شباب استفسار بخصوص بعثة خادم الحرمين الشريفين المرحله التاسعة ,,,

السلام عليكم ورحمة الله وبركاته
كيف حالكم جميعا ,,, اتمنى انكم بتمام الصحه والعافية
:p:
اخواني بس حبيت استفسر عن المرحلة التاسعه لبرنامج خادم الحرمين وصراحه اتواصلت معاهم ع الايميل الي حاطينه بالموقع بالعربية والانقليزية بس للأسف ما ردو:o

انا طالب علوم طبية تطبيقية قسم تقنية مختبرات (بكالوريوس) والسنه هذه عندي تدريب بالمستشفى وان شاء الله اخلص شهر 7/1434 بس حبيت اعرف متى يبدا التقديم في المرحلة التاسعه ؟ والا مثل المرحله الثامنه برمضان ؟

واذا فيه احد طلع بعثة ياليت اعرف متى يبدا الترشيح ومتى يروحون لبلد الابتعاث لان صراحه اعرف كذا واحد واتاخروا تقريبا ست اشهر .

ووش احسن بلد ابتعاث لاني محتار بين امريكا وكندا ونيوزلندا ابي الدوله الارخص والاحسن من ناحيه العلم ,,, علما بان تخصصي الرئيسي امراض دم ؟؟

وأقدر ادرس تخصص امراض دم وبنك الدم بنفس الوقت ؟؟

لو مثلا جاء قبولي بالبعثة اقدر اتوظف على التشغيل الذاتي (مو الحكومي ) لما يجي قبولي النهائي بالبعثة ؟؟ والا لا ؟؟ (لان من شروط برنامج خادم الحرمين انك ما تكون شاغل اي وظيفة حكومية)

واخر استفسار للشباب المبتعثين (( صراحه متخووف ان شغله الابتعاث بتكون صعبه لاني اسمع كذا واحد يقوول لي كلها واسطات وانا محقق كل الشرووط يعني ان شاء الله في امل يتم قبولي والا زي ماقالوا )):o:o:o

وبدعيلكم من كل قلبــــــــــــــــي :o:o

الله يوفقك يارب انت خليك بس متابع موقع التعليم العالي وعاده يكون شعبان او رمضان واذا تخرجت ان شاء الله لاتنسى تاخذ سجلك الاكاديمي والتوصيات عالاقل ٣ وصلح لكل شي scanواحفظه عندك وترجم اللي مو مترجم منها وبتشوف بعدين الطلبات ع الموقع.

واثقه يعطيك الف عافيه

والله يجعل قبر ابوك رؤضه من رياض الجنه وكل المسلمين والمسلمات ...

هلا وسهلا
تطمن ياغالي اذا انت منطبقة عليك الشروط لاتشيل هم شد حيلك هالسنة ونشوفك مبتعث بإذن الله بداية السنة الجاية
لكن العمده على تخصصك هل مطروح ولا لا , وهل فيه تخصص امتداد له
بـخصوص وقت التقديم غالبا نفس الثامنة واول من يسافر بداية شهر ديسمبر غالبا اللي حنا فيه الان وناس يتأخرون الى 7
وعموما هم نبهونا ان السفر يفضل يكون الخمس الاشهر الاولى من السنة الميلادية

بالتوفيق

wolf الله يعطيك العافيه

انا بحثت عن تخصصي بموقع الجامعات الموصى بها مثل ماقلت لي ماحصلت الا جامعه وحده في امريكا اسمها suny at stony brook على الرابط هذا

الجامعات الموصى بها

ووالله ما ادري وش قصة هالجامعه ,, والتخصص الي ابيه اسمه hematology and blood banking وهم بالجامعه حاطين immunohematology and blood banking

هل هو نفس التخصص او لا :confused:

- - - مشاركة محدثة - - -

ومشكوور مرة ثانيه wolf :o:o

اقتباس:

---

المشاركة الأصلية كتبت بواسطة حمد العنزي

السلام عليكم ورحمة الله وبركاته
كيف حالكم جميعا ,,, اتمنى انكم بتمام الصحه والعافية
وعليكم السلام ورحمة الله وبركاتة

اخواني بس حبيت استفسر عن المرحلة التاسعه لبرنامج خادم الحرمين وصراحه اتواصلت معاهم ع الايميل الي حاطينه بالموقع بالعربية والانقليزية بس للأسف ما ردو:o

