موافقة الطيار على الخطوط الامارتية لكالفورنيا

السلام عليكم ..

طبعا انا الحمدلله اصدرت قرار الابتعاث و رحت للطيار في مدينة جدة ابا احجز على كالفورنيا مطار لوس انجلوس بتاريخ 9 يناير 2013
واتفاجأت انو الموظف يقول لازم الحجز يكون على الخطوط السعودية حتى لو كان مقر دراستي في الولايات الغربية وطبعا معروف الخطوط السعودية ما توصل دايركت على لوس انجلوس لازم ترانزيت و توصلك على واشنطن ولا نيويورك !!!
فا اعتقد انها متعبة و غير حكاية الشنط لمن توصل نيويورك ولا واشنطن وتاخذ طيران داخلي امريكي لولايتك اعتقد الوزن حيكون زايد عن المسموح به في الطيران الداخلي الامريكي و تدفع مبلغ وقدره وغير لطعت المطار .... الخ

المهم الموضوع ما خارجني اتصلت على الوزارة وكلمت قسم اصدار امر الاركاب قالو ما عندهم مشكلة انو اطلع على الخطوط الامارتية لكن التنسيق من الطيار واعطوني رقم المسؤول في الطيار عن تذاكر المبتعثين
طبعا لمن كلمته قلي لا لازم على الخطوط السعودية وبعد شوية جدال و عبط لمن قلتله كلمت الوزارة ووافقو قلي احجز على الاماراتية وكلمني الاسبوع الجي وانا اصدرلك التذاكر لانو في مقاعد على الخطوط السعودية لازم تتملا ركاب
!!!!
وحجزت عند الطيار على الاماراتية بتاريخ 9 يناير ترانزيت على دبي لمدة يوم ونص نغير جو شوية ويوم 11 يناير على لوس انجلوس انشاء الله

بس لسه انا في انتظار اصدار التذاكر !!

المهم خلاصة حكايتي ابا اوصل لجواب على سؤالي الي هوا : هل في احد من الدفعة الثامنة اصدر تذاكرو على اي خطوط غير السعودية في الايام دي ؟؟

بس ابا اتأكد هيا الحكاية على كيفهم ومزاجهم و لا ايه !!

ثلاث ارباع الشعب منحاشين من الخطوط السعوديه ومافش اي مشكله

انا مثلك ع الخطوط الاماراتيه من الرياض الى دبي ومن دبي الى لوس انجلس ولا صار معي مثل ماصار معك

بس اللي قريته لاحد الاعضاء انه ابتداء من السنه الجديده راح تكون الرحلات على الخطوط السعوديه ما ادري اذا عشان هالشي صار لك القصه

فيه لعبه بالخفاء تُدار بمكتب الطيار فرع جده.. وهالمكتب يبي له قرصة اذن قويه..اي واحد يجيهم ويستهبلون عليه اتمنى يقولهم عطوني تعميم الوزاره الي ينص ان السفر فقط ع السعوديه.. طبعا ماراح يرد وبيسكت.. هنا قله بشوفك مدير المكتب واطلب مقابلته ولما تواجهه ويستهبل هو بعد.. قله انا راح اقدم لك الان طلب رسمي ومكتوب ب اصدار التذكره .. طبعا لما تكتب الطلب ترفق معاه قرار الابتعاث وقبول المعهد وتذكر بحيثيات الطلب .. الارهاق البدني للرحله والتكلفه الماديه العاليه.. وتذكر قيمة الاماراتيه .. وتقوله هذا طلبي وابي رد رسمي منك... ياقبول يارفض.. اتحداه يرفض.. واذا رفض خذ ردهم وع الوزاره يالفوزان ويالحربي.. هالمسخره والنصب لازم يتوقف.. بلاش. لعب ع الناس.. من واشنطن ل لوس انجلوس ٧ ساعات وتكلفة الرحله تعادل تكلفه الاماراتيه.. لكن هالشركات يبي لها ناس تفضحها وتشهر فيها... وارجع واكد ان المشكله بفرع جده بالتحديد...

فين محل مكتب الطيار في جدة ( سوف افعل معة مشاجرة :ymca: )

ان راح انزل في مطار سان دييغو الدولي و بصراحة حصلت رحلة من الرياض الى دبي الى لندن على الاماراتية , و من لندن الى سان دييغو على البريطانية و مدة الرحلة كاملة 26 ساعة . هنا يأتي السؤال لما اروح لطيار و معي معلومات الرحلة كاملة هل راح يحجز لي و لا ؟ . بنسبه لنقطة الخطوط السعودية و يبغوني اقعد 39 ساعة في الجو يسمعون بها و الاخوان الي قالوا لهم على الحجز فقط على الخطوط السعودية يطلب بس من الموظف انه يعطيه صورة من القرار .

انا حجزت ع الخطوط الامارتيه وجاتني الموافقه

بس المكتب قال اذا تبي طيران غير السعوديه لازم تسافر قبل بداية ٢٠١٣ لان بعدها كل الحجوزات راح تكوون ع الطيران السعودي

وانا رحلتي ٢٦/١٢/١٢