كيفية اصدار قرار الابتعاث للشباب!!

فيه ايميل تقدر تراسلهم عليه ..

لكن نصيحة من اخوك .. سافر للرياض بنفسك .. انا طلعت الرياض الاحد الماضي واصدرت قرار الابتعاث ولله الحمد .

لكن لا تطلع الرياض و المعهد الي جبت منه القبول متكدس !!! والله العظيم ما يصدرون القبول لو تفحط يا شيخ

اما لو المعهد متاح واوراقك كاملة .. كلها ساعه وتستلم القبول .

شكرا لك
انا توني شيكت وطلع قدام اسم المعهد هولد علما بأني جبت القبول قبل مايحدثون القائمه وكان متاح

وش يعني هولد هل انه متكدس وماراح يصدرون لي القرار ؟؟؟؟

الله يسعدكم احد يقول لي ايش متطلبات اصدار القرار لمن قرات كل ناس يقولو شي
ريحوني الله يوفقكم :')

القبول للمعهد الفيزا والضمان والشهاده وورقة المحرم

هذا اللي بالي

يأخوان اتمنى تعطونا الايميل الله لا يهينكم .

على كلام الشباب هنا
الايميل بس للبنات
اما العيال يطلعوه من الرياض مباشره
او يرسلو اوراقهم بالبريد
وكل الخيارين صعبه للي خارج الرياض

صحيح بس اتمنى ان في ايميل برضوا للشباب لأن في ناس من خارج الرياض . و أذا ارسلته بالبريد يمكن يأخذ اسبوع عمل . اتمنى الي طلع القرار من خارج الرياض يفيدونا

جربوا ترسلون على هذا الايميل

KASP@mohe.gov.sa

ي جماعه ورب النعمه انا امس رحت لهم وما استفدت منهم شي ولا عطوني قرار الابتعاث قالوا لي نرسله لك ع الايميل
كل اللي سويتيه اني عطيتهم اوراقي وقلت للموظف ابغى استلم القرار بيدي قال خلاص بشوف وتعال لي بعد ساعتين وع فكره ترانا مانعطي القرارات الحين
المهم جيته بعد ثلاث ساعات من كلامه وقال لي عطني رقم بطاقه احوالك وبعدها قال حتى اللحظه لم يصدر قرار الابتعاث فكيف تبغاني اطبعه لك واعطيك اياه
قلت له يا رجال والله ضارب لك مشوار عشان اخذ القرار شف لي اي حل قال والله هذا اللي بيدي مالك الا تنتظر القرار بايميلك وقال ترى فيه معاملات من امس
ماخلصنا شغلهم ومع معاملات اليوم تقريبا 250 شخص ينتظر اصدار القرار يعني على م بال يجي دورك ممكن نعطيك القرار بكره اللي هو اليوم
الخلاصه اللي لازم يعرفها اي انسان خارج الرياض
عشان تعب الطريق وعشان مايحصل لك اللي حصل لي ارسل كل اوراقك لايميلهم وحرصهم ع القرار باسرع وقت

انا الحمدلله قبل قليل وصلني القرار
وم باقي غير اروح لمكتب الطيار اطلع التذاكر

معلومه ع ذمه الموظف قال لي اي فرع للطيار خارج الرياض يطلع لك تذاكر عادي ولكن بالرياض فقط المكتب اللي بالوزاره

اتكلم عن ماحصل لي وعن كلام موظفين واسمهم سامي والاخر رعد
يمكن اذا صرت محظوظ تمشي امورك لو رحت لهم ولكن انا نقلت اللي حصل حتى يعرف الجميع الوضع ونقلا عن موظفين اثنين اللي ذكرت اسمائهم
كل التوفيق للجميع