رحلتي بعد يومين ..والاداره رافضه الاجازه ..الحل..

السلام عليكم...

رحلتي يوم الجمعه وادارة التعليم رافضه تعطيني اجازة استثنائيه لمرافقة زوجتي للدراسة بكندا بحجة انه لايوجد بديل وموظف آخر يقول امر المعلم البديل عندي ولكن حجته ان اسماء النقل ماجاءت واخبرته اني تنازلت عن النقل بس اخلو سبيلي واعطوني الاجازه الاستثنائيه
وش اسوي التذاكر صرفت واموري مشيت ماعدا امور الاجازه الاستثنائيه معكسين
وغدا الاربعاء ..مشورتكم
اذهب للرياض للوزارة ولا في اجراءات اخرى
ارجو المساعدة بالرأي السديد

انتو فالليث تابعين لأدارة تعليم مكه ، صح ؟

حاول تتواصل مع الأدارة العامه في منطقتكم أو للوزارة في الرياض

الله يوفقك ويكتب لك مافيه الخير

كان مفروض تضارب معاهم من بدري عشان لا تزنق نفسك

ابغى اعرف الاضمن ادارة مكة ولا وزارة الرياض ؟خصوصا انه مابقي الا يوم الاربعاء اذا ماعطوني اجازه الاستثنائي بتروح عليه البعثه
انا لي يومين احاول فيهم بس الموظفين اتفقو انهم مايعطون

مو على كيفهم

خذ قرار الابتعاث والمادة 20 من نظام الاجازات

هذا من حقك اخوي

اخذت القرار وواطلعو على المادة العشرين
بس المساءلة انهم مابيشتغلون وتعكيسه
وبيعكسون لي لو رجعت لهم بكره
لازم اتواصل مع شخص اعلى رتبة وظيفيه ويكون عادل

الله يفرج همك اخوي ..

جميعاً يارب
ويسهل امورنا ....

الله يعينك ويسهل امورك
وبلغنا ايش صار معك

شوف انا بجاوب من باب اداري بحت .. طبعا من حقهم يرفضون اجازتك لانه النظام خولهم بذلك.. فالاجازة ليست حق مكتسب لك وانما بموافقة جهة عملك..الان لحل مشكلتك عندك خيارين اثنين.. الاول هو رئيسك المباشر ( مدير المدرسه) بحيث يوقع ع طلبك ويشرح عليه بانه لامانع لديه وتاخذ خطاب موافقه منه وبكذا محد له شي عندك.. الخيار الثاني تلجى لصاحب الصلاحيه .. مدير المنطقه.. بحيث تقدم عليه خطاب يتضمن حيثيات الطلب ورغبتك وباذن الله يتفهم ذلك ويوقع على طلبك بالموافقه ويحيل الطلب للمالي والاداري لاستكمال المعامله. هذا الي اشوفه مناسب لك..والوزاره خلها أخر شي

اقتباس:

---

المشاركة الأصلية كتبت بواسطة saudi_magic

حيثيات الطلب

---

جبار يارجال

بعد هالكلمتين بصراحه ،، أنا أعتزل الكتابه في المنتدى