الأعضاء الإشتراك و التسجيل

الملتقيات
ADs

استفسار أيها الخبراء :أنا مرشح نهائي للابتعاث ،ومقبول مبدئيا للإعاده بجامعة سلمان بالخرج؟الحل

استفسار أيها الخبراء :أنا مرشح نهائي للابتعاث ،ومقبول مبدئيا للإعاده بجامعة سلمان بالخرج؟الحل


NOTICE

تنبيه: هذا الموضوع قديم. تم طرحه قبل 1829 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حامدفهد
    حامدفهد

    مبتعث مستجد Freshman Member

    حامدفهد الولايات المتحدة الأمريكية

    حامدفهد , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ENGLISH , بجامعة جاري البحث
    • جاري البحث
    • ENGLISH
    • ذكر
    • Boston, Massachusetts
    • السعودية
    • Apr 2011
    المزيدl

    December 11th, 2012, 04:58 PM

    مساء الخيرات
    ياجماعة الخير مثل ماتعرفون أننا رشحنا وأرسل لنا الضمانات المالية في الرياض من أكثر من شهر ونص ،وقبل الوقت هذا كنت مقدم على وظيفة معيد بجامعة سلمان من شهر 10هجري ،أي 9 ميلادي
    بعد ماتم ترشيحي مبدئيا لبرنامج أبو متعب . بعد تقديمي لجامعة سلمان بثلاثة أسابيع تم فرزي وتحويل ملفي لكلية العلوم والدراسات الانسانية بالافلاج وبعد كذا رحت الافلاج واختبرت وسويت المقابلة ودقو علي بعدها بثلاث أسابيع
    وباركو لي بالقبول طبعا بعد حضورنا الملتقيات .
    ((((يا والله اللي فرحت فرحه لدرجة أني كبر راسي على برنامج أبو متعب)))) ويافرحة ماتمت . عودوا الخرج أنفسهم أي المركز بالجامعة وقالوا لابد اختبار ثاني ومقابلة ثانية .
    بعدها كلت تبن شوي ورحت قبل أسبوعين واختبرت واجتزت الاختبار ((كنا وقتها حوالي 35شخص ،بينما مانجح إلا حوالي 20)) وسويت المقابلة ومشت الامور الحمد لله
    وفقشت عليهم لما خيروني قالوا ((لو بنقبلك بأي مكان تود التدريس فيه ؟ )) طلعت مني فقشه مدري وين جت معه قلت لهم
    ((I am your son just guide me ))ضحكوا ومشت الأمور من اسبوعيين ولاعاد أدري وش السالفة .

    اللي مدوش راسي :
    1- لانيب اللي استغليت الشهر ونص في جلب القبول لأن الافلاج قالوا انت مقبول معيد مبروك ، ولاعلموني أنه قبول مبدئي وطنشت البحث عن الجامعات لمدة شهر ونص الشهر ؟
    2- ليس لدي أي خبر أو علم عن الوقت اللي بيخبروني فيه أني مقبول أو مرفوض ؟
    3- أقسم لكم بالله أنه توه جايتني رساله من مكتب قبولات خارجيه الحين الساعة4:48 ذا العصرية وهذا يتعبر بالنسبة لي جرس من أجراس الإنذار المحفزه والمقلقة في الوقت ذاته .
    __________________________________________________ __________________________________________________ _____________________________
    الحين ياحبايبي عطوني أي رأي أو مشوره أحس بكذا أني لا بحصل هذي ولاهذي
    ودمتم بخير


  2. مكاتب القبولات خلك منها

    لو نويت تكمل في بعثة ابو متعب على قولك انصحك تجيب قبولك بنفسك ابحث عن مكان مناسب لك ومعهد قوي وسجل فيه

    بالنسبه للاعاده فهي افضل لك ، حاول تمشي معاهم الين تاخذ شي اكيد اما انك مقبول او لا

    وفي كلا الحالتين خلي ابتعاث ابومتعب احتياط على جنب
    7 "
  3. دق بريك ياولد
    تعوذ بالله من الشيطان الرجيم

