رحلتي بعد يومين ..والاداره رافضه الاجازه ..الحل..

انا اقترح عليك بانك تراسل الطيار وتلغي الحجز وتراسل المعهد وتاجل الدراسه الي ان الله يحلها لك

لان اذا سافرت بدون اجازه راح تتورط مع عملك ومع الملحقيه لان الملحقيه ماراح تفتح ملف ولا راح تعطيك ضمان مالي الا بالاجازه ووالله اكلمك من واقع تجربه

الغا الحجز وتاجيل الدراسه افضل حل حتي ترتب امورك ولعل التاخيره فيها خيره

واما ان البعثة تروح عليك مو صحيح مادامك ما فتحت الملف عادي لك مني الي سنة كامله تقدر تروح

وبالتوفيق

لو حسبت لها حساب كان أخذت معايه رشاش ودخلت عليهم

اشكركم على ردودكم
واسفين على عدم المتابعه انشغلت باغراض السفر
وبعد ماتجي الموافقه بالاجازه تاخذون الهرجه كلها

حنا في انتظارك لا تتأخر علينا

اخوي مشكلتك تقريبا مثل مشكلتي

انا تابع لاداره المذنب بالقصيم

وزوجتي مبتعثه وانا مرافقها والمحرم الوحيد لها يعني ماعندها احد يقدر يروح معها على اقل شيء

طالبت بإجازه مرافقه ورفضت الاداره بسبب احتياج بتخصصي وانا معلم احياء ثانوي

ورحت لمدير التعليم حاولت فيه بس نفس الكلام رافضين الاجازه بسبب الاحتياج

ورحت للوزاره مريت على ( شؤون المعلمين قالوا مالنا دخل بالاجازات - حولوني لشؤون الماليه والاداريه طبعاً ماقبلوا ان ادخل الا بعد ما اكتب معروض ودخلت عنده وكتب اتباع الاجراءات اللازمه وفقاً للنظام - وحولني لشؤون الموظفين وكتب نفس الكلام - وحولوني لشؤون الاداريه وكتبت نفس الكلام - وحولوها لاداره المذنب ودخلت عند مساعد الشؤون المدرسيه وقال ماكتبوا { يفرغ } قلت لهم قال وفق للنظام والنظام يسمحلي قال الاحتياج اهم وحولها لمدير شؤون المعلمين ولي يومين وهو غايب حتى صرت افتح المكتب لايكون موجود ويزحلقوني )
بصراحه كرهت هاللوائح والنظام لتخلي الناس تلعب فيها على كيفها
والمشكله كل واحد اروحله يقلي النظام يسمحلك اقله اكتب لي يقول مقدر ماهي من مسؤوليتي اقله من مسؤوليه مين يقلي مرجعك لهي ادارتك طيب ادارتي رافضه الاجازه ابي اخذ حقي يسكتون

الله لايوفقهم كلهم

الله يعينكم والله للاسف بعض المسؤلين من الحساده يرفضو الاجازات ولا التعويض فيه موظفين بالهبل ويقدرو يوضفو

انا تعرضت لنفس موقفكم بس مو من جهه تعليميه وبالقوه وافقو على سنه فقط وربنا ييسر بعد نهاية السنه معا العلم اني مو مرافق

لكن عندي استفسار انا اخدت من دوامي اجازه استثنائيه ودوامي تابع للتامينات الاجتماعيه هل فيه مشكله في البعثه ؟؟او هل ممكن يوفقوها ليا؟؟رغم اني مااخد اجازه بدون راتب؟؟

بصراحة أخي الكريم الخطأ منك ، من المفترض ماتحجز تذاكر ولا تحدد موعد الدراسة لين تتأكد ان عملك راح يعطونك اجازة
والاجازة تكون مدتها كامل دراسة زوجتك ، صعب انك تروح فترة معها وترجع وتخليها لحالها !
مثل بعض الناس الي مايخافون على اعراضهم وتاركين بناتهم بالغربة لحالهم !

الحلول انك تأجل السفر وموعد الدراسة ، واغلب الجامعات فيها مرونة ومايقولون شيء
حتى البعثة بكبرها تقدر تأجلها

