عدة استفسارات ..

بسم الله الرحمن الرحيم

اخواني ان ان شاء الله رايح لأمريكا بعد كم يوم وعندي بعض الإستفسارات

س/ هل لازم اروح لواشنطون عشان افتح ملف ولا اروح لمدينتي على طول ،وكيف ارسل الأوراق للملحقية؟

لا ، مايحتاج تروح وطريقة فتح الملف عن طريق موقع سفير الطلبه مثل ماشرحت لنا الوزارة في وقت الملتقيات .

س/ وشي الأوراق الي اخذها معي ،ووشي الأوراق الي ارسلها للملحقية؟ وهل لازم ارسل أوراق للملحقية ولا يكفي النسخ الإلكترونية؟

كل شئ عندك خذه منتب خسران شي واضمن لك ، والملحقية تطلب منك نسخ الكترونية فقط .

س/ الحين في ضمان مالي من الملحقية غير الي عطونا اياه الوزارة؟

ايه ، فيه ضمان مالي يعطونك اياه بأسم المعهد الي بتدرس فيه .

س/ هل يجبرك المعهد على دفع اي رسوم وكيف الخروج منها؟

لا مايجبرك ، الضمان المالي الي راح تعطيك الملحقية تسلمه المعهد حتى ياخذ المعهد فلوسه من الملحقية بموجب هالضمان وانت مالك دخل .

س/ بخصوص العلاج ه لازم ادفع للتامين قبل ان يوصلني؟

اعتقد ، فيه مواضيع تتكلم حول التأمين بإمكانك زيارتها والاستفاده منها .

س/ بخصوص الأوراق الثانوية مثل اثبات انك منت موضف أو اوراق التطعيمات ،وش وضعها وهل هي لازم وكيف اطلعها؟

ما اعتقد انها لازم .

س/ كم اخذ معاي فلوس لين تكفيني لأول مكافاة؟

على حسب صرفك وتخطيطك .. لكن حاول تحتاط شوي لأنك بالبدايه وبتحتاج فلوس .

س/ انا راح اسكن في فندق وابحث عن سكن أو مع عائلة ،هل البحث عن عائلة أو سكن سهل في سياتل؟

ان شاءالله .. ممكن تطلب من المعهد .. وممكن تتفق مع عائله عن طريق المواقع في الانترنت .. وممكن تسأل الطلاب هناك يدلونك على عائلة مناسبة .

وأي استفسارات اخرى ابضيفها ،وشكرا لكم مقدما ...