الأعضاء الإشتراك و التسجيل

الملتقيات
ADs

تجربتي : > اصدار القرار + استلآم الشهآدة + حجز التذآكر < .. !

تجربتي : > اصدار القرار + استلآم الشهآدة + حجز التذآكر < .. !


NOTICE

تنبيه: هذا الموضوع قديم. تم طرحه قبل 1850 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MrMosta7el
    MrMosta7el

    مبتعث مستجد Freshman Member

    MrMosta7el الولايات المتحدة الأمريكية

    MrMosta7el , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Special , بجامعة Somewhere
    • Somewhere
    • Special
    • ذكر
    • Where my Dream lives, My mood state
    • السعودية
    • May 2012
    المزيدl

    December 27th, 2012, 06:21 PM

    السلآم عليكم ورحمة الله وبركاته ..
    من بآب نقل التجآرب للأعضاء الآخرين لعل وعسآ أن يستفيد أحد منكم
    ..
    رآح انقل لكم تجربتي الآن من اصدار القرآر والتذآكر واستلآم الشهآدة الأصل
    ..

    أول شي قريت متطلبآت اصدار القرار بموقع الوزارة
    .. وهذا الرابط / http://www.mohe.gov.sa/ar/Ministry/SCHOLARSHIPSAGENCY/Pages/Requirements1.aspx

    وجهزت الأوراق كآملة ومشيت وانا بالطريق مريت مكتبة وسويت نسخ للأوراق اللي يبونها
    .. لأنهم مآيبون الأصل ..
    وصلت هنآك ع الساعه
    11 تقريبا .. وحصلت هنآك فيه آلة تصوير وكل شيء ، يعني مآيحتاج تمرون مكتبة أو شيء ..
    المهم عطيته أوراقي وعطآني استمارة أعبيها قآلي وش تخصصك
    ؟ قلت : اتوقع علوم طبية .. قآل عب هالاستمارة بعد مآعبيتها .. قال لي خلاص رح بيتكم ..
    ويجيك القرار بعد بكرة ع الإيميل
    .. قلت والأصل؟ قآل يروح الملحقية انت لك نسخة فقط .. قلت : طيب أعرف انه يطلع ب 3 ساعات ؟
    قآل
    : انت جآي بنهاية الدوام .. لو أنك جاي بدري طلعنآه لك وغير كذا ممكن يطلع لك ب 3 ساعات اذا حآب تنتظر .. بس أفضل لك تروح ليش تنتظر ؟
    قلت
    : أوكي .. وأدز لبيت أهلي .. وفعلا بعد بكرا جآتني رسآلة بالإيميل بصورة من القرار .. المهم .. وأمس رحت للوزارة ع أساس أستلم شهآدتي الأصل وأحجز رحلة ..
    أخذت رقمين
    : واحد للشهادة ، ووآحد للطيار .. الطيار كان نوعا ما زحمة ، ف جاء دوري بالشهادة أول ..
    والمتطلبات كآنت
    : صورة من القرار + سند استلام الشهادة ( بحكم آني طالب بكالوريوس مآدري عن االمآجستر والدكتوراة ) ..
    عطيته الأوراق على أذان الظهر تقريبا
    .. وقال لي : تعال بعد الصلاة خذ شهادتك .. قلت : أوك .. <- طبععا لأن كآن عندي مشوار بروحله .. ولآ كآن مآقمت الا معي شهآدتي :#
    جيت بعد صلآة الظهر
    .. وكآن رقمي في الطيار على وشك يوصل ..
    طبعا قبل أمس جلست تقريبا
    3 ساعات أدور الرحلة المنآسبة لي ، لأني نآوي اطلع وآشنطن وأجلس يومين وبعدهآ ب أطلع ديرتي ..
    المهم أني مآحصلت رحلة كويسة مرتبطة ببعضهآ
    .. يعني تكون بتذكرة وحدة وترانزيت .. ف بحثت كل رحلة لحآل <- عشآن كذا طولت تقريبا 3 ساعات ~_~"
    حصلت الرحلآت اللي أبيهآ وبأوقات منآسبة جدا
    .. واوقات ترانزيت قليلة .. يعني الرحلات اللي حصلتهآ كآنت مثآلية 100% ولكن كنت متخوف من السعر .. <- المجموع تقريبا 9 الاف ريال وشوي ..
    لأن زي مآ أنتم عآرفين الطيار السنة هذي كل يوم طآلع لنآ بمشكلة
    .. المهم أنهم كآنوا رحلتين منفصلتين .. وكنت متخوف برضوا يرفضون عشآن هالشي .. ويقولون جب رحلة مرتبطة ..
    الرحلة الأولى
    : الرياض > الدوحة > وآشنطن .. 6 يناير الخطوط القطرية الترانزيت في الدوحة سآعتين .. الرحلة الثآنية : وآشنطن > انديانا الخطوط الأمريكية .. US airways على 8 ينآير
    طبعت الرحلتين ورحت للطيار
    .. جلست أنتظر تقريبا نص سآعة لين جاء دوري <- الاثنين اللي قبلي تأخروا جدا ! .. قآلي اوراقك ؟ قلت أي اوراق @@ قال عشآن تحجز ؟ قلت : آيه صح طيب وش المطلوب ؟ <- طبعا اللي شآفه يحس أنه يقول بنفسه ( منين طلع لي ذآ بعد ) ! هههههههههههه
    قآل لي
    : الجواز والقرار وأمر الأركاب .. واجلس ادور مآحصلت القرار ، لأني كنت توني معطيه الموظف الثاني عشان استلم شهآدتي ~~
    قلت شويات اطبعه وأجيك
    .. وأشكر الوزارة على خدمات الطالب .. رحت طبعت القرار وجلست أنتظره يخلص اللي عنده .. المهم جيته واعطيته القرار والجواز وقلت من المرحلة الثآمنة ..
    قآل
    : وين تبي رحلتك ؟ واعطيه الاوراق قلت هذي الرحلآت اللي ابيهآ .. اذا في مجآل احجزهآ لي لآهنت ..
    شآف اول ورقة وقآل الرياض
    - واشنطن - الخطوط السعودية فل ، ويحط ع ورقتي X قآل شف غيرهآ .. قلت : هذي موب السعودية هذي القطرية الله يصلحك هههههههههههه
    يطالع بالورقة
    <- آحسه نقد على نفسه :$ هههههههههههه قال : اهـآ أوكي .. ويطقطق شوي ع الكمبيوتر ..
    وقال لي
    : خلآص روح استرح .. <- طبعا كنت اسرع واحد خلص من الطيار .. ماجلست دقيقتين ^،^ عشآني مجهز رحلآتي معي ~~
    جلست أنتظر شوي
    .. وبعد ربع ساعه نادى أسمي .. وعطآني التذاكر .. يوم طالعت التذاكر حصلت الرحلة الثانية اللي لـ انديانا .. الساعه 12 الظهر ..
    وانا اللي جآيبها معي
    6 وربع .. وطبعا بحكم أنهم عطوني وجه .. قلت مآ أطلع الا ع الرحلات اللي ابيها <- شين وقوي عين ههههههههه .. وارجع له ، قلت : معليش بس الرحلة لـ انديانا الظهر ؟
    قال
    / طيب ؟ قلت : أبيهآ مسائية .. قآل : طيب انت مآقلت لي ؟ قلت : صح مآقلت لك بس عطيتك الرحلة اللي ابيهآ ومكتوب فيهآ 6 وربع !
    قال لحظة شوي
    .. ويطقطق ع الكمبيوتر قآل مآفي رحلة على 6 وربع ؟ قلت واللي معي ذي وشي ! اخذ الورقة وطآلع فيهآ شوي ..
    قآل هذي على مطار دي سي موب مطار دالاس
    .. قلت طيب انا قلت لك أبي مطار دالاس ؟!
    قآل
    : يعني تعرف المطار الثاني ؟ قلت لو مأ أعرفه مآ جبت رحلتي عليه <-- ممن الهيآط والله ههههههههههههههههههه
    قآل أوكي برآحتك
    .. ويطقطق ع الكمبيوتر <- أحب الطقطقة ع الكمبيوتر .. تحسسني انه جآلس يسوي شي ههههههههههههههه
    قآل فيه رحلة
    6 وربع .. قلت ايه هذي اللي أبيهآ .. قآل اوك أستريح .. واجلس انتظر نص سآعه تقريبا .. وينادي اسمي ويعطيني تذاكر الرحلتين اللي أبيهم ..
    طبعآ شعور لآيوصف من الحمآس
    ، بحكم أني كنت متخوف من أكثر من شغلة ( السعر + رحلتين منفصلات + موب لخطوط السعودية ) بس الحمد لله تيسرت أموري ..

