لاتأجيل للبعثة..فيه (تأجيل اصدار قرار الابتعاث)..للي مخطط يسافر متأخر

نفس الاستفسار تقريباً .. انا جايب قبول على شهر خمسة .. وطلعت الفيزا .. واللحين بدأت افكر اجل المسألة لشهر ثمانية ميلادي .. لأن نوعاً ما انسب لي .. بالاضافة ان رمضان بصومه هنا بدل مااصومه متغرب لحالي ..

ودي اطلع قرار الابتعاث عشان احجز لي مكان فعلياً .. بس شايل هم ااجل الموعد لشهر ثمانية .. فيلغى قرار الابتعاث لأن مدته ثلاث اشهر ..

وودي اطلع بشهر ثمانية واخاف وقتها تتكدس المعاهد اذا اجلت قرار الابتعاث ..

هل اطلع قرار ابتعاث اللحين وبعدها اعدل عليه لو حبيت .. ولو حبيت اطلع اطلع .. ولا انتظر ؟.

نفس الحالة
ياليت احد يفيدنا
انا من المرحلة السابعة ولم اعلم بذلك الا بعد ما بدأت المرحلة الثامنة وبعد مطالباتي بأسباب عدم قبولي في المرحلة الثامنة
تبين اني مسجلة في المرحلة السابعة
وما اقدر اعتذر عن السفرة المرة دي
لاني رح اتجاوز العمر المطلوب عند بدأ المرحلة التاسعة
المهم اني افرق عن الاخت بإني اصدرت الفيزا ومعايا قبول لكن امور زوجي لم تتماشى مع الظروف
لما سألت في المنتديات قالولي ممكن انك تطلعي وتأجلي من هناك
وبعضهم قال لا أخري قرار الابتعاث من هنا بأسباب قوية جدا غير عمل المحرم
وانا احتاج تقريبا سنة فقط واموري تضبط بإذن الرحمن
قرأت موضوعكم وواضح ان فيه اهل خبرة يفيدوني في ذلك
في انتظار مشورتكم

للررررررررررررررررررررررفع

طيب شي طبيعي إذآ إنتي حضرتي آلملتقيآت ودخل إسمك ضمن قآعدة آلبيآنآت وصرتي مرشحه ,, مآتدخلي بأي مرحله قآدمه .. ولكن أللي بمثل حآلتكـ ..
يعتبر هذآ حق مشروع لكـ ومستحيل أحد يسحبه منكـ كونكـ مشرحه من آلمرحله آلسآبعه ..
متى يسقط إسمك وتقدمي على آلمرآحل آلقآدمه .. إذآ طلبتي بنفسكـ منهم لجل يسقط إسمك من آلنظآم بس في هآلحآله وش يضمنكـ إنهم مآيسوون لكـ مشكله بآلمستقبل !!
ويقول لكـ إسمكـ مآزآل بآلنظآم !! يمكن إسمك مآيطلع أبدآ .. آلوآحد مآيثق بأي شي من هآلوزآرهـ ..

جهزي أموركـ وكل شي .. من قبول ومن فيز وكل الأمور وبعدين توكلي على آلله وإذآ رحتي للوزآرهـ بيقولكـ إنتي ضمن آلمرحله آلسآبعه ولآزم تجيبي عذر بآلتأجيل ..
لآ تصدقي آلكلآم وتشيلي هم ,, حآولي تدبري آلموضوع من عندكـ ..
لأن يوم رحت لهم وكآن آلمفروض إن أختي تروح من سنه ونص قآل لآزم تكتب عذر وتقدمه إلى آللجنه !! قلت ترى أنآ جيت قبل فترهـ لنفس هآلمكآن وآحد من زملآئكـ قآل رح طلع فيزتكـ وتعآل
قدم وخذ قرآر الإبتعآث ..
وفعلآ ,, مشت على آلموظف وخلص كل أموري بنفس آليوم ولله آلحمد ..

دآئمآ وأبدآ أقول إن كلآم آلوزآرهـ إنه لآزم تروحوآ بآلشهر آلفلآني وإلآ رح نلغي بعثتكـ .. ترى كلآم كل سنه يقولونه لجل يصرفون أكبر عدد من آلطلآب ..
لآزم تعرفي إن هذآ شي من حقكـ .. ترى أعرف نآس من آلمرحله آلسآدسه توهم أللي يوصلون لأمريكآ ..
إنتي أهم شي أدخلي على موقع وزآرة آلتعليم آلعآلي وأدخلي على برنآمج آلمرحله آلسآبعه وشوفي إيش مكتوب عندكـ ,,

أمآ تكلفي على نفسكـ وتطلعي لأمريكآ وتأجلي وترجعي .. وآلله حرآم .. دآم وصلتي خلآص كملي مو تأجلي !!
آلفرصه مآزآلت لكـ إلى آلآن طآلمآ مآ أخذتي قرآر إبتعآث ..
بس عجلي بأمركـ لجل مآيمر كثير على عدم ذهآبكـ لدولة آلإبتعآث ..
وكلآمي لآ تآخذي فيه بإنه آلعلم الأكيد .. بآلعكس أنآ إجتهدت وأعطيتكـ أللي شفته من خبرتي آلسآبقه ..

