لحجز رحلات الطيران والفنادق ( مواقع مهمه)

السلام عليكم.. شباب انا لاحظت انه فيه مبتعثين خصوصا حقون أمريكا . حجوزاتهم فيها لخبطه جداً وارهاق بدني وتكلفه ماديه عاليه.. لا أعلم هل هو طمع وشجع شركة الطيار او جهل ودلاخه موظف..عموما حنا اصحاب حق ونمشي وفق النظام الي يكفلي قرار اركاب للمدينه الي بدرس فيها.. ف ياليت حنا الي نختار خط سير الرحله وليس الطيار..واهم شي لما نختار خط سير انه يكون مناسب ومافيه توقفات كثيره والترانزيت موب واجد وغير مكلف ماديا... ف انت اختار الانس والارخص..نصيحه مهمه جدا لما تختار خط سير فيه كذا توقف انصحك بالتوقف لمدة يومين ع الاقل في اول مدينه تصل لها ثم تكمل مسيرك.. مثلا مبتعث دراسته بولاية اوهايو.. انصحه يكون خط سيره ( الرياض //واشنطن) يريح بواشنطن يومين بعدين يطلع ل اوهايو.. او مبتعث لولاية ميسوري.. انصحه ينزل بشيكاغو يومين بعدين يطلع لها إلخ يعني لما تنزل بي مدينه ( واشنطن/ نيوريورك/ هيوستن/ سان فرانسيسكو/ شيكاغو/سياتل/ لوس انجلوس إلخ خذ لك راحه فيها وتمشيه وبعدها كمل مسيرتك..طبع بالنسبه لحجوزات الطيران انا جايب لكم موقعين .. الاول يعتبر افضل موقع ب امريكا ( priceline) وله تطبيق بالابل ستور وهو شامل ع حجوزات طيران وفنادق وسيارات وإلخ.. الميزه في هالموقعين انك تختار محطة الاقلاع ومحطة الوصول.. ف يطلع لك اسعار الرحلات .. عدد التوقفات.. مدة الترانزيت.. ارقام الرحلات وتقدر تسوي فلتره وتصفيه للرحلات.. Priceline.com | Best deal on Hotels, Flights, Cars, Vacations & more! .... Weair.com – حجز طيران في شتى أنحاء العالم .. قارن أسعار حجوزات الطيران و احجز بأفضل الاسعار

موضوع جميل

تناقشنا سابقا في موضوع قديم عن اهم الخطوط ومعلومات الرحلات واقرب المدن والمطارات الدولية الى مدينتك فيه معلومات لمن اراد الاطلاع
http://www.mbt3th.us/vb/forum163/thread400171.html

كل همنا ان الاعضاء مايتمرمطون .. لان السفره اذا صار فيها مرمطه بينبعص مزاجك.. مشكور يراعي المحياه هههاي

بنسبة لموقع

priceline انا انصح فيه كمان لأنه يعطيك معلومات كثيرة مثل كم مدة الرحلة و عدد محطات التوقف و كم راح يكون الوقت في هذي الرحلات هذا غير المقاعد المتاحة في الرحلة . بصراحة موقع متكامل .

موقع رائع priceline
بس في خيار ياليت تشرحوه لنا وهو توفير 40%
Name Your Own Price®

والله مدري يالذيب.. لكن الي اسمعه ان اسعاره مناسبه خصوصا الفنادق.. يمكن يسوون تخفضيات ^_^ عموما فيه مواقع تقارن لك باسعار الفنادق.. بالنسبه للطيران ماعندنا مشكله .. ع حساب الطبيشي..

مايهمك التوفير انت اذا كنت مبتعث

جدا حلو
حصلت ع الخطوط البريطانية توتال الرحلة مع الترانزيت وكل شيء من جدة للوس انجلس

• 20h 55m
  بس مدري احد طلع من هالمرحلة ع البريطانية ؟ يعني مسموح؟
  
  
  

كل شي مسموح .. لاتعطيهم وجه.. ان قام يتفلسف عليك قل ترى بكتب فيك شكوى لمديرك .. واذا الشركه مانفعت فيهم الشكوى.. هددهم بالوزاره.. لاتعطيهم وجه راس ماله متعهد وملزم بالعقد..

اقتباس:

---

المشاركة الأصلية كتبت بواسطة saudi_magic

كل شي مسموح .. لاتعطيهم وجه.. ان قام يتفلسف عليك قل ترى بكتب فيك شكوى لمديرك .. واذا الشركه مانفعت فيهم الشكوى.. هددهم بالوزاره.. لاتعطيهم وجه راس ماله تعهد وملزم بالعقد..

---

اصلي عليك
يجي والله ^_^
الله يعطيك العافية