انا ابغى اعرف لو بقدم ع بعثة لازم انتظر المرحلة التاسعة او اقدر اقدم دحين ؟
لو معدلي 3.73 يجبرو الكسور ويقبلوني او لا ؟
وشكرا
عرض للطباعة
انا ابغى اعرف لو بقدم ع بعثة لازم انتظر المرحلة التاسعة او اقدر اقدم دحين ؟
لو معدلي 3.73 يجبرو الكسور ويقبلوني او لا ؟
وشكرا
لا مايقبلونك.. افضل طريقه لك تروحي تدرسي فتره ع حسابك وبعدها يلحقونك بالبعثه..
ابدا ما قدصارت انا سمعت البعض يقولون ممكن لو 3.74 تجبر لهم
على كلا انا تخرج هالترم وان شاء الله يكون المعدل مثل ما هم طالبين الله يستر
طيب متى يبدأ التقديم ؟
على رمضان ان شاء الله :)
بس شدي حيلك ياعسل , وجيبي المعدل اللي طلبوه
يسلمو ع ردودكم
باقي عندي كم سؤال
لو قدمت في المرحلة التاسعة في رمضان
انتظر لمتى تجي الموافقة
وايش المدة الي راح تكون باقية واسافر
واسفة ع كثرة الاسئلة
نفس الاستفسارات عندي
المرحلة الثامنة كان في تشديد في شرط المعدل
حاولي توصليه للمعدل المطلوب الترم دا
بالنسبه للترشيح، بعد شهر تقريباً من التقديم يوصل الرد
بالترشيح المبدأي وموعد التدقيق للتأكد من صحة الوثائق
بعد التدقيق بتكون الملتقيات في نص الحج او بداية محرم
اما السفر فهوا حسب اختيارك انتي
الفترة اللي حابه تبدأي فيها ونظام المعهد اللي تبغيه ومتى مواعيد بدايه الكورسات
عموماً تقدري تطلعي من بداية السنه الميلادية
هدا بصفة عامة ،، احتمال تتغير الامور في المرحلة الجية
حنا المرحلة الثامنة
وهالأسبوعين سافروا المستعجلين ,, !!
يعني اذا تبين تلحقين على الترم الثاني هناك ,, يمديك بكل سهولة بإذن الله