسوم سامبا )) وحطوا كل هالوثائق بملف وبعدها رحت ع قاعه ثانيه ولما نادوا ع نفس رقمي لمقابله القنصل اخذ مني الملف واخذ الجواز ورسوم سامبا فقط ورجع كل الوثائق الاخرى وسألني كم سؤال وقال لي رح سدد ع فيدكس . فيدكس ياخذوا ورقه ds-160 اللي فيها الصوره ومبلغ 65 اذا كنت من الرياض او 125 لخارج الرياض ###

بالتوفيق للجميع