دراسة المعهد في 22 يناير !!
السلام عليكم ..
انا الحين ماقدمت على المعهد ناوية اقدم اليوم .. والدراسة تكون في 22 يناير
هل يمديني ؟؟ المعهد هذا اسبوع او 10 ايام والاي تونتي عندي .. هل يمدي عالفيزا واصدار قرار الابتعاث .. وحجز التذاكر او مايمدي ؟؟
بليز عطوني من تجاربكم كم المده وخلصتوا كل شيء ؟
رد: دراسة المعهد في 22 يناير !!
احس مايمديك انا نفسك دراستي ب يناير وراسلت المعهد وبديت اخلص اموري من ايام ملتقى الخبر وللحين ماخلصت اموري وحاسه بضيقه وقت
رد: دراسة المعهد في 22 يناير !!
اي والله صادقه الايام تروح بسرعه وحنا لسى حايسين .. انا قدمت على كذا معهد والى الان محتاره
رد: دراسة المعهد في 22 يناير !!
والله كانك تبي تبدين من اليوم
اعتقد وبنسبه كبيره راح يمديك
لاني اليوم رحت للوزراه وواحد من الموظفين يقول احنا نتساعد ونعطي القرار للي دراستهم بعد يومين او ثلاثه حتى يمديهم يحجزوا ويخلصوا امورهم قبل ماتبدأ دراستهم
بمعنى احنا اليوم 4 ديسمبر ولو راسلتي معهدك اليوم راح يجيك الاي توينتي كحد اعلى بعد اسبوعين يعني 18 ديسمبر بعدها تحجزي ع اقرب موعد للسفاره وغالبا اذا كنتي من الرياض يكون بعد اربع ايام لكن خلينا نقول اسبوع بكذا راح يكون موعد السفاره ب 25 ديسمبر والفيزا ان تأخروا ماراح يتعدوا اسبوعين بالكثير يعني 9 يناير عندك الفيزا ان شاء الله تروحي بعدها بيوم او يومين يعني ع 10 او 11 يناير تصدري القرار وراح يطلع لك كحد اعلى بعد يومين يعني 13 يناير ع كذا تروحي تحجزي التذاكر بالتاريخ اللي يناسبك ومن الافضل يكون قبل الدراسه بكم يوم حتى تتوازنين وتعرفي وضعك يعني ع 18 مناسب جدا
للمعلوميه كل الارقام والتواريخ مبالغ فيها واعتقد منطقيا كل الشغل راح ياخذ منك شهر فقط بالكثير لكن حسبتها بالكثير حتى ترتاحي وتعرفي ان معاك وقت
بس احرصي ولا تتأخري لأن كل يوم يعدي مو من صالحك
رد: دراسة المعهد في 22 يناير !!
مشكور على المعلومات أنا مشترك جديد في الموقع تقدر تفيدني في اكتب موضوع او مشاركه بس بليز بدن ضحك ههههههههههههههههههههههه
رد: دراسة المعهد في 22 يناير !!
ال i20ً قوليلهم ابيه على فيدكس وابي
بريد مستعجل سريع بيوصلك بيومين
وانك بتدفعين المبلغ لهم لما توصلي المعهد
انا كذا سويت
رد: دراسة المعهد في 22 يناير !!
مشكوورين طمنتوووني .. طيب لو فرضا ماامداني اقدر اادل دراستي
رد: دراسة المعهد في 22 يناير !!
والله انا اشوفك انك متأخخخخخخخخخخرة
رد: دراسة المعهد في 22 يناير !!
يمدي أن شاء الله ، طالما مأأجلتي وبديتي مراسلة من اليوم ،،
كثير من المعاهد ترسل القبول خلال 3-7 ايام ,, ولكن استعجلي اذا تبين تروحي ع يناير ..
بالتوفيق :)
رد: دراسة المعهد في 22 يناير !!
انا اشوف ان شاء الله يمديكي لكن حاولي تنجزي لاتتاخري اكثر