ايش تنصحووووووووووووووني .. اكمل اللحين واحجز موعد بالسفارة ولا انتظر المعاملة واعدل الغلط ؟؟ بس كيف اتصرف مع المعهد والايتوني اللي عندي منهم ؟؟
7 " مساعدة ارجوكم ابغى الحل بمشكلتي !! الله يفرج هم من يفرجها علي
مساعدة ارجوكم ابغى الحل بمشكلتي !! الله يفرج هم من يفرجها علي
تنبيه: هذا الموضوع قديم. تم طرحه قبل 4106 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- أختي ,,7 "
أولا صبحك الله بالخير
ثانيا ترى الموضوع عادي ولا يحتاج انك تتأزمين وتشلين هم لهدرجة
أنا رأيي أنك تعدلين الإسم بالجواز بحيث يكون مطابق لشهاداتك
وتراسلين المعهد لتعديل الأي توني إذا أمكن , أو حتى تطلبين قبول وأي توني جديد من معهد أخر
حتى لو تأخرتي فترة بعد , لعل في التأخير خير
وصلى الله وبارك .. وفقك الله - أختي7 "
عندك والله أعلم حلين .
الأول : أذا كنتي مستعجله على الدراسة انك تكملي اجراءاتك عادي جداً ولا تعدلين شي حتى والدك يوقف المعاملة وتكملين على كذا ,,, وان شاء الله اذا رجعتي بعدين بالشهادة تقدرين تعدلينها اذا جا وقت معادلة الشهادة باالاثباتات الي عندك .( يعني كملي عادي ولعاد تسوون اي شي ممكن يحطكم بدائرة الشك بعدين ) يعني توكلي على الله لو تجلسين 6 سنوات عااادي ,,, المهم لا تعديلين شي حتى ترجعين السعوديه نهائي .
الحل الثاني : تأجلين سفرك وتطلبين من المعهد تأجيل موعد الدراسة وامر الله من سعه ,,, حتى يتم تصحيح كل شي ,,, وبعدها تطلبين من المعهد تعديل الي توني بناء على الجواز الجديد وبعدها تقدمي على السفارة طبيعي ,,, حتى لو المسالة طولت شوي بس تستاهل وتبعدك عن اي تعقيدات بالمستقبل ...
هذي الحين الي اشوفها من وجهة نظري هي المنطقية ,,,, وترى الدعوه سهالات والله ييسر لك امررك ...
لكن نصيحتي لك لا تعدلين شي وانتي بامريكا او بعد اصدار التاشيرة خليك بالسليم ,,, اما خلي كل شي على حاله حتى تنتهي بعدين او عدلي قبل السفر ...
وانا ارشح الحل الاول ,, لان الامريكان حساسين من ذي المواضيع .. فكملي بنفس الاسم الي موجود الان وبعدين اذا تخرجتي امر التعديل سهل ان شاء الله
هذا الي عندي ولا ابي منك الا دعوة صادقة من أخت لاخوها ,,
والله يوفقك وييسر امرك ويختار لك الله مافيه الاصلح والانسب ,, وصلاة الاستخارة ممتازة في هذا الموضوع - [QUOTE=ابو راكان;1062202259]أختي7 "
الله يجزاك خير.. بس سؤالي هل من الممكن اني اراسل المعهد يعدلون لي i-20 ?? لاني ابغى دا المعهد ومالي نيه اغيرو؟؟
ومافضل انو بعد مارجع اغير الاسم وكذا .. الافضل من دحين بس مشكلتي وتخوفي في تعديل i-20 - by law {{{ الله يجزاك خير بس مو حابه اغير المعهد حابتو مرة وان شاء الله انهم يقدرو يغيرو ليا الايتوني خايفه يرفضوني بسبب دي الحركه؟؟7 "
- [QUOTE=ٍِsam;1062202268]أعتقد ما فيه أي مشكلة أنهم يعدلون لك , أنتي جربي معاهم7 "
لأن كل معهد له سياسته , وممكن يلغون الأي توني السابق ويرسلون أي توني أخر - الله يكون بعونك7 "
- أول شئ إركدي باين عليك متلخبطة إهدي شوي و تعوذي من إبليس7 "
الحين إسمك مو نفس إسم أبوك صح ؟
ووثيقتك / أو شهادة الثانوي إذا كنتي بكالوريوس تطابق إسم الجواز ؟
أنا و أبوي و أختي كل واحد فينا له إملاء غير الثاني
و الحمدلله أمورنا كلها تمام - بالمختصر يا اختي ’’’ اذا شهادتك الجامعية السبلنق فيها نفس الجوزا نصيحة لا تسوين اي شي وكمل كذا ,,, هذا اذا انتي معك شهادة جامعية اما اذا ثانوية ترجميها بنفس الاسم الي بالجواز وتوكلي على اللله ولا تعدلين شي ,,,,7 "
اما اذا يمديك تعدلين الجواز وتعدلين كل الامور ومشكلتك الوحيدة هي i-20 فالموضوع ان شاء الله بسيط ,,, لا تقدمي على التاشيرة حتى تعدلي ال i-20 والمعاهد متفهمه للموضوع وتعرف ان الاسماء العربية يجي فيها لغبطه عند ترجمتها واكيد مر عليهم كثير خاصة اذا هم متعودين على الطلاب العرب ,,, وبالغالب هم متفهمين لذي الامور ,,, وبعدين الموضوع حتى الان ما وصل للحكومات يعني توه قبول ولسه ما سددتي حتى السيفس ,,, لذلك عاادي جداً بعد ما تعدلي جوازك وترتبي امورك ,, تراسلينهم وتعطينهم صورة من جوازك الجديد و صورة من الي توني ,, وتشرحين لهم الوضع والسبب وتطلبين يعدلون الاسم فقط ,,, او يصدرون لك واحد جديد .
