19 ديسمبر ،، شكراً لمنتدى مبتعث

بدأت الافلام الهنديه ههههاي بلا هيط .. ترى الجوال يستقبل مجانا وفيه واتس وفايبر وتويتر.. يعني منتي منقطعه عن العالم^_^ المهم بقولك افتحي ملف الحين قبل لاتسافرين وحملي كل الاوراق المطلوبه .. واضغطي حفظ .. انتبهي لاتضغطين تسليم... اقصد طبعا ملف طالب مبتعث عن طريق برنامج سفير ولما تاصلين لامريكا بالسلامه سوي سكان لنموذجi94 بعدها سوي تسليم.. وتابعي الطلب لين يتم تعيين مشرف لك وبعدها يرسلك FGL خطاب الضمان المالي ولاتنسين بطاقة التامين تطلبينها.. واول يوم لك بالمعهد علميهم انك ماتبغين تامين وانت الملحقيه مأمنه عليك.. بالنسبه للسكن حاولي تتواصلين مع النادي السعودي بيساعدونك وفيه مواقع كثيره تساعدك بعد بهذا الخصوص..انصحك يوميا تجلسين بمعدل ساعه او ساعتين بمكتبة المعهد.. حاولي تستغلي مصادر المكتبه من برامج تعليم ذاتي إلخ.. وانصحك بالاشتراك بنادي رياضي ... واغلب المجمعات السكنيه فيها نوادي رياضيه... اهم شي خذي خريطه للمدينه وافهمي شبكة المواصلات( ارقام الباصات/ الشوارع الرئيسيه) وطلعي بطاقه مواصلات واشحنيها.ولاتنسين تستخرجين بطاقة الطالب من المعهد بتساعدك بامور كثيره..