حوار اللي لسا عنده أمل تفتح المعاهد المتكدسة, تجمع

من ناحيتي ,,
حتى الآن ماحركت ساكن فقط حضرت الملتقيات !
وجالس انتظر لما المعاهد تفك هالتكدس ..
يعني احتمال أجيب القبول بعد أبريل يعني خمس أشهر تقريبا ..

بس سؤال هنا :

يعني أفهم من كلامك هذا إن معاهد كليات المجتمع تعتبر سيئة أو أي كلام ..؟
لإني حاط براسي واحد منهم عاجبني ولا فيه ولا سعودي نهائيا .

ما سويت شيء! واو مببرررد عالآخر الله يكرمك
ع بالي بس أمريكا متكدسة طلع حتى كندا،، لا يعقل ،،

نوب,, فيه كليات مجتمع يمدحوها ومرة ممتازة ينقال عنها من ناحية اللغة
لكن أتكلم عن البيئة,,,, ك طالب رايح أمريكا أنا شخصيا أتمنى أعيش االأجواء الجامعية الضخمة حتى في سنة اللغة,,

تخيل مثلا جامعة بوسطن لها تقريبا 27 مكتبة!!!
وانت ك طالب فيك تستخدمها....//~ تقرأ بمجال تخصصك, تتوسع, تقابل ناس بالحرم الجامعي ممكن يكونوا بنفس تخصص الماستر تبعك, تستفيد من الأقسام.. من نظام الجامعة, تعيش خبرة لجامعتين // وحدة ب سنة اللغة والثانية بدراستك

الشغلة مو أفضل أو أسوأ لكن تفضيلات شخصية

والكل ينصح بالتابعة للجامعة غالبا لهالأسباب بالإضافة لسبب جودة التدريس

يااآرب ..

ليه ما تقدم على المعهد اللي عجبك طيب،، ولا متكدس؟

انا اشوف ان الواحد تكون عنده مرونه .. بمعنى اذا كان مخطط ع معهد ولقاه متكدس.. خلاص يبحث عن بديل.. صحيح ممكن يكون حيل مناسب وتكون قراءت عنه بشكل واسع .. ولكن الحياه تتطلب المرونه.. انتقل الى الخطة B وابحث عن بدائل.. اوافقك الرائ معاهد الجامعه حيل مناسبه.. انا اشوف الي مستعجل لايجلس يستنى.. والي موب مستعجل.. يستنى.. عموما اذا فيه معهد معين ببالك.. رائي تتواصلي مع منسق القبول حق الولايه او الاستاذه / ماري.. بخصوص امكانية فتح المعهد.. وتاكدي كم نسبة التكدس؟؟ اذا اعلى من ٥٠ اتوقع حييل مططول...

انا من ناحيتي باااااااارد جدا .. وماني مثل الشباب اللي طايرين بالدنيا ومستعجلين ..

أنا ما أبي أطلع إلا في سبتمبر يعني بعد 10 أشهر ..

قدامي أكثر من 300 يوم ...
يعني حوالي 7200 ساعة !!
القبول أجيبه بيوم أو يومين ..

باختصار قدامي وقت طويل اللي همني الحين هو كيف
إني أطور لغتي بالفترة هذي عن طريق الكورس المكثف ..
وكذلك إن آخذ خبرة أكبر في مجال عملي ..

اللهم لك الحمد على طولة البال ...

ع فكرة إلى الآن محتار بين مدينتين في أمريكا ..
مدينة بوسطن في ولاية مستيتيوتش ..
ومدينة آن أربور في ولاية متشقن ..

عسى ربي يكتب اللي في الخير .

فعلا ياسقراط العبره بالخواتيم وليست البدايات.. عموما بوسطن مدينة العلم الاولى بالعالم يعيبها غلاء المعيشه.. ان ابور كويسه ارخص من بوسطن .. لكن اتوقع جوها ابرد..

طيب مو افضل انك تحصل قبول لغة حتى لو من معهد متواضع و بها الفترة تحسن لغتك و تبحث بالجامعات و انت هناك تشوف بعيونك . افضل من ان تشوف المعاهد تتقفل قدام عيونك و تتمنى ان معهد و لا اثنين يفتح . انا اشوف انها فكرة حلوة بس فيها مخاطرة

اللي تجي لَه فرصة الدرآسه بمَعهَد جآمعه لَآ يفوتهَآ ، واِحتمَآل كبير تفتح المَعآهِد بعد مَ يتخرجُوآ طلآب مِنهَآ

واللي دقق بالقوَآئم السآبقه حيلَآقي مَعآهِد كآنت مَتكدسه وفتحوهَآ

لَكِن برضه طُول الإنتظآر مُو كويس عشآن كِذآ خلوآ عندكم خطه "ب"

بالتوفيق لجمِيع

فكرة جمييلة مررة اللي مو مستعجل,, وجالس يستغل الفترة يطور لغته // خصوصا اذا كان مبتدئ

ولازم ال plan B

ممتازة// لكن غالية لدرجة انو السكن مع مصاريف التدفئة والجوال والباص والكهرباء مجموعها شهريا يتجاوز المكافئة من غير الأكل والشرب والكتب _حسب قراءاتي_
الشاب ممكن يفكر يسكن مع عائلة أو روم ميت في بوسطن لو كان سعر السكن رح ينزل كثيير,, لأنو جامعاتها خيااآل

آن ربور مدينة صغيرة واختيار حللووو ومناسب من كل النواحي // أما البرد ما منو مفررر ,, عالأقل مو مثل مينيابوليس 25 تحت الصفر

نجرب نسأل ،، شكرا على الفكرة

ما فهمت.... كيف هناك اشوف بعيوني؟ يعني اخذ قبول وأبدأ دراستي بمعهد هناك؟ وبعده أفكر أحول على معهد جامعة؟

ما فهمت.... كيف هناك اشوف بعيوني؟ يعني اخذ قبول وأبدأ دراستي بمعهد هناك؟ وبعده أفكر أحول على معهد جامعة؟ [/QUOTE]

لما تكون هناك تقدر تتراسل مع الجامعات او حتى تزورهم اذا كنت في نفس المدينة . لأن كثير من الجامعات و المعاهد لما تسأل عنها ما تحصل رأي واضح .