ابو تركي الامريكي عنده استفسارات

ممكن أجاوبك على آخر نقطة


في قاعدة بالحياة أنا أتبعها " إلي يبي الشي يجيبه "


ولا فيه شي بعيد


إذا أنت واثق من انك تبي الطب ومستعد تستحمل الآتي :
1/جهد كبير في اللغة
2/جهد كبير في تعويض أساسيات العلوم الطبيعية "الرياضيات الفيزيا الكيميا الأحياء "
3/مشوار طويل في دراسة الطب ,, خصوصا أمريكا المشوار أطول من أوربا
4/الطموح العالي وعدم التوقف عن التعلم ... اذا دخلت مجال الطب ستستمر في التطور والتعلم إلى الأبد ... حتى وانت تشتغل وتاخذ راتب (باختصار حياتك كلها بتصير طب×طب)



إذا انت واثق من نفسك وعندك استعداد نفسي لهالموضوع ,, فارخي سمعك وبصرك وركز معي في هالخطوات
1/ نسبتك بالثانوي حطها بجيبك ولا تلتفت لها
2/ ادخل معهد اللغة وادرس انجلش كويس واجتهد في دراسته لا ترضى بتوفل 5 أو 6 .. حاول تجتهد لين تاصل 7.5 ,, حتى لو أكلت سنة ونص
3/ متى ما صارت لغتك وسط ابدأ اشتغل على اعادة ترميم العلوم الأساسية الي عندك الفيزيا والكيميا والرياضيات والأحياء ,,, هذا موقع خان أكادمي في آلاف الفيديوات تشرح كل مبادئ العلوم www.khanacademey.org
طبعا فرصة انك تعلمها بالانجلش ,, ادخل دورات للتحضير لاختبار SAT ,و ACT ... أبتكلم عنهم في الفقرة الجاية
4/ SAT , ACT اختبار مثل القدرات والتحصيلي عندنا لكن باللغة الانجليزية ,,, اذا صارت درجتك عالية في هالاختبارات ماحد راح يهتم لدرجتك بالثانوي ,, بإذن الله !!!

في غضون سنة ونص -سنتين ,,, أنت واجتهادك بإذن الله تكون عندك لغة قوية وأساسيات علمية مرممة

هنا نبدأ ندخل موضوع الطب ....

عندك خيارين يا معلم .... واحد طب بأمريكا مشواره أطول ,, لكنه أقوى ..... طب بدولة أوربية 5 سنين وتخلص

الطب بأمريكا ,, ما رح تدخل كلية الطب سيدا ,, مو مثل باقي دول العالم لأ ,, تعرف الأمريكان مو مثل باقي العالم ..... أول شيء تدرس بكالوريس في أي من العلوم الطبيعية (أحياء,كيمياء,فيزياء) وتخلص البكالوريس ... بعدييييين تقدم على كلية الطب ,,طبعا ما رح تصير 5 سنين أكيد أقل ,, بعدين سنتين زمالة ,,


ولا تروح ايرلندا , , بريطانيا , وتدرس طب هناك 5 سنين بكالوريس ,, سنتين زمالة ,, بعدين تبدأ بالاختصاص



...............

طبعاُ بعد ما قرأت الكلام الي فوق شكلك بتغير رايك ,, لكن هذا واقع الطب !!! مشواااار طوييييل ,,,

ممكن أيضا بعد سنتين التأسيس للغة والسات ,, تدرس تخصصات ثانية " هندسة طبية , صيدلة , ممكن يجذبك تخصصات مختلفة "
رسالتي لك ... ما دام عندك الرغبة في التعلم !! لا حد يثبطك !!

وش وراك مدفوع لك آكل شارب نايم ... ادرس !!!



..........

الله يسلمك والله كلآمك على عيني وراسي اختي bosasha كلام جميل وبالعكس انا ان شاء الله بجيب با اختبار الغه احسن من زوجتي >> بينا تحدي
وانا عارف ان الطب مشواره طويل بس ان شاء الله اني احقق طموحي ورغبتي ووصل الي ابيه وهذي فرصتي ومستحيل اخسرهآ ..

يا جماعة الخير 141 مشاهده ورد واحد مايصير والله ردو على استفساري ووعد الي يرد ان شاء الله بعدين بالمستقبل اعطيه اجازات مرضيه

البنك ..!

هلا بك ابو تركي انت مثلي بالزبط هههههههههه
القلوب عند بعضه
المهم
بالنسبه للقروض انا رحت وسألت في بنك البلاد لانه راتبي عليه قالوا اذا عليك قرض تسير في البلاك لست هذه مايبيلها
فيه حاجه ثانيه اذا كنت انت والمدام بكارليوس حلوووو تخلصون سواء على خير
اذا هي ماستر احسب حسابك انها تخلص قبلك هنا السؤال وش يصير في دراستك انت تكمل او لا
راسلت الملحقيه قال من جهه عملك التمديد عاد شوف هم يوافقون او لا اما عن نفسي اذا دخلت الجامعه وقبلوني وانتهت الاجازه وقال حظرررر
احلى سيفون ياعمي

 المشاركة الأصلية كتبت بواسطة الادميرال

هلا بك ابو تركي انت مثلي بالزبط هههههههههه
القلوب عند بعضه
المهم
بالنسبه للقروض انا رحت وسألت في بنك البلاد لانه راتبي عليه قالوا اذا عليك قرض تسير في البلاك لست هذه مايبيلها
فيه حاجه ثانيه اذا كنت انت والمدام بكارليوس حلوووو تخلصون سواء على خير
اذا هي ماستر احسب حسابك انها تخلص قبلك هنا السؤال وش يصير في دراستك انت تكمل او لا
راسلت الملحقيه قال من جهه عملك التمديد عاد شوف هم يوافقون او لا اما عن نفسي اذا دخلت الجامعه وقبلوني وانتهت الاجازه وقال حظرررر
احلى سيفون ياعمي

ياعمي آنآ معك بعد احلى سيفون بس ان شاء الله يقبلونا والبنك يعني يحطونا بالقائمه السودآ اذا ان الجواب نعم بسحب منهم بطااقات والقرض التكميلي هي خاربه خاربه
وبعدين يارجال سالت قالو انهم يحطونا بالملحقيات وانا بيني وبينك ابي اتفرغ ما ابي اي شي يربطني .

(لكل مجتهد نصيب) واصل طموحك وبتوفيق ..< بديت اغار بكمل بعد الماستر هههههههههه

عندي استفسار الايجازه الاستثنائيه للقطاع العسكري تطول ولا كيف ومتى يقدم بعد أصدارد قرارالابتعاث او قبل ؟

الله يوفقك اثر وكملي والله بالزمن ذا حتى البكالريوس >> يارب كتبتها صح
مالها وظايف انا بختم الدراسه ان شاء الله حتى اوصل برافسور

وبنسبه للاجازه الاستثنائيه سمعت ان تقديمها بعد اصدار القرار ولو زوجك جندي او جندي اول الى رقيب خليه يكمل دراسه بلا عسكريه بلا كلام فااضي >> منغبن الجندي

أبو تركي الله يوفقك وجااهد لآخر لحظة ، ولا تنسى تحفظ هالبيت الشعري ..

لأستسهلن الصّعب وأدرك المنُى .. فما انقادت الأمااال إلا لصابراً : )

امين وياك يارب الله لا يحرمني من تواجدك