طلاب ديفيس - كاليفورنيا ( المرحله الثامنة)
طلاب ديفيس - كاليفورنيا ( المرحله الثامنة)
تنبيه: هذا الموضوع قديم. تم طرحه قبل 4145 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " -
وعليكم السلام
الله يعافيك
الله يحييك
والله حاليا صعب تحصل سكن بسهولة لان نظام الاجار عندهم عقد لمدة 8 شهور تقريبا واغلب العقود تنتهي بشهر 8
بس ماكو شي مستحيل لان في بعض المؤجرين يتنازلون عن شققهم لاي سبب كان فتقدر تاخذ مكان احد
فاما انك تبحث من الحين على سكن بالنت وبالمواقع او بس توصل ان شاء الله تبدي تبحث
كل ما بعد السكن عن المعهد كان ارخص
تقريبا الاجارات من 800 الى 1300
بس حتىى لو حصلت سكن شوي بعيد عن المعهد فمو مشكلة لان اساسا ديفيس صغيرة يمديك حتى تمشي للمعهد او تروح بالباص وراح يعلومنكم على الباصات اول يوم تداومون فيه بالمعهد - العفووو7 "
مثل ماقلت موضوع السكن ممكن تتعب فيه شوي بس احيانا تضرب مع ناس بسرعة / فانت وحظك
بخصوص العزاب سهل تلاقون سكن لان في اكثر من خيار لكم من ناحية السكن / كالسكن مع عائلة وهذا الافضل
وفي سكن يسمى الرامبل وهذا حيل حلو وراقي ومناسب وقريب للمعهد / يكلف الشخص الواحد 800
فيعتبر خيار حلو للعزاب / اما المتزوج فراح يدفع حق شخصين يطلع عليه 1600 وطبعا وايد
سكن الرامبل تقريبا متوفر طول السنة
انا على الاماراتية / وطبعا انصح فيها
- - - مشاركة محدثة - - -
حياك الله
يفضل انك تبحث من الحين عن سكن بالمواقع
وتقدر تتواصل مع قروب الطلاب السعوديين المبتعثين في ديفيس بالفيس بوك / اكيد راح يفيدونك - ماترفق اي شي وانت بالسعوديه الا اذا وصلت امريكا7 "
كل الي عليك انك ترفع الاوراق وتجهزهم عندك بالاب توب (تسوي لهم سكان) : الاوراق الي ترفعهم على الاب تقريبا نفس متطلبات قرار الابتعاث + قرار الابتعاث الي رسلوا لك الوزارة
كل هالصور لما ترفعهم تحاول تقلل من حجمهم كثر ماتقدر
وبس توصل امريكا بالسلامة / كل الي يبقى انك تصور ختم الدخول لامريكا الي موجود بالجواز عند نموذج i-94
وتقدر تصور الختم بكاميرا التليفون وتنزلها على الجهاز وبعدها تسوي فتح ملف في الملحقية وترفق لهم كل المتطلبات وباذن الله يردون عليك خلال يومين ثلاث
وبعد مايوصلك الرد منهم بالموافقة / تدخل مره ثانيه على موقع الملحقية وتسجل دخولك وتفعل حسابك البنك عشان تنزل لك المكافأة عليه
طريقته طبعا بعد ماتفتح حساب في البنك / تختار خيار تفعيل حسابي البنكي وتدخل المعلومات المطلوبه وبعدها ترفق لهم صورة من الشيك (لما تفتح حساب بالبنك راح يعطونك دفتر شيكات)
وبس
تقريبا كل هالاشياء بس توصولون امريكا راح تعرفونها والكل راح يقولكم عليها
انا عن نفسي كل شي تعلمته هني وماكان عندي اي خلفيه عن اي شي وانا بالسعودية
- - - مشاركة محدثة - - -
اي استفسار انا حاضرة - -عدد السعوديين في المعهد كبير هذا غير السعوديين الي بالجامعه7 "
هالشي يطمنك
-يمكن اول ماتوصولون بتحسون بشعور غريب وماراح تتاقلمون على طول والي بيحس ان وده يرجع السعوديه والي والي ... / هذا كل شعور طبيعي وكل المبتعثين الي حاليا يدرسون حسو فيه من قبل / وانا منهم ^^
بس لاتحاتون كلها اسبوع الى اسبوعين وبتحسون انها صارت مدينتكم
-كل ماكانت رحلتكم قبل الدراسة بفترة كان من صالحكم عشان تستقرون قبل الدراسة
-المهم تكون كل اوراقكم معاكم ومدخلينها بالاب توب (رافعينها) وبس توصلون يبقى عليكم تصورون الختم وماتحتاجون لسكانر يكفي تصورونه بكاميرا التليفون / وطريقة فتح حساب بالبنك سهلة ومافيها اي تعقيد
-وللي عنده تخوف من ناحية اللغة ويخاف انه مايقدر يدبر اموره وماعنده لغة كافيه يتكلم فيها / فتطمنوا من هالناحيه لان الكل هني يحاول يساعدكم ويبسطون لكم الكلام / حتى بالمعهد
-يمكن اصعب شي اهو البحث عن سكن / وبصراحة انا مريت بهالتجربة وطولت على ماحصلت سكن مناسب لي / بس بالنهاية راح تحصلون ان شاء الله / ومثل ماقلت الموضوع احيانا يكون حظ
والعزاب ماعليهم خوف لان السكن مع عائلة متوفر بكثرة وسكن العزاب بعد متوفر
-كل شي متوفر في ديفيس من ناحية المسلزمات والاسواق والحضانات والمدارس والمستشفيات والصيدليات
هذا الي على بالي الحين
لو احد عنده اي استفسار ثاني انا موجوده
تحياتي - الله. يعطيك العافيه عالمعلومات. واحنا في تاريخ ١٨ مارس نوصل عندكم بمشيئةاللهتعالى7 "
-
7 " - مرحبا بالجميع انا الان في ديفيس ولي رجعة لكم ان شاءالله7 "
- اللحمدالله على سلامتك اختي العزيره7 "
ويسر الله لنا ولكم جميع الامور الله فلاتحرمونا التواصل الي يخدمنا كعايله واحده
وحنا محتاجين للبعض ولانستغني عن بعض
ووافينا عن السكن والمدينه والحظانات واذا فيه بجنبكم او قريب منكم سكن مناسب لانه احنا في 18 مارس انشا الله نوصل للمدينه ديفيس انشا الله تعالى
واتواصل ايميل
as.shamlany@ gmail.com - الله ييسر للجميع بالنسبة لسكن الموقت أنا أشوف أن موتيل ٦ أرخص شئ أنا استأجرت شقة قريبة من المعهد ١٢٤٠$7 "
وهذا العنوان فيه واحد سعودي اعطاناه يقول فيه شقة متاحه وهو مستأجر هناك
1850hanover drive
davis,ca95616
بالنسبة للحضانة فيه وحدة قريبه من المعهد بس ما ادري عن أسعارها
السعوديين هنا متعاونين الله يجز اهم خير بس توصلوا تتيسر لاتشيلوا هم المدينة بسيطة جداً والباصات طريقتها سهلة جداً
كيف ارفق اوراقي وانا في. السعودية دون المرور في واشنطن. الي. يعرف. يكرمنا