    أدري أني طولت وانا أكتب وكذآ
    ـ، وبعضكم طفش وطلع وهو يقرا نص الموضوع /..
    والبعض الأخر
    ، طلع من شآف الموضوع طويل ههههههههههههههه

    بس حبيت أقول لكم
    ( بآلتفصيل ) أيش صآر معي .. لأن الموآضيع أكثرهآ يخوف صرآحة ( خصوصا موضوع الطيار )
    كآنت اكثر المواضيع اللي اقراها مشاكل مع الطيار وهذآ خوفني بزيآدة
    ~_~"

    آتمنى ولو آلبعض استفآد أو أستمتع بموضوعي
    ..
    وبنقل لك تجربة سفري ب إذن الله في حآل وصولي بالسلآمة
    .. <-- اذا تبونهآ طبعا هههههههههههههههههههه

    بالتوفيق
    ..
  2. لا بالعكس موضوعك مره مفصل وحلو تخيلت نفسي معك واانا اقرا هههههه
    المهم سؤال على طاري السعرترا اخوي رايح يوم السبت يخلص امووري وماجبت له طاري فلوس وتذاكر
    ليش احنا ندفع حق التذاكر حاليا وبعدين يعوضونا ولا ش سالفة السعر ترى مافهمتها
    الا اعرفه ان الحجز عليهم ولا لااا.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.