- محتاج المساعدة بكم من سوال ؟!

السلام عليكم

كيف الحال يالربع !؟ عساكم طيبين !؟

الله لايهينكم أنا ناوي أطلع بأذن الله بعد كم من شهر ان شاء الله امريكا بس للحين ماعندي معلومات كافية عن الدراسة هنااك ؟!

سؤالي الأول وين مكتب التقديم حق القنصلية الي يقدمون فيه الاوراق بالشرقية !؟
+
الحين لا راحت هناك وانقبلت بالبعثة القبول يتضمن مرحلة دراستي ( المعهد + الجامعة ) ؟! ولا بس الجامعة !؟
وكم المدة الي أن شاء الله الواحد ينقبل فيها ؟!
وتقريباا كم يكون سعر المعهد !؟
ووش رايكم بالتخصص ذا ( information technology ) الي هو تنقية المعلومات !؟
يعني تخصص قوي ولا فيه أحسن من في ذا المجال ؟!
ووش فيه تخصصات قوية تبيها الشركات بكثرة بس اهم شيء يكون تخصص قوي يعني لان انتو عارفين الشرقية والجبيل بالتحديد كلهاا شركات !!

ومشكورين وبيض الله وجيهكم واعذروني على الاطالة : )

اقتباس:

---

المشاركة الأصلية كتبت بواسطة بوناصر2013

السلام عليكم

كيف الحال يالربع !؟ عساكم طيبين !؟
الحمد لله طيبين انت كيفك طال عمرك

الله لايهينكم أنا ناوي أطلع بأذن الله بعد كم من شهر ان شاء الله امريكا بس للحين ماعندي معلومات كافية عن الدراسة هنااك ؟!
الله يوفقك ويكتب لك مافيه الخير ، يقولون ان كلمة - الله لايهينكم منهي عنها فالافضل تقول لاهنتم -


سؤالي الأول وين مكتب التقديم حق القنصلية الي يقدمون فيه الاوراق بالشرقية !؟
انت اذا جبت قبولك وسددت جميع الرسوم المطلوبه تدخل على موقع القنصليه بالانترنت وتحجز لك موعد وتروح لهم


الحين لا راحت هناك وانقبلت بالبعثة القبول يتضمن مرحلة دراستي ( المعهد + الجامعة ) ؟! ولا بس الجامعة !؟
يبدوا لي انك طالع على حسابك .. عموما اذا انت طالع على حسابك الله يعينك تدرس المعهد وتحصل على الدرجه المطلوبه في التوفل وتجيب قبول الجامعة وترفع للملحقيه السعوديه بأمريكا طلب يضموك للبعثه

وكم المدة الي أن شاء الله الواحد ينقبل فيها ؟!
ايضا مو فاهم عليك بالضبط لكن :
اذا قصدك مدة الدراسه الاجماليه للابتعاث فهي عاده سنه للغه وممكن تتمدد ل 18 شهر .. وسنتين للماستر وبالنسبه لدكتوراه 4 سنوات سنه لغه وثلاث دكتوراه
إذا قصدك المده اللي ممكن تحول فيها من كونك تدرس على حسابك الى حساب الدوله فبمجرد انتهائك من اللغه وربما تأتي مكرمه ويضمونكم للبعثه مثلما حصل سابقا


وتقريباا كم يكون سعر المعهد !؟
اسعار المعاهد تختلف اختلاف كبيرا جدا كل معهد له مستواه وطريقته ونظامه وتكاليفه

ووش رايكم بالتخصص ذا ( information technology ) الي هو تنقية المعلومات !؟
ماقدر اقولك شي بس الله يوفقك وناس كثير مقبلين على هذا التخصص ولا أعلم ان كان مطلوب كثير بالبلد

يعني تخصص قوي ولا فيه أحسن من في ذا المجال ؟!
مو قوي ، ممكن تلاقي تخصص دقيق داخل تقنية المعلومات وشهادته افضل وتحصل مجالات توظيف افضل من الاي تي

ووش فيه تخصصات قوية تبيها الشركات بكثرة بس اهم شيء يكون تخصص قوي يعني لان انتو عارفين الشرقية والجبيل بالتحديد كلهاا شركات !!
أستخر وأبحث بنفسك ثم أسأل وأستشير أصحاب الخبره


ومشكورين وبيض الله وجيهكم واعذروني على الاطالة : )
عفوا ووجهك ابيض وخذ راحتك إني تايم

---

تجد الاجابات داخل الاقتباس نفسه