الأعضاء الإشتراك و التسجيل

الملتقيات
ADs

طلب ايقاف صرف ( بعد فتح ملف طالب جاني هالطلب الي ماطلبتهـ )

طلب ايقاف صرف ( بعد فتح ملف طالب جاني هالطلب الي ماطلبتهـ )


NOTICE

تنبيه: هذا الموضوع قديم. تم طرحه قبل 1850 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Molecular Biology
    Molecular Biology

    مبتعث مميز Characteristical Member

    Molecular Biology الولايات المتحدة الأمريكية

    Molecular Biology , ذكر. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى Medical Laboratory Sciences , بجامعة Quinnipiac University
    • Quinnipiac University
    • Medical Laboratory Sciences
    • ذكر
    • North Haven, Connecticut
    • السعودية
    • Oct 2012
    المزيدl

    December 28th, 2012, 11:58 PM

    السلام عليكم،،
    القصة : فتحت حساب مبتعث من الملحقية وتم قبول ملفي بعد ساعات ولله الحمد
    بعده بيوم فتحت حساب بالبنك وحصلت شقة وعنوان وجبت شريحة جوال وكل شي تمام
    خشيت عدلت بيانات العنوان والاتصال وكمان بيانات البنك
    وقمت بطلب - تغيير معلومات البنك
    وايضا طلب - ضمان مالي
    الي حصل كالآتي ،
    تم رفض طلب تغيير معلومات البنك وطلبو شيك ملغي مطبوع عليه اسمي ،، وهذا عملته اليوم وان شا الله تمام
    وتم رفض طلب اصدار ضمان مالي - والسبب يحتاج الى تغيير خطة دراسيهـ ،، رغم اني مو فاهم اش قصة اهلهم
    المفاجئهـ ،،،
    فتحت اليوم حصلت ،، مكتوب في متابعة الطلبات ، طلب ايقاف صرف ،، والان في الملحقية والي طلبة attache MOHE new student
    رغم اني قبل امس فتحت ملف طالب !!!!؟؟
    المهم ،،
    حاولت اتصل بهم من الساعه 9 الصباح الى الآن ولكن والله العظيم ما احد رد
    ،،،،، ألسؤال او المساعدهـ ،،،،
    لو سمحتو الطلاب والطالبات الي حصل لهم نفس الشي وتم حل المشكلة اتمنى انه يتفضل يرد للأهميه
    او الي عارف ان هذا الشي عادي وغير مهم او خطأ تكنولوجي او زي كدا اتمنى انه كمان يفيدني ،،،،
    ملاحظة : سبب طلب ايقاف صرف مكتوب امامه ( no registered, the need raise ESL acceptance letter )
    ،،، اتمنى احد يفيدني عشان طفشت من ××××××××
    انتظر الرد ،،
    موفقين
    ^^
  2. اخويا انا زيك طلعت المشرفه مسويه لي ايقاف صرف المهم اتصلت عليها وقلت لها انو ليش انا لي اسبوع بامريكا ودحين بادخل بالتاني قالت لازم تسجلي مواد قلت لها الاختبار باقي له قرقرت وقفلت وارسلت لا عاد تتصلوا ههههههههههههههههههههههههههههههه المهم سويت طلب اعادة صرف وكتبت فيه انو الاختبار لسى والحمدلله اتقبل , والضمان المالي كمان زي كدا بس هي قالت لي سوي اعادة طلب ضمان مالي وارفقي قبول المعهد والحمدلله , بديت اشك اننا مع نفس المشرفه , ربنا يعين ان شاء الله
    7 "
  3. المشاركة الأصلية كتبت بواسطة ميشو ليشو
    اخويا انا زيك طلعت المشرفه مسويه لي ايقاف صرف المهم اتصلت عليها وقلت لها انو ليش انا لي اسبوع بامريكا ودحين بادخل بالتاني قالت لازم تسجلي مواد قلت لها الاختبار باقي له قرقرت وقفلت وارسلت لا عاد تتصلوا ههههههههههههههههههههههههههههههه المهم سويت طلب اعادة صرف وكتبت فيه انو الاختبار لسى والحمدلله اتقبل , والضمان المالي كمان زي كدا بس هي قالت لي سوي اعادة طلب ضمان مالي وارفقي قبول المعهد والحمدلله , بديت اشك اننا مع نفس المشرفه , ربنا يعين ان شاء الله
    وانا كمان كلمت الملحقية حتى ردو وبالصدفة وقالو سوي معلومات البنك وارسلها ويقبلوها وبعدها سوي اعاطدة صرف ولكن الحمدلله رحت اعاده صرف قالي لم يتم قطع الصرف عنك او زي كدا يعني لسى الخبر عندهم
    ،،،، بالنسبة للضمان المالي ، سويت مثل ماقلتي وباشوف النتيجه يوم الاثنين الجااي
    ،،،،،، ولاتنسو صرف فروقات انا قالي فيها الي بالملحقية باكستاني او هندي ،،،، بعد مايقبلو معلومات البنك سوي فرق صروفات وحط تاريخ بداية الصرف وتاريخ نزول الراتب ويحسب لك المبلغ الي بينها كم يوم وزي كدا ،،،
    موفقين جميعا والله يعين
    7 "
  4. المشاركة الأصلية كتبت بواسطة تحت التدقيق
    معليش يا جماعه ايش يعني طلبت ضمان مالي

