رد: كيفية اصدار قرار الابتعاث للشباب!!
يعين بروح مشوار وسفر
عشان بس اسلم الاوراق ماتساهل !
والبريد راح تاخذ وقت
ياليت الي راح يسالونهم اذا في اميل او ممكن يسوون اميل
لا ن بصراحة الشغله ماتساهل الواحد يسافر عشانها
رد: كيفية اصدار قرار الابتعاث للشباب!!
اقتباس:
المشاركة الأصلية كتبت بواسطة $ The stranger $
ي جماعه ورب النعمه انا امس رحت لهم وما استفدت منهم شي ولا عطوني قرار الابتعاث قالوا لي نرسله لك ع الايميل
كل اللي سويتيه اني عطيتهم اوراقي وقلت للموظف ابغى استلم القرار بيدي قال خلاص بشوف وتعال لي بعد ساعتين وع فكره ترانا مانعطي القرارات الحين
المهم جيته بعد ثلاث ساعات من كلامه وقال لي عطني رقم بطاقه احوالك وبعدها قال حتى اللحظه لم يصدر قرار الابتعاث فكيف تبغاني اطبعه لك واعطيك اياه
قلت له يا رجال والله ضارب لك مشوار عشان اخذ القرار شف لي اي حل قال والله هذا اللي بيدي مالك الا تنتظر القرار بايميلك وقال ترى فيه معاملات من امس
ماخلصنا شغلهم ومع معاملات اليوم تقريبا 250 شخص ينتظر اصدار القرار يعني على م بال يجي دورك ممكن نعطيك القرار بكره اللي هو اليوم
الخلاصه اللي لازم يعرفها اي انسان خارج الرياض
عشان تعب الطريق وعشان مايحصل لك اللي حصل لي ارسل كل اوراقك لايميلهم وحرصهم ع القرار باسرع وقت
انا الحمدلله قبل قليل وصلني القرار
وم باقي غير اروح لمكتب الطيار اطلع التذاكر
معلومه ع ذمه الموظف قال لي اي فرع للطيار خارج الرياض يطلع لك تذاكر عادي ولكن بالرياض فقط المكتب اللي بالوزاره
اتكلم عن ماحصل لي وعن كلام موظفين واسمهم سامي والاخر رعد
يمكن اذا صرت محظوظ تمشي امورك لو رحت لهم ولكن انا نقلت اللي حصل حتى يعرف الجميع الوضع ونقلا عن موظفين اثنين اللي ذكرت اسمائهم
كل التوفيق للجميع
طيب نبي نعرف ايميلهم لان الايميل السابق يا اخ saudi_magic اذكر انهم ما يردوا عليه
رد: كيفية اصدار قرار الابتعاث للشباب!!
ياطويل العمر انا امس ارسلت لهم ايميل .. استفسر عن ايميل الموظف المختص ب إصدار قرار الابتعاث ف كان رد الوزاره ان هذا هو ايميل الي من خلاله تقدر تصدر قرار الابتعاث.. وكان ردهم سريعا وبرضو استفسرت عن نقطه وردوا على طوول
رد: كيفية اصدار قرار الابتعاث للشباب!!
عزيزي الطالب
البريد الإلكتروني
kasp@mohe.gov.sa
وكالة الوزارة لشؤون البعثات
مركزخدمات المبتعثين
هاتف / 012688999
تحويله / 7050 - 7051 - 7052 - 7053 - 7055
رد: كيفية اصدار قرار الابتعاث للشباب!!
كفيت ووفيت . يعطيك الف عافية
رد: كيفية اصدار قرار الابتعاث للشباب!!
يالت اللي اصدر قرار ابتعاث على هذا الاميل يقول كم اخذوا على ماردوا عليه
مشكور على الاميل
رد: كيفية اصدار قرار الابتعاث للشباب!!