    اولا
    السلام عليكم ورحمة الله وبركاته
    ثانيا
    الرسالة اللي جتك جات الكثير مو انت لحالك
    ونصيحه طنشها لأنها زعلتني كثر اشلون معلوماتنا بالوزارة وصلت لمكاتب تجاريه قبولات صراحه لو فيها خير ماحذرت منها الوزارة
    ثالثا
    اذا ضمنت وظيفة الجامعه لا تفرلاط فيها نصيحه اخويه وانت احسبها لأن الجامعه راح تبتعثك تكمل دكتوراه برا وتاخذ راتب وليس مكافئة واشياء كثيره من ضمنها ضامن الوظيفة
    رابعا
    القبولات والله انا منحاس زيك لكن اللي بهالمنتدى ابد ماقصروا وحسب مافهمت الامر فيه متسع من الوقت
    خامسا
    شوف هالرابط اخر موعد للاصدار قرار الابتعاث ؟ ارجو المساعدة
    سادسا
    الله يوفقك



    دعواتك لي ولزوجتي
    7 "
  4. مسااء الخير وحياك الله

    اول شي صل على النبي

    ثاني شي برنامج ابو متعب مهوب طاير يمديك تسافر الحين او الترم الجاي يعني لاتشيل همه ابد

    بالنسبه للوظيفه اللي جتكـ 1000 مبروك مقدما والله ييسرها لك ويجعلها من نصيبك اذا فيها الخير لكـ

    انت كمل مع الجامعه وشوف وش يصير معك واكيد ان الوظيفه اضمن لك من البرنامج

    لاتستعجل على السفر دام في وظيفة شبه مؤكده


    واستخير لبى قلبكـ

    اتمنى لك التوفيق
    7 "
  5. طبعا بما ان حالتك نفس حالتي راح اعطيك المقترح الي ابي اسويها انا والي راح امشي عليها


    طبعا وظائف الاعادة راح تعلن النتائج قبل اعلان الميزانيةهذا اولا


    ثانيا خطوات ابتعاث المعيدين نفس خطوات ابتعاث برنامج خادم الحرمين

    يعني الضمان المالي الي معاك روح جيب به قبول وطلع فيزا عليه وخل القبول متاخر شوي يعني في اغسطس 2013

    جتك اعادة طلع قرار ابتعاث على انك موظف ما جتك اعادة طلع قرار ابتعاث على انك طالب


    والامور تراه في يدك ماهي صعبة
    7 "
  6. الف الف مبرووك ع الوظيفه والله يسهلك ..

    اول شيء اتاكد من الجامعه اذا انت مقبول قبول نهائي .. حاول حاليا تجيب قبوول اقلها تاخذ شهر لغة تستفيد شويه الين الجامعه ترد لك خبر منها تحقق لك السفر ومنها تحقق الوظيفه ..

    ثانيا اذا قررت ع الوظيفه ماراح تقدر تطلع تدرس وانت موظف لان ابتعاث البرنامج غير عن ابتعاث المعيدين ومن شرووط الابتعاث انك ماتكون موظف وظيفه حكوميه ..

    والله يسهلك يارب ويكتبلك اللي فيه الخير يارب ..


    بالتوفيق ..
    7 "