    ليه الي قدمنا للمعهد بنحتاج غيره !!!!
    دانا المعهد ارسلي الآي ٢٠

    وقالي تعال بدري شوي عشان نحددلك مستواك
    هل ممكن يطلبوا ضمان ثاني
    الي معانا اول وقدمنا فيه على المعاهد هدا اسمه ( رسالة او خطاب من القنصلية والوزارة للقبول الدراسي وليس ضمان مالي ) او يعتبر ضمان مالي فقط لغرض القبول اوكي
    لمن تروح الدولة الي بتدرس فيها ، تسجل مثلنا في الموقع وكلام طويل واخره تطلب ضمان مالي يكون للمعهد وفيه كل شي عن الفلوس وشي اعتقد انه فيه تفاصيل اكثر هدا هو الضمان المالي الي عن طريقة الملحقية تدفع الفلوس للجامعة او المعهد وعن طريقة الدولة متكفله برسوم دراستك ،،،،،
    ،،،، بالنسبة لاختبار المستوى ، هدا حتى انا باقيلي 5 ايام واختبر هالاختبار عشان يحددوو المستوى بس عادي لو تأخرت بالنسبة للجامعة الي انا فيها تقول مو مشكله المهم تجي قدام بداية الدراسهـ عشان يسوو لك اختبار في يوم وينزلو لك مواد الخ الخ
    هدي سهاله
    انت بس اوصل امريكا وسجل في الملحقية وان شا الله كل شي مضبوط ،،
    موفقين ^إإ^
    7 "
  5. المشاركة الأصلية كتبت بواسطة م/ابوعبدالعزيز
    اخوي اولاً الحمد لله على السلامه . ثانيا كم يوم لك في امريكا و كيف كانت تجربتك مع السفر و كيف ولاية جورجيا ؟
    الله يسلمكـ،،
    جينا في الاحراج ،،
    انا وصلت يوم 24 ديسمبر الى واشنطن
    طبعا عندي جدول عمل عشان كدا الى اليوم صارت خمسه ايام جلست فيها اربعة في واشنطن فقط فتحت حساب في البنك وسجلت في الملحقية وطلعت شريحة فقط والباقي دشرهـ
    وفي جورجيا لي امس واليوم ،، ولله الحمد كل شي تمام شقة وجامعة وكل شي ضبط رغم ان المدينة زغنونه ومافيها ولا شخص عربي او مسلم لامطاعم اكل حلال ولامساجل ولا شي ،،،،بس الحمدلله كل شي مشى على مايرام
    بالنسبة لجورجيا ،،، طبعا انا باقولك حلوه ومادري ايش ،،
    بس انا جلست عشر ساعات في اتلانتا ولي يومين في اميريكاس
    طبعا المدينة اميركاس صغيره جدا ،، سكانها مايتعدو 20 الف فقط
    انا اخترتها عشان مافيها سعوديين عشان اتعلم اللغة صح واتعب واشقى واكون شخصيتي بنفسي بدون اي مؤثرات يعني فلسفتي كدا ،،
    ،،،،،، طبعا هاديه جدا وهدا الي حببني فيها رغم ان فيها مشكله وحده بس ،،،
    كل ابوهم سمر وسود ،،،، وانا ماعندي مشكلة واعوذ بالله ان اكون من الي يفرقو بين الاشخاص بالوانهم
    بس صراحه مو متعود
    يعني تخيل تصحى من النوم واحديدق الباب تفتح ،بنت سمرا وحجم اهلها 200 كيلو يعني شي بالنسبة لي مو طبيعي ،،
    OH MY GOD!
    ولكن ،،، نصيحة لكـ ،
    لو كان جوكـ ومودكـ مود هدوء وقرائة ودراسه ، فروح ولاية من ولايات جورجيا او اي ولاية ثانيه بس تكون صغيره وهاديه ،،
    اما لو مودك مود وناسه ودراسه في نفس الوقت ،،
    والله عليك بأتلانتا ،، اقسم بالله جلست فيها ساعات لكن خقيت عليها ماشا الله ،، انا كنت باروحها بس للأسف فاتني القطر ،،
    خقيت يعني انبهرت **
    كلامي كثير من الطفش لي 6 ايام ماتكلمت عربي خليني اطلع الي فيني ،،
    موفقين جميعا إ^^إ
    7 "
  6. موفق اخوي و انا الي اعرفه ان اغلب الولايات الشرقية المتوسطة و الشرقية الجنوبية من ذوي البشرة السمراء و ميزتها ان ولاياتهم رخيصة بس عيبها الامان و الخدمات . لكن اذا انت في مدينة صغيره احسن شئ لمرحلة اللغة زي ما قلت عشان الهدوء . عاد انا مخطط بأذن الله على مسيسبي و الجامعة تصنيفها كويس و المدينة رخيصة بالحيل . و من ناحية العرب يمكن عشانك جديد و صدقني يمكن الحاره الي جنبك كلهم عرب . اسئل الله لك التوفيق يالغالي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.