اجراءاتي بالسفر ( تحقيق لمطالب الشعبات )

السلام عليكم
كيفكم ياحلوين التامنه , وحشتوني كلكم
باكتب لكم هنا اللي سار معايا من اجراءات من أ ل ي وكمان اللي في لها سفره لوحدها تجي <<تمخطرت لوحدي من نيويورك لكليفلاند
المهم نبدأ :
رحلتي كانت من ينبع لجده الساعه 1 تقريبا بالليل , وصلنا جده انا ومحرمي تقريبا 2 الا ربع يمقن
رحنا على طول للصاله الدوليه , واتفاجأنا ونحنا بنقص البوردنق ان الطيار الافندي ماحطللي عدد شنط عالرحله الداخليه
فاللي لسى ماحجز يتأكد من دي النقطه واللي حجز يراجع وراهم
المهم موظف الخطوط كان جدا متعاون وزبط لي الموضوع بدون ريال زايد وكان عدد الشنط حقتي شنطتين شحن وشنطتين وحده يد ووحده وسط معايا
, المهم جلسنا نثرثر ونضيع وقت لين 6 بدأ النداء للرحلة المصون
رحنا تفتيش السعودية عادي يادوب قالي فين الاي توني ماتطلع الطياره قبل مايشوفه وشافه وطلعتا
كانت الرحله 13 ساعه مابين نوم وتفرج وقرأه وانا عني لعبت مع بزوره :red_indian:

وصلنا لنيويورك 11 بتوقيتهم , على طول على الامقريشن , طبعا كل واحد لوحده , راح خالو قبلي بعدين انا بعده
جيت قال مرحبا قلت مرحبا , ليش جايه قلت دراسه , كم سنه قلت له قال اكشفي وجهك بدنا نصورك كشفت صورني وخلص
قال ابصمي بابهامك بصمت واصابيعك الاربعه <نفس السفاره الله يسلمكم
هاتي الاي 94 اعطيته , وانا كاتبه اني جايبه أكل وتمر خصوصا فعلم عالتمر بالقلم وقال تزحزحوا لشنطكم

رحنا اخدنا الشنط ومسكنا الللاين للجمارك كان اللي يمشي يروح يسار واللي يبغون يفتشون شنطه يمين

جيت وكان واحد شارد من التفتيش مشانا بسرعه << واللي كان شاف بلاوي حبق , حساوي , مغربي , فصفص :p

المهم كانت رحلتي الداخليه الساعه 4 ونص , رحنا للدلتا , وقالت لنا فين وضعنا ضيعه مو صاحيه بالير ترين ماغير نخربط بالترملين:p
الساعه 3 لقينا المنشود رحنا وشحنا الشنط بدون زيادة ولا ريال , المهم حطني محرمي عاللاين للقيت وراح يلحق رحلته ;)
شوي يجي شرطي يقول المكان هنا فل اطلعوا ورايا , ونطلع وراه برا المطار <<انفجعت هنا
سألت امريكيه قال زوجها امشي ورانا وانتي بامان وانا وراهم لين وصلنا , ومسكنا لاين جديد , لمن جا دوري قالت لي موظقة الخطوط روحي يمين وخليهم يسجلوا اسمك كامل بالبوردنق
ورحت ورجعت لها وقالت لازم اسمك بالبوردتق يكون كامل ومشيتا طبعا بعد ماشاقت وجهي
رحت للتفتيش , نادي الشرطي فيييمييييييييل , جاتني فبل مو فيميل فتشت اوومي تفتيش ومشيت لبوابتي , ولا اتفاجأ مغيرينها ليا وروح دور البوابه التانيه ( خطوطهم الداخليه يسير فيها تغيير للبوابات كتير )
المهم جلست جات لبنانيه تهرج معايا وفيتناميه بعدين جا موعد الرحله طلعتا وجنبي ررجال خمسيني بس شافني حايسه بشنط اليد حقتي بالطياره اخدها وزبط لي الوضع وهنا انا
خمدت من التعب , وصلت لكليفلاند يجي 6 ونص جاني محرمي التاني وراح اخد شنطي ورحنا لبيتنا

وتوته ياتوته انتهت الحدوته ودحين مع خربطه الملحقيه اللي مو راضيه تصرفلي مشرفتي اللي مدري كيف شكلها

اي سؤال انا حاضره

دعواتكم

الحمدلله ع السلامه يالغالية ..

ربي يسعدك ميشو ... حلو فهمنا وضع التفتيش ..

طيب البنات اللي فتشوك ..في مكان خاص والا قدام الناس ؟؟؟

ابغى ارتب اموري واعرف اش البس ..

طيب خذتي معاكي بسكويت وتشوكليت بالرحلة ؟؟؟؟والا ممنوعة ؟؟؟

طيب معقم ديتول الصغير ..اللي اقل من 50 ملل كان معاك والالا ؟؟؟

بالسماء كان الجو حار والا بارد ؟؟؟ بالعربي ,الجاكيت اخليه معاي والا بالشحن ؟؟؟


موفقة يارب , وبأإتظار مغامرات المعهد وتسجيل المواد ..

الحمد لله ع السلامه هي دائما كذا البدائيات .. عموما كلها فتره وبتصير هذي ذكريات بمخيلتك.. استمتعي بوقتك وشدي حيلك..

جاده يب كانت معايا كريمات بس كولها 60 مل ومافتشوا كمان
كخ كخ قدام العالم ، الجو عادي بنيويورك كنت ﻻبسه شيرت والعبا. وأوجاكيت بيدي ، ومالبسته غير بكليفﻻند


سعودي يسلمك ربي عقبالك

- - - مشاركة محدثة - - -

جاده يب كانت معايا كريمات بس كولها 60 مل ومافتشوا كمان
كخ كخ قدام العالم ، الجو عادي بنيويورك كنت ﻻبسه شيرت والعبا. وأوجاكيت بيدي ، ومالبسته غير بكليفﻻند


سعودي يسلمك ربي عقبالك

الحمدلله على سلامتك
بسألك بما ان مرافقك مو معك ، الملحقيه طلبت منك برنت من الاحوال له ولا استقاله ؟
كيف فتحتي ملف عندهم بدون وجوده ؟

وشكرا جزيلا

كتبت مبتعث متواجد بأمريكا بس

اها مرافقك مبتعث ، اسفه مانتبهت

موفقه يارب

ميشوووووووو
الحمدلله على سلامتك
ربي يسعدك و يوفقك بدراستك ❤❤
و عقبالناا ❤❤'

ماشاء الله
سلامة الاسفار ياقمر
يلاه شدي حيلك وان شاء الله ترجعي بالشهاده اللى تفرح اهلك فيك

الحمدلله على سلامتك

مطار نيويورك كبير وعلة في التنقل بين الصالات

الله يوفقك ويحفظك