ترانزيت: جدة , واشنطن, سن فرانسيسكو , يوجين
السلام عليكم ورحمة الله وبركاته
اخواني اصحاب الخبرة في رحلات الترانزيت رحلتي انا وزوجتي على الخطوط السعودية جدة واشنطن وننتظر في المطار 17 ساعة تقريبا ورحلة واشنطن سن فرانسيسكو ننتظر ساعتين , ورحلة سن
فرانسيسكو يوجين على الطياران الامريكي United Airlines Inc , وعندي استفسارات ثلاثة وهي كالتالي :
1- كيفية ارسال الامتعة الى مدينتي يوجين بدون تكلفه للخطوط الامريكية وأسهل طريقه للأمتعة والوزن المسموح .
2- هل الخطوط السعودية تتحمل مصاريف سكن واشنطن و من الذي يتحملها.
3- هل يجب اشعار الملحقيه بيوم الوصول لكي يستقبلوني في واشنطن.
الرجاء الرد سريعا لاستفساراتي لان سفري جدا جدا قريب
والله ولي التوفيق
رد: ترانزيت: جدة , واشنطن, سن فرانسيسكو , يوجين
والله مشكلة ترانزيتك لاهو اللي يخليك ترتاح وتاخذ يوم في واشنطن
ولاهو اللي يخليك ماتطول في المطار 3ساعات او حولها وتركب رحلتك الثانية
ليه ماخذت من واشنطن على يوجين دايركت ؟؟ ليه تروح سان فرانسيسكو ؟؟
بتقولي الدلتا ماعنها دايركت شف غيرها ياكثر الشركات الامريكية
اتوقع هذا اختيار موظف الطيار حسبي الله عليهم مايخافون الله
عموما اتصل على السعودية وقلهم عندكم رمز مشترك مع اليونايتد بحيث ما استلم عفشي الا في يوجين ولا لازم استلمه في واشنطن ؟؟
والموظف بيعطيك الطريقة
رد: ترانزيت: جدة , واشنطن, سن فرانسيسكو , يوجين
ياخي الله لايعطيه عافيه الي سوالك هالحجز.. عذاب في عذاب.. المفروض حجزك ( جده/ دبي/ سياتل) طبعا دبي ترانزيت كم ساعه.. بعدين تجلس بسياتل يومين للاسترخاء.. بعدها تطلع من سياتل ل يوغن بالطيران الداخلي والمسافه قريبه جداً..بالنسبه للاستفساراتك ماعندي خبره لكن مااتوقع الملحقيه ما توفر لك سكن..وبالنسبه للاستقبال مدري اذا سواقهم موجود.. لكن بكل الحالات افضلك تاخذ سكن بفندق المطار..بالنسبه للوزن اقتسط قد ماتقدر...
رد: ترانزيت: جدة , واشنطن, سن فرانسيسكو , يوجين
اذا مافيه رمز مشترك بين السعودية واليونايتد لازم تستلم عفشك في واشنطن وتسلمه عند كاونتر اليونايتد وتقول للموظف مابي استلمه الا في يوجين اذا قالك العفش زايد قله انا عندي انترناشيونال فلايت وطلع له تذكرة الرياض واشنطن حقت الخطوط السعودية غالبا يتفهمون ويمشون واذا طحت بواحد علة وعيا يمشيك الله يعينك تدفع الوزن الزائد
رد: ترانزيت: جدة , واشنطن, سن فرانسيسكو , يوجين
انا مثل حالتك بالوﻻيات الكثيره والترانزيت الطويل في واشنطن لكن المشكله الاساسيه ان رحلتي بعيد الكرسمس
هل اعتمد على نفسي في واشنطن واحجز فندقي بنفسي واﻻ اعتمد ع الملحقيه وان شاءالله يستقبلوني ؟؟
رد: ترانزيت: جدة , واشنطن, سن فرانسيسكو , يوجين
انا حجزت على طيران الامارات جده دبي اجلس 8 ساعات بدبي ومن دبي لسياتل ثم اجلس 3 ساعات ثم من سياتل على يوجين والله يعين ...
بس تكفون والله الى الحين مالقين سكن رايح بداية السنه الميلاديه والى الحين مالقيت سطن ابي اسكن مع عائله بس مافيه وانا ماودي اسكن لحالي تكفون اللي يعرف طريقه يقولي .....
رد: ترانزيت: جدة , واشنطن, سن فرانسيسكو , يوجين
اخي الكريم مخترع البراية
شكرا لمرورك
وانا احول ان شاء الله بكرة مع مكتب الطيار والله كريم
تحياتي
رد: ترانزيت: جدة , واشنطن, سن فرانسيسكو , يوجين
اخي الكريم saudi_magic
الحمد الله على كل شي
الحجز هذا من مندوبة مكتب الطيار في وزارة التعليم العالي في الرياض لكن غشامه مني اني خليتها تحجز من عندها ومارحت للمكتب الرئيسي قلت عشان الوقت بس مادري هل يمكن تعديل الحجز
وشكرا على مرورك وعلى التوجيهاتك
تحياتي
رد: ترانزيت: جدة , واشنطن, سن فرانسيسكو , يوجين
اذا يسمحوا بكلام هذا ابي اسوي
خط السير الرياض واشنطن علي اتلانتا ( احب هالمدينة ) بعدين أورلاندو (ديزني لاند ) بعدين علي هيوستن ( عندي اصدقاء فيها ) بعدين علي لاس فيغاس ( لاتعليق ) انزل في سانتا باربرا
بعد مايصدر التذاكر اعدل في التواريخ مع الخطوط يومين ثلاث ايام اربع ايام ههههههههههههه
اخذت رحلة سياحية
يعطوني علي الاميال اللي قطعتها جائزة
رد: ترانزيت: جدة , واشنطن, سن فرانسيسكو , يوجين
اقتباس:
المشاركة الأصلية كتبت بواسطة الدنياحلوة
اخي الكريم
saudi_magic
الحمد الله على كل شي
الحجز هذا من مندوبة مكتب الطيار في وزارة التعليم العالي في الرياض لكن غشامه مني اني خليتها تحجز من عندها ومارحت للمكتب الرئيسي قلت عشان الوقت بس مادري هل يمكن تعديل الحجز
وشكرا على مرورك وعلى التوجيهاتك
تحياتي
معليش ممكن أستفسر منك
المكتب الرئيسي وين موقعه ؟