في شي إلى آلآن يمكن مآوضحت فكرته لكـ ,, ترى إنتي تعتبري مرشحه إلى آلآن مو مبتعثه ..
متى تصيري مبتعثه ؟!
إذآ أصدرتي قرآر إبتعآث صرتي مبتعثه وفعلآ تأجلي وفيهآ لجنه وأمور كثير لأنكـ أصدرتي قرآر إبتعآث ..
لكن طآلمآ مآ أصدرتيه إلى آلآن .. أموركـ إن شآء الله تمآم بس لآزم تعجلي شوي بأمركـ ..

وآلله يسهل لكـ أمركـ وأمرنآ ..

انا شخصيا من المرحلة السابعة استلمت الضمان المالي ولا معايا قبول لغه ولا غيره
وقفت اموري ارسلت من شهر قالوا لي كملي اجراءاتك وادوني خبر ان الضمان المالي موقف
ومع ذالك ماتيسرت اموري ومابطلع قريب دامت ماصدرت قرار ابتعاث امورك اسهل نوعا ما
دعواتكم تتيسر

كلام جميل
مشكور اخوي جزاك الله الف خير
بس لو طلبو مني عذر اش اقولهم
ولا اسوي نفسك وتمشي عليهم

السلام عليكم

أود أن أشكر أخي عبد الرؤوف على المشاركة الجيدة, واللي أكدت معلوماتي.

حابب أنوه عن نقطة معينة, قمت بزيارة وزارة التعليم العالي للابتعاث بشارع العليا بالرياض خلال شهر مايو أو أبريل من عام 2013 ميلادي.
وكنت أحاول في تأجيل موعد ابتعاثي من العام الحالي إلى العام القادم لظروف شخصية.
وكنت أحاول القيام بذلك بمسائلة الذين يعملون هناك, ووجهوني للدكتور ماجد الحربي (اذا ما خاب ظني بصحة بالاسم).
وجلست مع الدكتور أستوضح النقاط, وقال لي مثل ما قال الأخ عبد الرؤوف بالضبط, ولمساعدة ما يقوله الأخ عبد الرؤوف أن برنامج الملك عبد الله للابتعاث يقوموا بتحديد ميزانية يعتمد على السنة المالية للحكومة (الله أعلم هل هي سنة مالية هجرية أم ميلادية) والله أعلم اذا كان كلامي أكيد أم لا.
فلهذه الأسباب يتم محاولة ابتعاث قدر الممكن من الطلاب خلال أول 9 شهور.

وقد سألت الدكتور: اذا لا يمكنني تأجيل البعثة, ماذا أفعل؟ هل أقوم بإلغاء تقديمي\حالتي كمرشح على المرحلة الثامنه, وأقوم بالتقديم مرة أخرى على المرحلة التاسعة؟
قال لي: بالنسبة لإلغاء تقديمك على المرحلة الثامنه وتقديمك على المرحلة التاسعة شيء يعود لك, وأنت تتحمل مسؤولية هل سوف يتم قبولك للمرحلة التاسعة أم لا, لأنه من ممكن يتم تغيير الشروط التقديم, وحالياً لا توجد شروط التقديم على المرحلة التاسعة, فلا يمكنني أن أفيدك, ولكن اذا كان وضعك الشخصي مستعصي, فحاول أن تخلص أمورك خلال الـ6 شهور القادمة, وأن تصدر قرار ابتعاثك في أخر 3 شهور, وأن تترك البلد على ديسمبر 2013 أو يناير 2014, حيث أن يجب على الطالب بعد اصدار قرار ابتعاثه الخروج من السعودية خلال الثلاثة شهور.
وقد وجدت ما أقترحه مفيد جداً لحالتي, وحالياً أنا أعمل على هذا الأساس, وان شاء الله سوف أصدر قرار ابتعاثي خلال شهر أكتوبر 2013,

والله يوفق الجميع ويسهل

الله جيزاك خير والله يوفقك ويسهل امرك وكتب لك الخير ويزيل عنك الظروف

تأكيداً لكل الكلام هذا احد الاخوان من المرحلة ((السابعة)) لسا في نهاية اوغست 2013 طلع قرار ابتعاثة..

السلام عليكم
انا من المرحلة الثامنة ولسى ماطلعت واستخرجت الفيزا بس ما أصدرت قرار الإبتعاث وحابة أأجل دراستي لبعد 8 شهور بس خايفة مايعطوني ضمان مالي جديد !! زي ماسوو معايا بالمرحلة الخامسة

ايش اسوي؟؟