DHL وصل الـ I-20 لشخص آخر .. شلون ؟
السلام عليكم و رحمة الله و بركاتة
يا أخواني و أخواتي الأعزاء .. اليوم وصل الـ I-20 عن طريق الـ DHL لـ الرياض
بس مكتوب في الموقع :
Delivered - Signed for by : ABU A RAHMAN RIYADH 10:55 AM
شلون شخص آخر يستلم عني شحنتي ؟ وين عايشين إحنا ؟
طبعا أنا أنقبلت في معهد ELS .. و أخذت الشحنة يومين تقريبا على بال ما وصلت ..
هل فيه أحد سارت معاه كذا قبل ؟
دقيت عليهم يقولون لازم نرفع طلب و نجاوبك يوم السبت .. و ممكن الـ أب ديت في الموقع يكون غلط ..
هل هذا الشخص أخذ الشحنة بالغلط .. ما لاحظ أنه مو حقه .. مكتوب عليه أسمي ..
هل الـ DHL يعطون الشحنات للـناس بدون ما يتأكدون .. يعني أقل شي رقم الشحنة .. ما أتوقع هذا الرجل عنده رقم الشحنة حقتي ..
هل هذا شخص مندوب تبع المعهد ؟ ..
الصراحه أنا مره متفاجئ من الحركة البايخة هذي ..
ياليت ألي عنده أي شي ممكن يساعدني فيه يتفضل :)
رد: DHL وصل الـ I-20 لشخص آخر .. شلون ؟
إتصل عليهم و عطهم رقم التتبع
و كل أسئلتك اطرحها عليهم
رد: DHL وصل الـ I-20 لشخص آخر .. شلون ؟
طيب اخوي اتصل على dhl
و بلغهم بالموضوع
موفق يارب
رد: DHL وصل الـ I-20 لشخص آخر .. شلون ؟
يالغالي اتوقع انه غلط من الموقع نفسه لأنهم يطلبو رقم الارسالية من الشخص اللي يستلم الطلب ومستحيل رقمين يتشابهو الافضل انك تتصل على DHL وتعطيه رقم الارسالية وتتأكد بنفسك...
مووفق،،،
رد: DHL وصل الـ I-20 لشخص آخر .. شلون ؟
لايكون انت مقدم عن طريق وكيل لهم !!! والوكيل هو الي استلم قبولك؟؟
رد: DHL وصل الـ I-20 لشخص آخر .. شلون ؟
اقتباس:
المشاركة الأصلية كتبت بواسطة saudi_magic
لايكون انت مقدم عن طريق وكيل لهم !!! والوكيل هو الي استلم قبولك؟؟
لأ . انا مقدم بنفسي ..
أتصلت عليهم يقولو يوم السبت يردون علي ..
الله يصلحهم بس ..
رد: DHL وصل الـ I-20 لشخص آخر .. شلون ؟
ماعليك ترى استلام الشحنه في DHL مايكون الا ببطاقة الهويه ولازم يتاكد من هويتك ورقم الشحنه وبعدين يعطيك
لأني مستلم منهم السيفيس قبل أسبوعين تقريبا
ثانيا ترى رقم الجوال ينكتب على الشحنه يعني لو فرضنا احد ثاني اخذ الشحنه لازم يتصل عليك
ويوصلك شحنتك وهو أصلا ماراح يستلم شحنه مو شحنته ويترك شحنته الأصليه
لاتخاف ترى DHL شركه عالميه وهي أفضل شركه حول العالم وتعاملهم جدا أمن وراقي ومضمون
وحقك تاخذه حتى اذا كان الخطأ منهم يعوضوك عن خطاهم ويجيبولك شحنه جديده على حسابهم هذا اذا ماعوضوك ماديا عالخطأ
رد: DHL وصل الـ I-20 لشخص آخر .. شلون ؟
اكيد في غلط لأن كما ذكروا لك الاخوان من المستحيل انهم سلموا شحنتك لشخص اخر . لأن هناك اجراءات لازم تصير قبل ما تستلم شحنتك و منها التوقيع . انتظر الى يوم السبت ودق عليهم
رد: DHL وصل الـ I-20 لشخص آخر .. شلون ؟
اخوي مكاتب الشحن
لما احد يستلم الشحنه يصورون بطاقة هويته
اسالهم وشوف مين استلمها
اخاف انه من اهلك يبي يسوي لك مقلب
رد: DHL وصل الـ I-20 لشخص آخر .. شلون ؟
اتوقع أن الموظف هو اللي موقع على الاستلام روح فرعهم أكيد بتلقى احد يفيدك هناك