*** حجــــوزات الفنادق ***
ســــــــلام يا ذيـــابــا
سلام يا سنا ســـــــامي سما فـــــــــــــــوق الــــــسما جوه
سلام شارق غارق فارق خارق حارق طـــــــارق بابه بقوه
سلام دايم حايم غايم قايم هايم صايم شامل من كــــــثر نوه
سلام مسطر معطر مقطر للغالي اللي قرى هالموضوع توه
بالنســـــبة للحجوزات وش رايكم مواقع الحجوزات على النت بالنسبة لفانكوفر وكندا وكذا
نلقى حجوزات وفروقات جبارة للفنادق يعني في غرفة ب400 دولار وفي غرفة ب100 دولار ولا جيت شفت الصور نفس الاثنين ما تفرق كثير :confused: >> هنالك ذئب بين الغنم
الاستفسارات الحين : : :
1- وش رايكم بفكرة انو لا رحنا هناك نشوف بنفسنا ونستاجــر بالنسبة لرجل لحاله اعــزب طبعا لو عائلة تعب والحريم وكذا ؟؟
2- وش رايكم في شغلة استئجار شقة مبـــأشرة موب احسن ؟؟
واللي عنده خبرة وجواب يدلنا .. لاهنتم
أخوكم ..
رد: *** حجــــوزات الفنادق ***
يفيدوك الاخوان
لكن لاتنغر بالصور كثير لأن هالشي معروف
رد: *** حجــــوزات الفنادق ***
بيض الله وجهك ما قصرت اخوي
مو هذا الشي الللي مانعني الصور اللي بالعرض والاسعار مرة غير متناسبة بس يجـــــيب الله مطر !!!!!!
رد: *** حجــــوزات الفنادق ***
اولا: انا اشوف انك تنسق مع عائله عن طريق المعهد وتسكن عندهم او بطرق اخرى( home stay) منا تكتسب لغه وتطور نفسك ومنها تنبسط وتندمج مع المجتمع بشكل اسرع .. عموما يُفضل تحجز لو يومين( للراحه وللاسترخاء) الفندق ع حسب فلوسك^_^ برائي انك تتواصل مع طلاب هناك سواء النادي السعودي او قروبات بالفيس بوك بيفيدونك اكثر.. بالنسبه للفنادق بعض المواقع تحط خاصية تعليقات النزلاء. زي بوكنق.. لكن لاتهتم حيل لمستوى الفندق.. اهم شي مكان نظيف وترتاح فييه..
رد: *** حجــــوزات الفنادق ***
والله وانا اخوك ما علينا مجرد فندق نظيف ومرتب نريح فيه
بس كنت اسال يعني وش رايك بفكرة لو اول ما وصلنا نشوف الفنادق القريبة من المعهد بنفسنا يعني بدون حجز من هنا ؟؟
اما بالنسبة للسكن مع عائلة فانــــا انســان موسوس وعصبي واخلاقي ضيقة مرررررررة فصدقني ما رح ارتاح لا سكنت مع احــد نفسيا كذا مقدر اسكن الا لحالي وبعدين لا ندمجت مع الوضع لعل وعسى فكرت اسكن مع عائلة
اما الحين ابيلي فندق باول يومين وبعد كذا شقة >> شايل هم شغلة دوارة الشقق وهاللفلفة .. الله يعين بس
رد: *** حجــــوزات الفنادق ***
اسكن مع روم ميت سعودي.. بتخف عليك المصاريف .. ايه دور فندق قريب من المعهد علشان تلف ع المنطقه وتسوي لها دراسه... ويمكن تلقى شقق قريبه من المعهد.. اكيد كل واحد فينا يحب يكون له سكنه الخاص. ولكن انت بغربه ف اشور لك تسكن ياشقه مع روم ميت اوعائله..
رد: *** حجــــوزات الفنادق ***
والله على قولك سكنه الخـــص اللي طبعه حار وما يحب كثر الحكي وكذا انا اشوف ان لحاله اصــرف
والله يختار ما فيه الخـــير يا ذيب
رد: *** حجــــوزات الفنادق ***
أفضل لك تحجز من قبل لا تروح
أريح لك بكثثثثثير
بتوصل هلكان و تعبان من طول الرحلة
و تبي بس أي سرير تتمدد عليه
أنا ما جربت إلا بوكينق ، فيه عروض حلوة و مضمون
رد: *** حجــــوزات الفنادق ***
والله انه اريح يا بنت حصــة >> عجبه الاسم ههههاي
بس الصـــور ما ندري صدقها من كذبها وفيه فروقات كبيرة بالاسعار وتلقين الصور جد متقاربة من بعض موب معقولة ابو 400 دولار مثل ابو100 دولار وبنفس المنطقة
هذا اللي مخليني اعييي احجز للحين !!!!!
رد: *** حجــــوزات الفنادق ***
اقتباس:
المشاركة الأصلية كتبت بواسطة طالب التوفيق من الله
والله انه اريح يا بنت حصــة >> عجبه الاسم ههههاي
بس الصـــور ما ندري صدقها من كذبها وفيه فروقات كبيرة بالاسعار وتلقين الصور جد متقاربة من بعض موب معقولة ابو 400 دولار مثل ابو100 دولار وبنفس المنطقة
هذا اللي مخليني اعييي احجز للحين !!!!!
هههههههه شكراً لك
بالنسبة للصور ، لا تدقق واجد
أهم شي فندق بمكان كويس و عنده خدمات و نظيف و بسعر معقول