مشورتكم يالدفعه الثامنه..
السلام عليكم اخواني خواتي
اناا ابي مشورتكم فيذا المضوع اللي غاااااثن وجايبلي الكئابه :(
الزبده انا تخرجت من الثنوية العام وقايلتن لابوي بروح بعثه بس عياا حاولت منا مناك وماقدر الله لي هذي البعثه
المهم اني دخلت جامعة عبدالعزيز ومااابراسي دراسة على امل ااني اروح بعثة السنة الجاية المهم وتو نزلت درجاتي وعندي رسوب يعني لزوم اخذ ترم صيفي :(
الزبده مااادري وش السواة انا بموووووت واروح ادرس براا ماتتخيلون كيف ف ما اعرف اسحب ملفي من الحين عشان حتى ولو مارحت السنة الجاية ابتعاث على الاقل يمدي اقدم على الجامعه وابدأ من جديد
لان اللي ساحب ملفه من الجامعة ويبي يسجل من جديد ضروري يكون ساحب ملفه قبل التقديم ب3 شهور
ولا اكمل الترم الثاني واسوي اني مصدومه بدرجاتي وافلم على ابوي ان درجاتي ماتسمح ادخل تخصص زين ومابي ترم صيفي ومناحه ومن ذا الكلام :( !!
محتاااره ساعدوووني يجزاكم الجنه :(
رد: مشورتكم يالدفعه الثامنه..
يااختي والله الغربة ماهي سهلة انا جربتها بداخل المملكة وتعبت واللحين الله يعيني عالخارج :(
انا اقول كملي البكالوريوس هنا عندنا تخصصات كثيرة والماستر خذيه من بره
واللي اعرفه انه الابتعاث للبكالوريوس فقط للعلوم الصحية
استخيري والله يوفقك يارب
رد: مشورتكم يالدفعه الثامنه..
إنتي بالثانوي تخصصتي علمي ؟
كم درجاتك ( النسبة + القدرات + التحصيلي ) ؟
عندك محرم فاضي يروح معك ؟
يا حبيبتي أشياء كثير نبيها تصير بس بالأول ندرس الموضوع و نشوف المعطيات
هل ممكن الشي اللي نبيه يصير ؟
أو نصرف النظر و نفكر و نخطط لشي ثاني
من ضمن الخطط يا حبيبتي لو ما صار لك ابتعاث بكالوريوس
تكملين في جامعتك و تشدين حيلك و الابتعاث تخلينه للماستر
الله يكتب لك الخير و نصيحة لا تهملين دراستك ، دامك مو ضامنه شي للحين
رد: مشورتكم يالدفعه الثامنه..
و الله اخواتي الافاضل كفوو ووفو صراحة ..
انا رأي من رأي الاخت الفاضلة ( طالبة علم ) انو تأخذين البكالوريوس
من هنا و الماسسستر من بره يكون منها كبرتي شوي ويعني اهلك يوافقون ..
وترى الغربة جد زي ما ذكرو اخواتي صعبة ترى موب بالامر السهل وعلى قولتهم
( الغربة كربه )
و لك حرية الاختيار .. موفقين جميعا ي رب ..
رد: مشورتكم يالدفعه الثامنه..
شوفي اختي استخيري واذا التخصص كويس كملي فيه ولاتنسين في شروط للابتعاث
وتر الغربه مو سهله انا داخل المملكه واكلت تراب وفي ناس اعرفهم ومن اهلي كيف لو برى
لا تفلمين على ابوك وخلك صادقه انا سجلت في جامعه فيها ومتوقعه100٪ مايقبلوني وقبلوني وزعلت وقلت لابوي مابي ادرس وسويت مناحات وقررت لو درسة فيها بتدرسني ماستر على حسابك وقدر الله وفتحو تخصص جديد ودخلته وتخرجت والحين بدرس ماستر بتخصص اداري وانا اول كنت ابي اعلام بس الحين احب تخصصي الاقتصاد ولو يرجع الزمن بختاره
لكن الواحد لما يكبر تتوسع مداركه ويتغير تفكيره
فاافضل لا تتسرعين الامر ابدا مو سهل وربي بيسر لك امورك ماتدرين وين الخيره بس شدي حيلك
رد: مشورتكم يالدفعه الثامنه..
عسى ان تكرهو شئا وهو خير لكم أختي أنا أشوف انك تكملي بكالريوس في جامعتك وحاولي تشدي حيلك وتجيبي معدل عالي عشان يقبلوكي في البرنامج
واستشيري واسالي وبعدين استخيري والي ربي كاتبه لك بيسير
تقبلي مروري