الأوراق المهمة اللي اخذها معي بلد الابتعاث .......

السلام عليكم ورحمة الله وبركاته


وش هي الخطوات اللي راح نسويها من بعد استلام قرار الابتعاث واصدار التذاكر ؟
...
يعني امور مثل مراسلة ملحقية او تجهيز اوراق
..
وحتا التعامل مع المطارات
.

والحجز على سكن

اول شيء مبروك عليك البعثة

والله يوفقك ان شاء الله

كل اللي عليك انك تحجز على معهد مع سكن مع عائلة وهذا الامر سهل عن طريق اي مكتب سياحي او عن طريق مراسلة المعاهد بالانترنت وشركات السكن

ولازم تاخذ معاك صور للجواز وصور لبطاقة الاحوال واوراق قبول المعهد واوراق سكن العائلة وبطاقات حسابات البنك

ولاتنسى تأخذ معك رخصة القيادة السعودية لانها تنفعك برا السعودية وهي دولية لانها عربية وانجليزية

وبطاقة صراف سارية المفعول مثل بنك سامبا انا جربتة بالسفر وممتاز

اول بطاقة ماستر كارد انا خذيتها من بنك الأهلي وهي بطاقة شحن ووممتازة جداَ رسومها 100 ريال بالسنة انصحك فيها

ولاتنسى تأخذ فكرة عن البلد اللي انت رايح لة وتسأل وتعرف وين موقع الملحقية

وخذ معاك جوال مثل ايفون او جالكسي عشان الخرائط اللي فية تنفعك جداً

............. احس اني طولت عليك ههههههههههههه

الله يوفقك ومابي منك الا الدعاء

يعطيك العافية اخوي
بالنسبة لالرخصة القيادة وش اجراءاتها ؟
ولو عندك معلومات اكثر بعد عطنا

انا سمعت ان الرخصة السعودية تقدر تسوق فيه لمدة ستة شهور و كل ما كانت قديمة صار التأمين ارخص على السيارة . في ناس يدفعوا رسوم في مكتب الطيار على ما اعتقد يعني حول 200 ريال و تصير رخصتك دولية . تقدر تسأل الاخوان لأني ما قد طلعت رخصة وما اتوقع اني اشتري سيارة هناك لأن السيارات عندهم تكلف تأمين و صيانة دورية مو زي عندنا . بالتوفيق اخوي

قصدك فتح ملف وكيذا ..

لازم تكون كل اوراقك عندك مسحوبة بجهاز الاسكانر ..
بس اذا معاك مرافقين تقدر تطلع الاوراق اللي تلزمهم من موقع الملحقية .

على حد علمي
( الاوراق الي قدمتها للوزارة عشان تطلع فيها قرار الابتعاث )
خذ لك نسخ منها

يعطيكم العافية اخواني
وان شاء الله يحقق لكم امانيكم كلكم

الاخ ربما يقصد ماذا يأخذ معه من اوراق ومستندات وشهادات

الأوراق والمستندات التي يتعين على الطالب تجهيزها قبل السفر

الاوراق اللي ممكن تتحتاجها من موقع الملحقية
بالتوفيق

انا استعملت الرخصة السعودية في نيوزلاندا .. مشت معاي ولا فيها اي مشكلة من ناحية استأجار سيارة او حتى شراء سيارة لانها فيها لغة عربية وانجليزية واسمك الانجليزي اللي في الرخصة نفس اسمك اللي بالجواز بالضبط ومعترف فيها دولياً