الموضوع ما يستاهل انه تنزل دمعة من عينك ,, خليها الدمعة تنزل للشي الي تستاهله ,,,
اما ذي الامور الله كاتبها ومقدرها ,, اذا الله رايد ان امورك تتيسر وتزين صدقيني بتزيل وتوكلي على الله وسعي صدرك وعرفي ان الله معك وصدقيني بتحسين براحة وطمئنينة .
بالتوفيق
December 31st, 2012, 10:50 AM
والله اني اكتب لكم وانا محملة بالهموم
وماني عارفة كيف اتصرف
انا ماكان عندي جواز سفر لا انا ولا بابا ومااصدرنا جوازاتنا الا يوم طلع ترشيحي في برنامج الابتعاث و طلعت عندي مشكلة بالجواز الا وهي
(ان اسم فخذ العائلة ملتصق باسم العائلة نفسه)
يعني مابينهم مسافه
مثال : لو اسم الفخذ ال هادي والعائلة الشريف
يطلع عنديlast name: alhadialshreef
طبعا المشكلة مابانت الا بالجواز في الاسم الانجليزي ولا الاسم بالعربي حقي وحق الوالد واخواتي مافيها غلط ابداً وفيه مسافه بين اسم الفخذ واسم العائلة
المهم انو المشكلة ماطلعت بالجوازات وتعديل سريع فقط
طلع الوالد الله يطول بعمره غلطان فيها من ايام حفيظة النفوس وكاتب اسم الفخذ مع اسم العائلة بنفس الخانة وطلع كانه اسم العائله ال هاديالسيد
كانه اسم مركب,, طبعاً رفعنا معامله للاحوال.....الخ
مو هنا المشكلة وبس
المشكلة انو طولت المعاملة وانا تعطلت وماراسلت اي معهد ولا جبت لي قبول
اخر شي قررت بما ان الاسبلنق باسمي وباسم بابا وباسم الفخذ والعائلة صح والمشكلة مقتصرة على المسافه بين الفخذ والعائلة
اني اراسل المعهد واجيب القبول
وبالفعل جاء i-20 بنفس اسم جوازي اليوم
اللحين عندي استفسارين اتمنى الرد عليهم بكل دقه ومن له خبرة ويقدر يفيدني بليززز:
1- هل اكمل اجراءاتي للسفارة واطلع امريكا بالاسم كذا وبعدين اذا وصلت هناك وبهذه الاثناء يكون اكيد الوالد خلص المشكلة من هنا
هل اقدر اعدل الجواز من هناك عادي وبدون مشكلة ؟؟؟
2- طيب في حال خلصت المعاملة هالشهر وامداني احلها وانا لسى هنا وصدرت جواز ثاني
هل اراسل المعهد يعدل لي i-20 واشرح لهم المشكلة انو كان في خطأ بالجواز وانتو جبتو لي الايتوني على جوازي واللحين انا عدلته؟؟
كيف ايش اسوي.. اخاف يرفضوني ويقولون قدمي طلب ثاني وكذا
والله اني بحيرة من امري! ومهمووووووووووووووووومة
ولا كيف اتصرف ارجووووووووووووووووكم ؟؟؟
ارجوووووووووووووووووووووووووووووكم والله اني ابكي ومتضايقه حدي
اعتذر عن الاطاله بس حبيت اشرح لكم المشكلة ..