وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

وعليـــكم السلااآم

أرســـل لمشرف ولايتك بالملحقية وتأكد منه , , هل يسمحولك تدرس فيه ولا لأ ~ واشرحلهم انو جبت القبول قبل التكدس


يب عااآادي أنا دراآستي شهر 6

بس يارب ما يتكدس المعهد لهذاك اليوم

أما قرار الابتعاث طلعه قبل دراستك ب شهرين والفيزا قبله ب 120 يوم

أنا رح أبدأ الدراسة في شهر أغسطس ,, انتظار طويل حتى الفيزا بدري اسويها من الآن

سسسسسلام

اليوم رحت السفارة بالرياض كان موعدي الساعه 9

بس المشكله انهم يوم سوو المقابلة ماخذو مني الصور نهائيا

وعطوني ورقه فيها اجرائات اداريه يقول تاخذ اسبوعين


مع ان الاسأله كلها قال

قد سافرت امريكا؟؟<<لا

وين تدرس؟<<تكساس ارلينغتون

قد طلعت برا المملكه؟<<لا

وبس

اللي مهونها علي ان في واحد ثاني نفس وضعي

انا موو قادره اعبي نموذج Ds-160 لولدي الصغير عبيت لكل المرافقين الا هو جالسه ادور على حل احد يقدر يساعدني

ارسلوا اي توني لاخوي وانا لا !!وش اسوي كيف الغيه تكفونT.T

اهلين ياعسل انا اساعدك امري وش الشي اللي مو فاهمته ؟

- - - مشاركة محدثة - - -

ليش تلغين حق اخوك ؟ انتي الحين تبين ايتوني ي اخوك صح

اذا ايه راسليهم وقولي انتم مارسلتم الايتوني تبعي ؟

اما اذا اخوك خلاص هون مايبي يدرس ارسلي لهم الغوا طلبي لقيت قبول بمعهد ثاني وبس

انا اكتب لكم وهي خانقتني العبره

موعدي في السفاره كان في 19-12-2012
و قال لي فيزتكم مقبوله بس بتاخذ الى 3 اسابيع

وانا دراستي تبدا ب 4 مارش


وخااااااااااااااااااايفه جدا لاني قريت تجارب الناس اللي يجلسون ب الاشهر ماجتهم الفيزا وجتني غلقه

لا ان شاء الله بتطلع ولاتقعدين تخافين الحين اغلب الشباب والبنات اللي عطوهم ورقه صفراء وجتهم الفيزا باقل من شهر ماتاثرتي منهم واخذتي امل ودافع واللي يمكن ماينعدون عالاصابع تاخرت فيزهم تاثرتي منهم ؟

خلي ايمانك قوووي وان شاء لله بحول الله وقوته انها تطلع فيزتك يارب بهالاسبوع ( وجعلنا من بين ايديهم سدا ومن خلفهم سدا فاغشيناهم فهم لايبصرون )

ياااااااااارب تطلع لك وكل المتاخرين خلي ثقتك بالله قوية ولا يضيق صدرك

بقولكم شي استفدت منه

حطيت برنامج ع الايفون اسمه wether HD

برنامج مجاني ,تقدر تعرف منه درجات الحرارة وتقارنها مع درجة حرارة المكان اللي انت فيه

وكل شوي اراقب اجواء ولايتي ..مره استفدت منه في التجهيز ..

شوفي انتي مابتستفيدين غير اشيل الهم وبس

عندك وقت ماشاء الله مايحتاج تهتمي ولاهم يحزنون

تدرين ان بدايه دراستي بعد تقريبا 20 يوم وكان موعدي بالسفاره اليوم قال ان تأشيرتك تاخذ اسبوعين وعطاني الورقه الصفرا

والحمد لله مكبر دماغي وببدا اقضي اغراض عشان استغل الوقت

انتي لاتشيلي هم وابدي فكري بأي شي يفيدك وراح يعدي الوقت وتاخذي تأشيرتك وتكملي اجرائاتك كلها قبل الدراسه بأذن الله