الأعضاء الإشتراك و التسجيل

الملتقيات
ADs

تجمع "مبتعثات" المرحلة الثامنة إلى الـيـابـان ~!

تجمع "مبتعثات" المرحلة الثامنة إلى الـيـابـان ~!


NOTICE

تنبيه: هذا الموضوع قديم. تم طرحه قبل 1834 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة مهندس مكانيكي
    طيب كيف احول على اليابان بطلت من امريكا ؟
    آخوي مهندس انا اوافق كلام أختي نونآ
    لا تحول على اليابان الا اذا انت من جد ودك تروح اليابان عشان ماتتعب
    بس عموماً الدراسه في اليابان جداً رآئعه
    خصوصاً قسم الهندسه يعتبر مجال جيد جداً في اليابان
    وكثير من المبتعثين لليابان في اقسام هندسيه

    بالنسبه للتحويل
    ماعندي فكره اذا يمديك تحول هـ الفتره أو لا
    لان احنا خلاص الملحقية ارسلوا لنا الاوراق الا نحتاج نعبيها عشان يجيبوا لنا قبول المعهد
    واحنا بدورنا عبيناها وخلاص ارسلناها لهم وقاعدين ننتظر القبول

    يعني لو حولت مدري الملحقيه راح تجيب لك القبول معانا ولا كيف يكون الوضع ما ادري
    اذا حاب اتفضل عندك هذا ايميل الاستاذه علياء الوداعي

    awade@mohe.gov.sa

    هذي الا ساعدتني الله يعطيها العافيه ايام ما حولت الدوله
    اسألها اذا فيه مجال تحول الدوله او لا
    وانه اذا كان فيه مجال هل يحتاج انك ترفع خطاب او لا
    اذا قالتلك ينفع تحول بس تحتاج خطاب وكدا قولي عشان اقولك شو تسوي

    اذا حاب كمان تسأل الملحقيه اذا حولت كيف يكون وضعك معاهم
    اتفضل عندك هـ الايميلين ممكن تتواصل معاهم

    students@saudiculture.jp
    kobayashi@saudiculture.jp


    واذا احتجت اي حاجه زياده انا حاضره
    7 "
  2. طيب ميرو دامك بكالوريوس لغه انجليزيه ليش اخترتي اليابان؟؟ ماكان يمديك تجيبي قبول ماستر لغويات او توسل ب امريكا.. عموما انا عاشرت اليابانيين لما كنت بنيوزليندا.. شعب راقي جدا هم والكوريين.. حبوبين واذكياء وحقين دراسه.. الله يوفقك يارب مع اني احس ان اليابان تنفع للتخصصات الهندسيه فقط..
    7 "
  3. اليابان من اول في راسي صراحة وجامعتها مرة قوية في الدارسة وخاصة في الهندسة الميكانيكية انا باخذ شوركم في الموضوع

    انا قلت لنفسي ادرس اللغة في امريكا و الماستر والدكتوراة ان شاء اللة في اليابان ولا اروح الوزارة احول على اليابان لانو لسة دوبو وصلني قبول المعهد ؟
    7 "
  4. المشاركة الأصلية كتبت بواسطة saudi_magic
    طيب ميرو دامك بكالوريوس لغه انجليزيه ليش اخترتي اليابان؟؟ ماكان يمديك تجيبي قبول ماستر لغويات او توسل ب امريكا.. عموما انا عاشرت اليابانيين لما كنت بنيوزليندا.. شعب راقي جدا هم والكوريين.. حبوبين واذكياء وحقين دراسه.. الله يوفقك يارب مع اني احس ان اليابان تنفع للتخصصات الهندسيه فقط..
    والله بصراحه في البدايه رشحوني على امريكا عشان تخصصي ماهو متوافق مع التسويق
    بس اتبهذلت بهذله الى ماحولت لاني ماكنت ابغى امريكا

    وفيه اكثر من سبب خلاني اختار اليابان
    اهمها اني اعشقها واعشق اهلها ومن زمان حلمي اروح ادرس هناك
    تانياً الملحقيه تعاملها جداً راقي هناك وتساعد الطلاب مرررره
    وخاصة ان عدد الطلاب قليل على مدى السنوات فـ الملحقيه تقدر تنتبه عليهم كلهم وتساعدهم دايماً
    وهذا الشي انا ابغاه انو قلة عدد المبتعثين فيها واهتمام الملحقيه وتعاونها
    غير كدا لنا معارف هناك وكدا