  7. في غالبية الجامعات فيه برنامج اسمه استقطاب المبتعثين يعني الشخص اللي يكون قاعد يدرس برا يقبلونه اسرع ويرحبون فيه
    خاصه للمعيدين .. فلو تروح وتدرس يمكن يقدمونك في التوظيف على غيرك لها السبب....
    وايضاً تكمل اجراءات الوظفية وتعطيهم خبر انك برا
    راح يراعونك كثيــــــــر وهذا الكلام مجرب
    وحتى يقولوونه المسؤولين في الجامعات اذا جاهم واحد مع بعثة يقولون له اطلع على البعثه لان اجراءات الابتعاث في الجامعة تطول
    وبعدين اذا وصلت هناك نحول لك من برنامج الملك الى ابتعاث الجامعة لان اجراءات التحويل اسهل ... هذا كلامهم اللي سمعته من كثير ناس صار معاهم نفس اللي صار معك
    با التوفيق اخوي
    7 "
  8. المشاركة الأصلية كتبت بواسطة حامدفهد
    مساء الخيرات
    ياجماعة الخير مثل ماتعرفون أننا رشحنا وأرسل لنا الضمانات المالية في الرياض من أكثر من شهر ونص ،وقبل الوقت هذا كنت مقدم على وظيفة معيد بجامعة سلمان من شهر 10هجري ،أي 9 ميلادي
    بعد ماتم ترشيحي مبدئيا لبرنامج أبو متعب . بعد تقديمي لجامعة سلمان بثلاثة أسابيع تم فرزي وتحويل ملفي لكلية العلوم والدراسات الانسانية بالافلاج وبعد كذا رحت الافلاج واختبرت وسويت المقابلة ودقو علي بعدها بثلاث أسابيع
    وباركو لي بالقبول طبعا بعد حضورنا الملتقيات .
    ((((يا والله اللي فرحت فرحه لدرجة أني كبر راسي على برنامج أبو متعب)))) ويافرحة ماتمت . عودوا الخرج أنفسهم أي المركز بالجامعة وقالوا لابد اختبار ثاني ومقابلة ثانية .
    بعدها كلت تبن شوي ورحت قبل أسبوعين واختبرت واجتزت الاختبار ((كنا وقتها حوالي 35شخص ،بينما مانجح إلا حوالي 20)) وسويت المقابلة ومشت الامور الحمد لله
    وفقشت عليهم لما خيروني قالوا ((لو بنقبلك بأي مكان تود التدريس فيه ؟ )) طلعت مني فقشه مدري وين جت معه قلت لهم
    ((I am your son just guide me ))ضحكوا ومشت الأمور من اسبوعيين ولاعاد أدري وش السالفة .

    اللي مدوش راسي :
    1- لانيب اللي استغليت الشهر ونص في جلب القبول لأن الافلاج قالوا انت مقبول معيد مبروك ، ولاعلموني أنه قبول مبدئي وطنشت البحث عن الجامعات لمدة شهر ونص الشهر ؟
    2- ليس لدي أي خبر أو علم عن الوقت اللي بيخبروني فيه أني مقبول أو مرفوض ؟
    3- أقسم لكم بالله أنه توه جايتني رساله من مكتب قبولات خارجيه الحين الساعة4:48 ذا العصرية وهذا يتعبر بالنسبة لي جرس من أجراس الإنذار المحفزه والمقلقة في الوقت ذاته .
    __________________________________________________ __________________________________________________ _____________________________
    الحين ياحبايبي عطوني أي رأي أو مشوره أحس بكذا أني لا بحصل هذي ولاهذي
    ودمتم بخير



    أولا:مبروك أخي حامد من كل الجهتين..

    ثانيا: حبيت أقول لك حاجه حلوه سمعتها من أحد الأخوان ، وهي أنه في حال حصولك على وظيفه أكاديميه ، فإن لك الحق في تحويل بعثتك عليها..

    يعني تروح للوزاره وتعطيهم بيانات قبولك للإعاده -اذا كان كل شي منتهي ومضمون طبعا- وبيحولون البعثه لك بمشيئة الله..

    بالتوفيق
    7 "
  9. أولا :الله يبيض وجيهكم ومشكوريين على التفاعل ، بصراحه حسستوني ان فيه ناس تشاركني همومي ومصائبي وتدلني وتساعدني على حلها
    ثانيا : أنا بلغتهم أني مقبول برنامج أبو متعب للمرحله هذي ،وبصراحه أعجبهم هذا . يعني حسستهم ان عندي طموح أكمل دراساتي العليا
    وأقول لكم ((THANK YOU FROM THE BOTTOM OF MY HEART))
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.