عرض للطباعة
السلام عليكم ياشباب
أنا أبي أحول الدولة من أمريكا إلى كندا ....
لازم أروح للوزارة في الرياض وأقدم طلب تغيير تخصص وبعدين أكمل الإجراءات ( قبول المعهد و إجراءات الفيزا و و و ......
وله عادي أسوي كل هذي الإجراءات وبعدين إذا طلعت الفيزا أروح الوزارة وأحول الدولة وأصدر قرار الإبتعاث ..
لأن أنا سمعت أنو اللي يبي يحول الدولة يروح الرياض يقدم طلب تغيير دولة قبل يبتدي في إجراءات الفيزا .. لأن إحتمال تنرفض الفيزا لو ماحولت قبل
وعليكم السلام ..
حسب علمي لازم تجهز قبول لغة + جامعي في الدولة الي تبي تحول لها علشان تتسهل اجراءات التحويل من قبل الوزارة
بالنسبة لكندا ممتازة باللغة ، لكن في قبول الجامعات صعبة خصوصا للماستر
وهذا كلام اغلب طلاب كندا
طبعا انا أحين بعدي في السعودية مابعد رحت لأمريكا ... يعني مابعد أصدر قرار الإبتعاث ..
هل لازم أجهز قبول اللغة والجامعة أو أني أحول الدولة أول من الوزارة ؟؟
اخوي راسلهم ع الايميل واكتب خطاب طلب التحويل وحط الاسباب
وراح يردون عليك ويرفعون طلبك وتنتظر يجيك الرد بالقبول او الرفض ولو تاخر ردهم وتجاوز اسبوع ارجع اسالهم عن طلبك وتفاهم معهم ع الايميل
والله انا طلبه تحويل لايرلندا وللحين ماوافقو بس ايرلندا صعب التحويل لها عشان كذا جاني رفض بس في كثير حولو الدول وبسهوله
موفق
أخوي أنا أرسلت خطاب تحويل وشرحت الأسباب وجاني الرد بالموافقة وتحدثت حالة الطلب في ملفي والحمد لله بدون ماأحتاج أراجع الوزارة
أرسلتي لمين ؟؟انتي ارسلتي لهم طلب تغيير دولة قبل تجيبي قبول وطلعتي الفيزا من الدولة اللي حولتي لها قبل ترسلي الطلب او بعد ماأرسلتي الطلب ؟؟اقتباس:
المشاركة الأصلية كتبت بواسطة MARAM*
أول شي أرسلت الخطاب للدكتورة علياء مسؤولة عن تغيير الدول
وذلك قبل الحصول على قبول المعهد و إجراءات الفيزا وبعد ماتمت الموافقة تابعت الإجراءات لأن الطلب قد يرفض .