استفسار أمر الإركاب+حجز تذكرة من الرياض لفيونكس

ياخوي انت ماشاء الله علييك من وين طلعت لي .. نفس اسمي ونفس جامعاتي الثنتين ونفس تخصصي ونفس ولايتي الللي رايح لها ونفس الجامعه وتاريخ الدراسه .. اللهم سكنهم في مساكنهم هههههههه

على العمووم سمعت انه تقدر تسوي كذا واحياان ممكن يرفضون تذكرتك ويقولون غير رحلتك لان سعر التذكرره غالي .. يقولون صار الطيار يكد علينا من جيبه

بالنسبه لذهاب وعوده يقولون لا بس ذهاب .. العوده من هناك تسويهاا .. وبالنسبه للخطوط السعوديه يقولون فيه اجزاء من امريكا مجبورين بالخطوط السعوديهه

بس اتوقع ولايات الغرب لا .. واختر الاتحاد للطيران تراها فله

يالله حيي سميي
أقول شكلك من زملائنا وهذي الساعة المباركة والله، أنت متأكد من موضوع الخطوط ؟ حجزت ولا لا؟

وتراني إلى الآن ما اخترت السكن بشكل نهائي، إذا تعرف شيء عن السكن يا ليت تعلمني.

عبدالعزيز اسلم لك ، لاتروح للطيار الي بالوكاله نفسها كلن يقول انه بثر

انا رحت لفرع الطيار بالمروج ومعي تفاصيل رحلتي من موقع الخطوط الاماراتيه ، وقلتله احجز لي نفس هالرحله

وعطني رقم الحجز

ارسلت رقم الحجز وصور من جوازاتي انا ومرافقي ، وقلتله ارجو توجيه الفرع لاصدار التذاكر

ومن بكرى ارسلوا لي مسج ورحت استلمت التكت : )

ايه من اخوياكم ,انا ماني متاكد من موضوع الخطوط , بالنسبة للحجز باقي لان فيزتي ماطلعت عطووني وورقه صفراء وان شاء الله تطلع فيزتي هالاسبوع لانه اخر فرصه لي .. دعوواتك

بالنسبة للسكن انا ان شاء الله باحجز لي في هوتيل 5 ايام تقريبا لين القى لي عايلهه تعجبني واروح عندهم

على فكره phoenix حرف الاو سايلنت .. تنطق فينيكس :$

JAY

على Emirates التذكرة ذهاب فقط بـ 16 ألف وشوي ، كثيرة ولا لا؟ طيب اهم شيء هل هم يقبلون الحجز على خطوط غير الخطوط السعودية؟

عبدالعزيز 21
ليش عطوك ورقة صفراء؟ ، إذا كانت أوراقك ناقصة ارسلها بالفيدكس على طول، أما إذا كانت بسبب الاجراءات الإدارية فلازم تصبر عليهم، وحاول تراسلهم على الايميل ولا تنسى تشييك على رقم فاتورة فيدكس على موقع FedEX يمكن ارسلوها و انت ما تدري.
الله يوفقك.

ههههههههاي والله تكدس عجيب في المعهد ذا وانا معاكم يلا عيشو ^ــ^

لا عبدالعزيز هذا ذهاب وعوده ، ذهاب بس 8 الاف تقريبا ، وانا قبلوها ، بس زي ماقلتلك رحت لفرع خارج الوزاره ، واخذت رقم حجزي وارسلته على ايميلهم الي موجود بموقع السفاره ، والحمدلله مشت اموري تمام

اذا فيه عوده، فما راح تكون على حساب الوزاره ، واحجز من الحين ترخص كل ماصارت قبل بفتره أطول

اتوقع أن المبلغ (16 ألف) لدرجة رجال الاعمال، لأني لقيت على خطوط الاتحاد بـ 5958 ذهاب فقط.

قصدك موقع الوزارة ؟

شكــــــــ جزيلا ـــــــــــــــرًا على المعلومات.