رد: رحلتي بعد يومين ..والاداره رافضه الاجازه ..الحل..
اقتباس:
المشاركة الأصلية كتبت بواسطة saudi_magic
عندك ورقة بموافقة رئيسك المباشر؟؟؟؟ وماطلب توفير بديل؟؟؟؟ ياخي مانقول إلا حسبي الله ونعم الوكيل فيهم..
الله يسهل الامور
وش الحل معاهم هالاداره
رد: رحلتي بعد يومين ..والاداره رافضه الاجازه ..الحل..
خذ اوراقك كامله معاك وبكرى رح لصاحب الصلاحيه واجلس معاه وفهمه الوضع.. بعدين شف لك معرفه بالاداره يمشي موضوعك بسرعه
رد: رحلتي بعد يومين ..والاداره رافضه الاجازه ..الحل..
رد: رحلتي بعد يومين ..والاداره رافضه الاجازه ..الحل..
انت المشكلة عندك الآن أنه داهمك الوقت وما قصروا الاخوان وخصوصا "مخترع" بتوضيح النظام لك ما لك إلا مدير تعليم المنطقة براسه وحط بعين الإعتبار إن مدراء التعليم بعض الأحيان يكونون بإجازات أنصحك أنك ترابط من أول الدوام عشان تتدارك الأوضاع لو ما صار موجود يدلونك السكرتارية على المسؤولين المخصتين بهالشأن,,
رد: رحلتي بعد يومين ..والاداره رافضه الاجازه ..الحل..
الله يعينك و يفرج كربتك .
رد: رحلتي بعد يومين ..والاداره رافضه الاجازه ..الحل..
الله يوفقك ويسهل أمرك يارب
وافينا باللي يصير معك
لان المعلمين المرافقين كثير مررره واح يستفيدوا من تجربتك
رد: رحلتي بعد يومين ..والاداره رافضه الاجازه ..الحل..
الله يييسر أمورك
أنا الأسبوع الماضي أخذت نموذج من شؤون الموظفين ( اجازة استثنائية ) لمرافقة زوجتي .. و المدير المباشر ( مدير المدرسة ) كتب أنه لا يمكن تسديد مكانه من المدرسة و خفت تتعرقل أموري .. بس .. اليوم رحت شؤون المعلمين و لقيت نائب شؤون المعلمين و عطيته النموذج مع الافادة اللي أخذتها في الملتقى قال ( جيب قرار الابتعاث و أبشر بالإجازة )
يقول مادمت مرافق ما في أحد يقدر يرفض اجازتك .. هم يدبروا أحد مكانك
انت طلع القرار و قدم و إن شاء الله تتيسر أمورك
رد: رحلتي بعد يومين ..والاداره رافضه الاجازه ..الحل..
اخوي انت غلطت حجزت قبل تضمن اجازتك
الله يسهل امورك وموفق
رد: رحلتي بعد يومين ..والاداره رافضه الاجازه ..الحل..
توضيحات:
1- الإجازة الاستثنائية جوازية وليست وجوبية لأن المادة (20) من لائحة الإجازات نصت : (يجوز بقرار من الوزير المختص منح الموظف لأسباب تقبلها الجهة أجازة إستثنائية بدون راتب...).
2-الإجازة الاستثنائية الخاصة بالمرافق أو المرافقة وجوبية ولا يحق لجهة العمل رفضها لأن المادة (20) من لائحة الإجازات نصت (على أنه بالنسبة للموظفة السعودية التي ترغب في مرافقة زوجها أو من يعولها شرعاً إلى الخارج تمنح بقرار من الجهة التي تتبعها إجازة إستثنائية بدون راتب وذلك بقدر مدة المرافقة و بحد اقصى لا يتجاوز عشر سنوات متصلة أو منفصلة طوال الحياة الوظيفية ، ويعامل زوج المبتعثة للدراسة في الخارج أو أحد محارمها الشرعيين إذا كان من موظفي الخدمة المدنية وفق هذه القواعد)
وحرف الجر (على) يفيد الوجوب في اللغة العربية , كما لم تنص المادة في حالة إجازة المرافق أو المرافقة على تقديم أسباب تقبلها الجهة مثلما نصت عليها في الإجازة الاستثنائية مما يؤكد أن سبب كونك مرافقاً لوحده يعتبرا كافياً.
والله أعلم وأحكم.
رد: رحلتي بعد يومين ..والاداره رافضه الاجازه ..الحل..
اجّل الرحلة كم يوم والله يعينك تدفع رسوم التأجيل للطيران اذا ما اخذت اجازة استثنائية .. أهم شيء عملك .. البعثة لاحقين عليها ترا