الأعضاء الإشتراك و التسجيل

الملتقيات
ADs

قصتي مع القنصليه الامريكيه بجده تاريخ 26/11/2012

قصتي مع القنصليه الامريكيه بجده تاريخ 26/11/2012


NOTICE

تنبيه: هذا الموضوع قديم. تم طرحه قبل 1837 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Ahmed BJ
    Ahmed BJ

    مبتعث جديد New Member

    Ahmed BJ الولايات المتحدة الأمريكية

    Ahmed BJ , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى It , بجامعة The university of albama
    • The university of albama
    • It
    • ذكر
    • ., .
    • السعودية
    • Nov 2012
    المزيدl

    December 4th, 2012, 12:21 AM

    السلامم عليكم ورحمه الله وبركاته


    الممهم ي اخوان هذه قصتي لمآ رحت سويت المقابله الشخصيه بتاريخ 26/11/2012 في جدة

    نخش دوغري ف الموضوع هههه


    طبعا رحت القنصليه ع الساعه 7 وآحسب نفسي انا اول واحد راح اوقف في الطابور , الجو كان لابأس به وانصدمم والاقي الطابور قدامي حوالي 9 او 10 انفار وخويكم منتظر الفرج من ربنا
    وبصراحه وقتها كنت خايف لاني سمعت كلام كثير , وجلست اقول ادعيه وكل شوي اتحصن ههههه , وصلت عند الاخ السوداني اخيرا

    قالي اعطيني جوازك وأشر على الاسم وقلي خليك لين ما يقولولك تعال , جا البنقالي قلي تعال ودخلت جوا وفتشوني ومن الحركات ذي واعطيتهم الجوال والمحفظه والحاجات ذي واعطاني رقم
    المممهم دخلت جوا ماني عارف ايش الطبخه لانو الخوف جالس يزيد !!

    دخلت مكان وقلي البنقالي خذ رقم وفتشني ودخلت الصاله , لمآ دخلت الصاله بصراحه انصدمت لانو ماشاء الله الصاله كانت ففففللل ماكنت متوقعها كذا , الممهم جلست وفتحو اعتقد شباكين واقول في نفسي الحين بنتظر امه محمد ذي تخلص بعدين يجي دوري ! ههههههههه

    والخوف كل ماله يزيد ومن الملل داخل الصاله مافي لا جوال نطقطق عليه ولا شي نطالع في وجيه الناس

    وبعد صبر طووويل رحت اخر شباك عند وحده سعوديه وكنت ادعي اروح عندها , وبالفعل رحت واخدت الجواز و النآين تونتي والحاجات الباقيه وقالت استريح

    جلست جنب واحد كان معايا ف المدرسه ودق حنك وسواليف وضحك ونادو على اسمه وتوكل وزبط اوراقه وانا لسا جالس منتظر

    شويآ ينادي علي واطيح بيد واحد مدري هو امريكي ولا لبناني وتكلم معايا شوي

    وسألني

    ماذا تعرف عن امريكا ؟
    الى اي ولايه ستذهب ؟
    من تعرف في امريكا ؟
    على حساب من ؟

    وخويكم المليح سوى كل شي ونسي كشف الحساب او بالأصح ماسويت كشف حساب هههههه
    قالي ماقدر اعطيك فيزا الا لمن تجيب لي كشف حساب وطلع لي ورقه حمرا وأشر على الشي الناقص واعطاني هي وحط الجواز عندهم

    طبعا وقتها والله شكلي الله لا يوريكم كيف مكتئب بمعنى الكلمه وجلست ادعي ربي
    وسوينا كشف حساب والحمد لله

    جاتني الفيزا ف خلال اسبوع مع العلم رحت لهم يوم 26 /11 وطلعت لي يوم 28/11 بس عشان كشف الحساب تأخر شوي


    وبسسس هذه كانت تجربتي معاهم واتمنى اي احد عنده مقابله لاحد يخاف لانو والله مافي شي يخوف ممممره
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.