    كمان الاجرائات اسهل فيما يتعلق بخصوص اليابان
    خلاص الملحقيه هيا الا تتكفل بالقبول واشياء كتيره
    احنا بس علينا نستنى تعليماتهم وننفذها <~ مدلعيين :P

    كمان الشعب! الشعب! الشعب!
    اهم شي عندي الشعب وتعاملهم
    فرررق كبييير بين شعب امريكا وشعب دول شرق آسيا عموماً
    امريكا للاسف كل مالو تعامل شعبهم يتدنى مو بس مع المسلمين او العرب
    حتى بينهم وبين نفسهم .. صح مو كلهم كدا بس اغلبيتهم

    المهم
    بالنسبه للقسم
    انا عارفه انو الاقسام المكانيكيه هي احسن شي في اليابان
    لاكن مايمنع الاقسام التانيه تكون جيده ع الاقل
    انا لقيت قسم تابع لتخصصي وهو اللغويات الحاسوبيه
    وباين من اسمه انه لغويات + حاسب
    وقرأت عن دراسته في اليابان ولقيت انه دراسته جداً جيده عندهم
    ولقيت التخصص دا في اكثر من 10 جامعات معتمده من الوزاره
    7 "
  5. المشاركة الأصلية كتبت بواسطة مهندس مكانيكي
    اليابان من اول في راسي صراحة وجامعتها مرة قوية في الدارسة وخاصة في الهندسة الميكانيكية انا باخذ شوركم في الموضوع

    انا قلت لنفسي ادرس اللغة في امريكا و الماستر والدكتوراة ان شاء اللة في اليابان ولا اروح الوزارة احول على اليابان لانو لسة دوبو وصلني قبول المعهد ؟
    والله يا آخوي هذآ يعتمد عليك
    انت لازم انت تفكر وتستخير وتقرر

    عموماً انا راح اعطيك كم معلومه ممكن تساعدك شوي
    اول شي بالنسبه للتحويل الا اعرفه ان التحويل قبل السفر او بالتحديد قبل اصدار قرار الابتعاث
    اسهل بكثير من التحويل بعد اصدار القرار والسفر
    خصوصاً انك اذا تبغى تحول بعد ماتدرس اللغه في امريكا مثلاً
    لازم انك تكون جبت قبول جامعه من اليابان
    وجامعات اليابان لمن تحاول تجيب قبول منها غالباً يطلبوا منك اختبار بسيط ( يختلف ايش هو الاختبار من جامعه لجامعه )
    او مقابله شخصيه او الاثنين سوا
    فـ اعتقد حيكون شويه صعب تجيب قبول من جامعه في اليابان وانت في امريكا

    شي تاني
    هو مررره مررره حلو انك تتعلم انقلش في امريكا لان تواجدك بين اهلها والبيئه المحيطه بك ناس يتكلموا انقلش
    هذا راح يخلي تعلمك لـ اللغه احسن وافضل مررره
    بس طبيعي اذا اخدت اللغه في امريكا بعدين قدرت تحول ماراح تقدر تاخد لغه يابانيه في معهد
    ودا الشي مو ضروري مره اذا مالك اهتمام انك تتعلم ياباني
    فيه حل ممكن تاخد بيه لغه الا هو وانت في الجامعه
    اغلب الجامعات اليابانيه على حسب الا اعرفه ممكن تقدم لك كورسات لغه لو انت حاب ( وهذا يرجع لكثرة الاجانب الا يدرسوا عندهم )
    بس المشكله وقتها انك تكون بتاخد اللغه بالاضافه الى موادك الا في الجامعه
    فـ راح يسير ضغط عليك

    فـ شوف انت على حسب ايش تبغى
    اذا عندك انقلش وخلفيتك عنه لا بأس بها ونفسك تاخد اللغه اليابانيه انصحك تحول من دحين
    اما اذا الانقلش حقك مو قد كدا وحابب تقويه واللغه اليابانيه مو هامتك كتير
    خليك على امريكا وبعدين حاول انك تحول

    ان شا الله اكون افدتك
    وربنا ان شا الله يكتبلك كل خير في اي قرار تقرره

    اي حاجه تحتاج تسأل عنها تاني
    انا حاضره وحساعد باللي اقدر عليه
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.