وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

الحمد لله على السلامه جاده الله يوفقك لاباس طهورة ان شاء الله وربنا يشفيك ملاحظه انو الكل هنا أمريكا محد طالع ع كندا

نوره أنصحك بالتواصل مع النادي السعودي لمساعدتك في ترتيبات السكن والاستقبال بالمطار وإلخ..وعلى فكره هذي من ابسط حقوقك.. وتعتبر من واجباتهم.. وعلى فكرة النادي السعودي يعتبر ممثل للملحقيه وللدوله .. وعموما بردها اخف من برد الشمال .. مشكلتها كيف تاصل لها بالطيران.. رائي تاخذ طيران مباشر ع شيكاغو وتجلسين بشيكاغو يومين مثلا بعدها تطلعين ع لينكولين .. اتوقع مطار شيكاغو هو الاقرب لك..

والله صادق من ناحية ترتيب السكن والاستقبال من المطار ممكن يفكون زنقه

لا مااعتقد بمررر من عند شيكاغو مخططه من هنا لواشنطن لاني ابي الملحقيه بكلمة راس ضروريه ومن واشنطن طيران داخلي لمطار لنكولن صحيح ان المده طويله بتاخذ ٥ ساعات بس الشكوى لله

بالنسبه لفتح الملف عن طريق برنامج سفير.عموما الله يوفقك يارب

محد رد عليا بخصوص الفيزا الكندية

الحين عادي أحجز موعد للسفارة وأنا للحين أعبي الاستمارة؟

خائفة مالقى مواعيد قريبة وأنا دراستي بمارس

مهندس مالك الا تسال السفاره الكنديه..داني بالاول عبي الاستماره واطبعي نموذج التاكيد وبعده سددي السيفس بعده احجزي موعد .. المواعيد بالرياض قريبه بس جده والظهران يمكن. تاخذ اسبوع.. عموما يمديك. واحد اعرفه قدم الفيزة الاربعاء الماضي واستلمها امس.. لاتشيلي هم

ان شاء الله بحاول اخلص من الاستمارة ونموذج التأكيد بعدها أحجز .. الله يجزاك خير سعودي

ابد وانا اخوك اي استفسار عن نموذج ١٦٠ او سداد السيفس او حجز الموعد إلخ حنا حاضرين وع فكرة والله كل هالكلام ماياخذ معاك نص ساعه وتجربه السفاره كانت ممتعه.. ف لاتضايقين نفسك. بالعكس استمتعي بهالتجربه وتعلمي منها..

ما تقصر والله .. مستعدة للنماذج والمواضيع اللي موجودة بها لمنتدى بأركز عليها عشان اخلصها وإذا واجهتني صعوبة باجيكم ، بالذات حجز موعد للحين ماقريت عنه