تم إصدار القرار والتذاكر (تنويه بخصوص شركات الطيران الأخرى)

السلام عليكم ورحمة الله وبركاته

اليوم رحت الوزارة واصدرت القرار طبعًا رحت بدري

اللي حصل أني رحت بدري الساعة 8 الصبح تقريبًا وضبطت اوراقي وصورت فيه طبعا الة تصوير وسكانر وانترنت وكل شي في الوزارة ..

المهم انتظرت تقريبا 3 ساعات لين جاني الموظف بالقرار وعطاني صورة منه جزاه الله خير .. وكنت حاجز رقم على الطيار ورحت له وعطيته صورة الجواز وصورة القرار وسوى لي الحجز ..

هالأمور سهلة ومايبي لها شي ..

طبعًا فيه نقطة مهمة من أجلها كتبت الموضوع

بالنسبة للرحلات اللي على الطيران الاجنبي ... هي ممكنة للولايات الغربية واخر موعد للسماح هو نهاية عام 2012 وبعدها كل الرحلات لابد ان تمر على واشنطن ..

كل الموظفين اكدوا هالشيء

المهم انا رحلتي على الطيران الالماني بحكم اتفاقيتهم مع الخطوط السعودية بتكون في يوم 23 ديسمبر الساعة 2:30 الصبح ان شاء الله وامر على فرانكفورت 3 ساعات ترانزيت ثم دايركت على سياتل ..

مريت على الدكتور ماجد وقال لي ابحث مع الاعضاء اكثر الامور التي يحتاجونها او القضايا المتكررة وتعال انت او احد من المشرفين للقاء بي لاستعراض هذه النقاط وابرزها للمنتدى منعا للشائعات ووعدت اني قبل مااسافر بمر ان شاء الله للمرة الاخيرة على الوكالة ..

شكرًا للجميع

الف مبروك ي عبدالله تستهل وانا اخوك والله يسهل لك

مبرووووووووك

عقباال الجميع

مبروك على اصدار القرار والتذاكر واللة يوفقك ياخوي
ويعني مافي امل نروح على الامارتية مرة حتى اذا معهدي في كالفورنيا

ألف مبرووك

بس وش سالفة حاجز رقم على الطيار !؟

طيب فيه رحلات قريبه يعني ع 13 او 15 ديسمبر ؟

مبرووووك اخوي عبدالله وأنا بعد ع سياتل ان شاء الله ورح أطلع باذن الله ع الاماراتية جدة دبي سياتل خلينا ع تواصل

بس وش سالفة حاجز رقم على الطيار !؟


نقدر نحجز على اي مكتب طيار ونأخد رقم قبل ما نصدر القرار يكون عندنا خط سير الرحله

ولا ماينفع .........؟

اقتباس:

---

المشاركة الأصلية كتبت بواسطة مهندس مكانيكي

مبروك على اصدار القرار والتذاكر واللة يوفقك ياخوي
ويعني مافي امل نروح على الامارتية مرة حتى اذا معهدي في كالفورنيا

---

ممكن على كاليفورنيا اذا كان فيه رحلة مباشرة لها بس اهم شي تكون سفرتك خلال شهر ديسمبر الحالي

اقتباس:

---

المشاركة الأصلية كتبت بواسطة Soso Mohammad

ألف مبرووك

بس وش سالفة حاجز رقم على الطيار !؟

طيب فيه رحلات قريبه يعني ع 13 او 15 ديسمبر ؟

---

حاجز رقم انتظار قبل لانه فيه ناس تنتظر انا ابد خلصت القرار ومريت عليهم

ماادري عن الرحلات القريبة لاني جيت ابي يوم 23 ديسمبر

لكن اذكر فيما سبق قبل الملتقيات قالي الموظف اهم شي يكون على اقل تقدير فيه اسبوع ..

اوووه انت معايا في سياتل اجل لازم اشوفك هناك يالغالي وصدقني راح يكون ليا الشرف اني اقابلك في سياتل وانا ان شاء الله رحلتي للرياض يوم الاحد عشان اصدر القرار بإذن الله واحجز على يوم ٢٥ ديسمبر ... انت ايش تنصحني يالغالي اطلع بالالمانية ولا الاماراتية افضل ؟؟