ها بشر وش صار على وضعك

السلام عليكم
بقولك إللي صار معي
اول شي طبعت أستمارة إجازة إستثنائية وكتب عليها مديري المباشر لاأوافق إلا بتوفر بديل قلت حلو ماعلينا رحت لمكتب الإشراف كتب لاأوافق إلا بتوفر بديل برضوه قلت حلو ماعلينا طبعاً أنا مستند على النظام وواثق في مدير شؤون المعلين أنه راح يكتب عليها موافق بدون توفر بديل بحكم انه هو الآمر والناهي واكيد فاهم وراح يقدر الوضع المهم خلصت من مكتب الاشراف ورحت لإدارة التربية والتعليم وع طول لمدير شؤون المعلمين ومعي كامل اوراقي من إفادة وقرار أبتعاث يعني وضع في السليم
فهمت مدير شؤون المعلمين بالوضع وبكل بساطه قالي مانقدر الا بتوفر بديل يابن الحلال كيف مايصير كذا تكفى منا ومنا ولا حياة لمن تنادي قلت طيب والحل قالي لازم مكتب الاشراف يوافق اول بعدين ماعندنا مانع المهم صار شد وجذب بيني وبينه وتناقشنا في موضوع النظام وانه من حقي وبكل برود يقولي المصلحة التعليمية اهم
قالي خل إجازتك هنا وبكرة نتواصل مع مكتب الاشراف وإذا وافق كان بها وإذا موافق الله يعينك مانقدر نسويلك شئ قلت يعني امركم بكرة قال لا احنا نتصل عليك
طلعت من عنده ودبرة رقم مدير مكتب الاشراف ودقيت عليه ولاقصر معي قالي ابشر بكرة إذا دقوا علي بقولهم موافقين ولا عندنا مانع بس كلم مشرفك وعطه خبر دقيت على مشرفي وبرضوه ماقصر وفي نفس الوقت رحت لمدير شؤون الموظفين وطلع ماعندك أحد جلس يفتحلي ملفات الاجازات هذيك اللي وارقها صفر من البطى وجلس يقراء ويدور لائحة الاجازات الاستناثئة والمادة عشرين ماطلع بشي قالي مافيه نظام للمرافق انه ياخذ من سنة الا عشر سنوات قلت يابن الحلال اوراقك هذي قديمة ترى فيه انظمة إلحاقية صدرت قبل كم سنة قال هاه! اصبر اصبر وجلس يدقدق على ناس وكل مادق ع واحد اسمعه يقول ان النظام يحق له المهم اقتنع في الاخير بس قالي لازم يوافق شؤون المعلمين قلت خير ان شاءلله بكرة بيوافق وجلست ومن البكرة رحت لمدير شؤون المعلمين ولقيته غايب !!وانا ضارب علشانه 200كم وحصلت السكرتير وعرفني وقالي المدير ماهو جاي اليوم لكن احنا دقينا ع المكتب ورفض!! كيف؟ قالي هذا اللي صار طبعاً انا ماصدقت لاني عارف مدير المكتب والكل يمدحه ومستحيل يكذب علي لكن البلا كله من المدير قت خلاص عطوني اوراقي بروح لمدير التعليم قالي المدير مقفل عليها في المكتب والمفتاح معه واثناء نقاشي مع السكرتير وبعد ماقفلت الدنيا في وجهي طلعلي احد الموظفين واثاريه سامع باللي دار بينا وقالي وشرايك لو تروح لمدير مدير شؤون المعليمن يمكن يفيدك قلت الله يجزاك خير وينه هذا اوصفلي مكتبه ورحت له علمته بالوضع قام من كرسيه الله يجزاه خير وقالي منهو قالك لازم بديل ؟؟؟؟؟؟؟؟ قلت مدير شؤون المعلمين قالي امش معي ورحنا لمكتب مدير شؤون المعلمين وطبعاً ماهو فيه ونادى السكرتير وغسل اشراعه عندي وقالي اكتب الحين عليها موافق وختمها له خله يتسهل ! طلع السكرتير المفتاح من جيبه ! وفتح مكتب المدير وطلع اوراقي وأشر على خانة موافق بدون توفر بديل وختمها لي وعطنيها طبعاً اعتراني شئ من الصمت من هول الصدمة هههه خرجت من عنده وع طول لمدير شؤون الموظفين وكملت إجارءاتها وقالي خلال يومين الى ثلاث توصلك على بريد المدرسة الكلام هذا كان الاثنين الماضي طبعاً موصلي شئ حتى اليوم ودقيت عليهم كلمني موظف حبيب وقالي عندي في النظام مافيه شئ اسمه ثلاث سنوات عندي بس سنه وحده وبنكلم الدعم الفني يفعلون لنا أيقونة من سنه واكثر وان شاءلله خلال اليومين الجايه تكون عندك .
ولا ادري عنه هل هي تصريفه ام انه صادق الله اعلم ننتظر يومين وانشوف واذا أخروني اكثر طلعت للوزارة
مايستفاد من ماذكر أنفاً
اولاً: جهل بعض الموظفين في الانظمة وخصوصاً إذا كان شئ أول مرة يمر عليهم لذلك تجده يصرفك بإي شئ حتى لو كان كذب اهم شئ مايطلع غلطان قدامك لكن انت انشبله
ثانياً: بعض مديري المعلمين فيه (حسد) نعم بكل صراحة والله حسد مايبغاك تروح وانا غلطتي يوم سئلني قالي انت تبي تكمل قلت ايه وقالي بس انتبه لازم توافق عليك الوزارة اول ولا تعبك بيروح بلاش بالله هذي كلمة يقولها واحد المفترض انه يكون داعم لنا ياخي ماعليك في ان شاءلله ماوفقت الوزارة ماني خسران شئ اذا جبت شهادة معي مدام ان الدولة متكفلة بالشئ هذا ولكن ويش اقول بس.
ثالثاً الله يوفقك وتجيب الإجازة ويوفقنا حتى حنا

جالسين ننتظر صاحب الموضوع اش صار عليه