مكتب الطيار في الوزارة + التأمين الطبي
السلآم عليكم أخواني
الحمد لله اليوم رحت للطيار اللي بالوزارة , وعطيته الرحلة اللي ابيها "على الخطوط الإماراتيه"
وخذ مني امر الإركاب , وقال لي انتظر ..
بعد شوي ناداني وعطاني ظرف موجوده فيه التذاكر (ورق A4) يعني مو زي تذاكر الخطوط :s
عطاني ياها ولا قال لي شيء ..
ورجعت البيت , والحين بديت اوسوس مدري هي تذاكر ولا لآ ههههههههههه ؟!!
يعني الحين ما ارسل لآيميلهم اللي بموقع الوزارة شيء ؟!! مافي اجراء ثاني ؟!!
ولا بس كذا :)
...
بالنسبة للتأمين الطبي يا اخوان , ما اعرف عنه اي شيء
هل الوزارة او الملحقية يوفرونه لنا ؟ أو لآزم اسوي تأمين على حسابي ؟!!
رد: مكتب الطيار في الوزارة + التأمين الطبي
مبـــروكـ أخويــا ماشاء الله
انتم السابقون ونحن اللاحقون ان شاء الله
بس بسألك هوا فيه أمر إركاب للتامنة ؟ أنا أعرف انو عادي بالقرار اطلع التزاكر ؟
وبخصوص التأمين كل اللي أعرفو انو بعد ما تفتح ملف في الملحقية ويقبل يرسلولك بطاقة التأمين
موفق بمشيئة الرحمن
رد: مكتب الطيار في الوزارة + التأمين الطبي
ايه اخوي النظام الجديد مافيه طباعة تذاكر القديمة
انا قبل اسبوع رحت لمكتب الخطوط السعودية على طريق خريص ، علشان احجز تذاكر لواحد
وطبع لي اوراق A4 فيها معلومات كاملة عن رحلتك
هذي تعتبر هي التذاكر
تروح للمطار وقت الرحلة وتعطيهم هالاوراق وبسس
وابشرك الي حجزت له ، سافر امس
رد: مكتب الطيار في الوزارة + التأمين الطبي
يعطونك ورقة فيها كذا ابو 4 سطور بس بعدين في نفس اليوم يرسلون لك التذكرة على الإيميل هذا الكلام اللي صار معي
رد: مكتب الطيار في الوزارة + التأمين الطبي
أنا عطوني ورقتين .. وحده فيها كلام قليل .. وكاتبين فيها بخط يدهم بيانات الرحلات و الاوقات وكذا
والثانيه مليانه كلام .. وفيها السعر و معلومات السفر كاملة ~
مدري باقي شيء اسويه أو هذي هي التذاكر ..
يعني أحد نفسي راح للطيار اللي بالوزارة وبنفس اليوم عطوه التذكره ؟!!
-
وبالنسبة للتأمين الطبي ياليت أي احد عنده فكره يقول لنا
رد: مكتب الطيار في الوزارة + التأمين الطبي
التذاكر مطبوعة على اوراق A4 . بالنسبة للتأمين هي شركة Aetna . بالتوفيق
رد: مكتب الطيار في الوزارة + التأمين الطبي
اقتباس:
المشاركة الأصلية كتبت بواسطة م/ابوعبدالعزيز
التذاكر مطبوعة على اوراق A4 . بالنسبة للتأمين هي شركة Aetna . بالتوفيق
يعطيك العافيه أخوي , يعني طبيعي تطلع بنفس اليوم التذاكر ؟!
-
وبالنسبة للتأمين , الملحقية تعطيني ياه أو أنا اكلم الشركه اللي قلت واسوي تأمين على حسابي ؟
- - - مشاركة محدثة - - -
بالنسبة للي يسأل عن امر الاركاب , انا والله سويته كذا من راسي ما سألت إذا هو مطلوب او لآ
رد: مكتب الطيار في الوزارة + التأمين الطبي
اقتباس:
المشاركة الأصلية كتبت بواسطة Hamad_Yahya
يعطيك العافيه أخوي , يعني طبيعي تطلع بنفس اليوم التذاكر ؟!
اي طبيعي . اهم شئ رقم الحجز و هو موجود في التذكرة المطبوعة عشان البوردينغ
وبالنسبة للتأمين , الملحقية تعطيني ياه أو أنا اكلم الشركه اللي قلت واسوي تأمين على حسابي ؟
الملحقية متعاملة مع شركة التأمين و هم راح يفهموك ايش المطلوب . و الغالب انك تكلم الشركة لما توصل هناك و لا تخاف في الشركة ناس يتكلموا عربي و راح يفهموك كل شئ . حتى بعض البنوك يوفروا لك اشخاص يتكلموا عربي لما تطلب منهم .-
بالنسبة للي يسأل عن امر الاركاب , انا والله سويته كذا من راسي ما سألت إذا هو مطلوب او لآ
ما راح يؤثر لأن قرار الابتعاث يكفي لأصدار التذاكر . بالتوفيق