انا حقولكم قصتي مع الطيار عشان تشوفي التلاعب وصل لفين!
رحت مكتب الطيار اللي بطريق المدينة بجدة قسم الحريم ومااافي اخلاق مرة ماعندهم احد ولما قلتلها ابتعاث قالتلي اطلعي قسم الرجال احنا ماعندنا تعليم الا جات وحدة الله يسعدها هيه احسنهم وقالت الا فلانة تحجز تعليم وراحت نادتها وجات معصبة قلتلها ابغا الاماراتية لاني رايحة لوس انجلوس طارت فيني ممنوع وجانا قرار من الوزارة من تلاتة اسابيع ومانقدر نحجز عالاماراتية وخررررش قلتلها يا اومي اتنين من صحباتي طالعين ع الاماراتية ووحدة قبل اسبوع فين ممنوع! قالت لا مستحيل وتبغي السعودية احجزلك الحين قلت لا صعبة عليا وانا بالغرب واول خيار ليا الاماراتية وهيه معنده لا يعني لا وطبعا مو فاهمة اي شي قلتلها طيب يللا شوفيلي رحلة ع السعودية وساعة عالبال ماتشوف وتقولي من واشنطن للوس انجلوس 3 ساعات !!
انا طارت عيوني خلت ال6 ساعات 3 المهم قلتلها انا بشوف اخويا وارجعلك المهم قلت مالها الاقسم الرجال لاني صحبتي حجزت من عندهم وزي الحلاوة طلعت وزززحمة وجا دورنا وقلتلو ابغا الامارتية وقلي هالاسبوعين الوزراة مانعه الاماراتية عشان العمرة واصلا ماحتلاقي لان الرحلات قفلت قلت حاول شوف انا مابغا مطارات امريكا وانا اول مرة قلي ممكن احجزلك بس الوزراة ماتوافق ع رحلتك الا باستثناءات انو اول مرة وكدا قلت طيب نجرب حظنا جينا للرحلات كلو فل الا يوم واحد ابريل وانا دراستي 3 ابريل قلت لا مستحيل بس قلت احجزلي حجز مؤقت لحد ماشوف اش فيه خطوط تانية المهم مالقيت انسب من الاماراتية وقلت خلاص بتوكل واحجزها وراح اخويا المكتب اليوم التاني ولا الموظف قلو حجزك انلغى والحجز تقفل ع هذة الرحلة !!!
طيب كيف احنا عندنا حجز ووهوه الحمار قلنا الحجز يتكنسل بعد 3 ايام كيف دحين كنسلتوه>>طبعا واضح الشغلة فيها تلاعب
وحتى اخذ ورقة الحجز من اخويا ومارضي يديه وبكل برود يقول فيه رحلة 2 ابريل احجزها لكم!!
فين 2 ابريل يالطيب متى اوصل هناك!
المهم قلت مالها الا الفرع التاني لاني قريت مدح عليه اللي بشارع حرا والحمدلله اني رحت كان فيه هندي طيب الله يسعده ماقال زيهم الاماراتية ممنوعه بالعكس ع طول بحث وحجزلنا ع نفس الرحلة 1 ابريل اللي الموظف الاول قال انها تقفلت!!
وطبع التذاكر بنفس الوقت وسوالنا حجز الفندق اما الكذاب هذاك قلنا الفندق بعدين تسووه من مكتب الاماراتية بالصيرفي والهندي سواه لنا بنفسه اتصل عليهم وحتى كلمهم 3 مرات وقلي عن بطاقة سكاي واردز ..
ياريت اللي ماحجز يروح سيده ع فرع حرا ولايضيع نفسه بفرع المدينة صراحة تلاعب وخدمة سيئة
دحين ابغا حجز لبابا ع الاماراتية معانا بس مو لاقيه بالنت ممكن لو نروح مكتبهم نلاقي ؟!!
,Eman March 28th, 2013, 07:33 AM
7 "
ان شاءالله تكون هالدراسه بداية خير لك
بالتوفيق