بخصوص إجابة المرافق بسؤال ( من المتكفل بدراستك ؟؟)

المشكله اللي مأخرتنا هي كشف الحساب حق الثلاثه شهور
أنا دحين بترجمه إن شاء الله وأشوف

مشكوره ي قلبي

وشو كشف حساب؟؟ ووش وش اقول ههاي ريلاكس.. الحين مرافقك معاه اي توني؟؟

آخوي الكريم ..
المرافق إذا راح المقابله يكون معاه آيتوني آوكي . بس يطلبو منه شهاده بنكيه بمبلغ كويس وكمان كشف حساب لمدة ثلاثة شهور ..
الشهاده موجوده بس المشكله بكشف الحساب يعني المبلغ دوبو تدبر مالو وقت بالحساب ..
على فكره لو تروح لقسم إجراءات القنصليه بالمنتدى رح تحصل مواضيع بالكلام هذا ..
الله يعين .

ابداً هذا الكلام غير صحيح.. واصلا اسم المرافق مرسول للسفاره مع اسم المبتعثه.. لاتشيلين هم هذي كلها وساوس . اهم شي خذي معاكم نموذج التاكيد حق ١٦٠ وايصال دفع رسوم الفيزه+ سيفس والايتوني وضمان الوزاره والورقه الي كنتي تدخلين بها الملتقى هذي الاشياء المهمه

بحكم آن الطآلب رآيح ومعآه كشف الحساب من وجهة نظري الشخصية ..
انه يقول انا بتكفل بالتكاليف .. طبعا السفارة مالهم علاقة بالوزارة وسوآلف الدفع ..
واذا قالهم بيدفع لنفسه أو اختي بتدفع أو أي فرد من العآيله يريح رآسه من الحوسه ..
واذا وصل هنآك تتكفل الوزارة بالدفع ولكن مو شرط يذكر هالشيء للسفارة ،،

عوآفي .

آخوي الله يرحم والديك هاذي مو وساوس ..في ناس راحت وطلبو منهم وفي ناس تيسرت معهم الحمدلله وما طلبو منهم .. قرأت مواضيع المبتعثات وفي كذا هرجه بالشي هذا ..
كلامك يطمن بس ياليته واقع..
إحنا ما نبغى نجازف ونروح ويحطوه من النواقص عاد وقتها من فين ندبرو لهم المبلغ مالو وقت بالحساب..
والكلام هذا آنا سمعته بالملتقى كمان بمحاضره آلقوها موظفات من السفاره ..

مشكلتنا نخلط بين الامور.. ياختي كشف الحساب لأخر ٣ شهور هذا للي بيقدم فيزة سياحيه .. والشهاده البنكيه للطالب الي بيدرس ع حسابه.. لكن مرافق المبتعثه لا ذي ولا ذاك.. وسسلامتك..

اخوي سعودي ، انت صادق ، والمدينه صادقه

بس تدري ليه !

لانه على حسب الموظف الي بيقابلك !

فيه موظفين عارفين النظام وانه خلقه المرافق يتبع المبتعث بالصرف وكل شي ومايستقعد

وفيه موظف فاهم وقمة ابو الاستقعاد ويدور الزله عشان يستلكع

ف هي معها حق تاخذها من باب الاحتياط واسلم

يعني اذا يحصل لها انها تجيب كشف حساب ، زيادة الخير خيرين

تقولهم انه على حساب الوزاره وللزياده هذا اثبات بمقدرته على التكفل بالصرف على نفسه في حال عدم دفع الوزاره

عن الشكه ع قولة جيجي خذي معاك الشهاده البنكيه الي باسم اختك..وباذن الله الفيزة بتتسهل.. سبق لي واستخرجت فيزة شنغن والفيزة السنغافوريه وبرضو زرت نيوزليندا وعطوني فيزة زياره.. صراحه ماشفت تعقيد. ومايذكرني بالسفاره الامريكيه إلا المنفذ السوري.. والله كنا ناقف قدام موظف الجوازات وحاطينن ايدينا ع قلبونا.. لانه لو قال فيه تشابه اسماء معناته انك بتروح بالسجن اسبوعين ^_^ وتطلع بعدها براءه .. ف مزاجية الموظف هي المسيطره ع الموقف لكن البخشيش يجيب نتيجه معه هههاي لكن القنصل الامريكي مدري وش الي بيجيب راسه ^_^

سعودي ذكرتني بسالفة البخشيش يوم اروح للسفاره

رايحه مع اخوي ويقالي البنت التي مرتبه ومنظمه < تقردنهم عشان يقبلونها بسرعه

وحاطه كل شي بظرف ، وحاطه صورتي مع الفلوس حقت فيدكس بظرف صغير جوا الجواز

يوم طلبت الموظفه اللبنانيه الي بالاستقبال الجواز والصور واعطيها الظرف وتفتحه وترميه قالت يي مصاري ! انتبهي

ويلقطها اخوي ويقول الله يقلعتس خذيها

وندخل ومصممه انا وظرفي وارجع احطه جوا الجواز واسلمه للموظف جوا مادريت الا اخوي يلقطه حسبي الله على ابليستس من بنت !

مدخلته جوا الجواز وتعطينه الموظف ، يعني وشو ! مشني واعطيك فلوس !

قلت ياخي احسن النيه < لاطبعوا رسمة القروش على جبهتس احسني النيه

مايستفاد : لاتصير ثور وتحط الفلوس جوا الجواز تروح فلوسك وحياتك : )