انا طالب علوم طبية تطبيقية قسم تقنية مختبرات (بكالوريوس) والسنه هذه عندي تدريب بالمستشفى وان شاء الله اخلص شهر 7/1434 بس حبيت اعرف متى يبدا التقديم في المرحلة التاسعه ؟ والا مثل المرحله الثامنه برمضان ؟
ايوا اظن انها مثل هالسنة

واذا فيه احد طلع بعثة ياليت اعرف متى يبدا الترشيح ومتى يروحون لبلد الابتعاث لان صراحه اعرف كذا واحد واتاخروا تقريبا ست اشهر .
التقديم كان في رمضان الترشيح على شوال والتدقيق كان تقريبا على نص شوال الترشيح النهائي على ذو الحجة والملتقيات في محرم>>تطلع بلد الابتعاث على حسب قبولك في المعهد في اي شهر

ووش احسن بلد ابتعاث لاني محتار بين امريكا وكندا ونيوزلندا ابي الدوله الارخص والاحسن من ناحيه العلم ,,, علما بان تخصصي الرئيسي امراض دم ؟؟

وأقدر ادرس تخصص امراض دم وبنك الدم بنفس الوقت ؟؟

لو مثلا جاء قبولي بالبعثة اقدر اتوظف على التشغيل الذاتي (مو الحكومي ) لما يجي قبولي النهائي بالبعثة ؟؟ والا لا ؟؟ (لان من شروط برنامج خادم الحرمين انك ما تكون شاغل اي وظيفة حكومية)
ايوا تقدر لان التشغيل الذاتي مو وظيفة حكومية
واخر استفسار للشباب المبتعثين (( صراحه متخووف ان شغله الابتعاث بتكون صعبه لاني اسمع كذا واحد يقوول لي كلها واسطات وانا محقق كل الشرووط يعني ان شاء الله في امل يتم قبولي والا زي ماقالوا )):o:o:o

كلهم خراطين
اذا مطابق للشروط مبروك عليك البعثة>>العالم كلها طلعت ابتعاث
وبدعيلكم من كل قلبــــــــــــــــي :o:o

---

..............................

رولين مشكووووووووووووورة

يعطيك الف عافية :o:o:o

التقديم إن شاء الله راح يكون بآخر شعبان أو بداية رمضان
و إذا إنت كل الشروط منطبقة عليك فـ إنت مقبول
و لا عليك من كلام الناس اللي ما يخلص
و بالنسبة للسفر و بداية دراستك
تعتمد عليك إنت ، متى ما خلصت إجراءاتك بدري ، تقدر تسافر

ربي يوفقك و يسهل أمورك ، أهم شي شد حيلك الحين و ركز بدراستك و جيب أحلى معدددددل ❤❤❤

بنت حصة الف الف شكرا لك :o:o

الله يعطيكم الف عافيه على الردود وعلى تفاعلكم مع الموضوع

طيب الحين اذا قدمت وجاني القبول -ان شاء الله - اقصد الترشيح بعد كذا وش يتبقى علي بس احضر الملتقيات وخلاص

لان صراحه لما اشوف المبتعثين لأول مرة يسالون عن الفيزا واجراءاتها وقبول المعهد وقبول الجامعه والضمان المالي ,,,الخ

والله اتضايق احس ان الشغلة طووويلــــــه

ياليت اذا فيه احد راح بعثة يقول ايش الاجراءات من اول ما اترشح الى مادخل بلد الابتعاث :o:o:o

هههههههههه الله يعينكم على اسئلتي بس ان شاء الله في احد غيري يستفيد من اجوبتككم ...

أنا راح أقولك الخطوات و أكتبها على شكل نقاط :
١- برمضان تقدم عن طريق موقع الوزارة
٢- بعد شهر تقريباً يجي الترشيح المبدئي
٣- فيه تاريخ لتدقيق الأوراق ، تروح و تدقق أوراقك
٤- بعد التدقيق بفترة يجي الترشيح النهائي و يحددون موعد للملتقيات و هنا نقولك ألف مبروك
٥- الوزارة ترسل لك ضمان مالي على إيميلك و تنزل قائمة المعاهد المحدثة
٦- تختار مدينة و معهد و تقدم عليه بالضمان المالي اللي معك
٧- يجيك القبول من المعهد و يوصلك الـ I-20
٨- تقدم طلب على فيزا دراسية F1 عن طريق موقع السفارة و تحجز موعد و تروح تسوي مقابلة
٩- تستلم الفيزا و تجهز كل أوراقك و تروح للوزارة تصدر قرار الإبتعاث
١٠- تآخذ قرار الإبتعاث و تروح لمكتب الطيار و يحجز لك الرحلة بالوقت اللي يناسبك و يناسب دراستك

و بس