الأعضاء الإشتراك و التسجيل

الملتقيات
ADs

الشامل الجامل في كل مايخص السكن عند عائلة

الشامل الجامل في كل مايخص السكن عند عائلة


NOTICE

تنبيه: هذا الموضوع قديم. تم طرحه قبل 1834 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. اهلا اخوي انا باسدح لكم تجربتي لعل البعض يستفيد
    أنا تقريبا الان لي شهر في امريكا و الحمد لله بدأت دراسة و أموري طيبة علم اني ساكن مع عائلة و المعهد هو اللي نسق لي السكن و بعد كدا انا تواصلت مع الشخص اللي ساكن عنده بالايميل و استقبلني بالمطار ووو .
    المهم في مميزات و في عيوب للسكن مع العائلة بحاول اختصرها لكم : اولا المميزات :
    اولا التوفير المادي : يعني تخيلوا ما صرفت اكثر من 100 دولار طول هذا الشهر باستثناء الايجار 750 دولار بس شامل السكن بغرفة خاصة و حمام الله يكرمكم و الاكل و الشرب و النت و الكهرباء و المويه و يوصلوني بسياراتهم للمعهد و ياخذوني كمان . علما ان العائلة مكونة من دكتور في الجامعة و زوجته مدرسة متقاعدة و كل واحد فيهم معاه سيارة وغالبا الرجال يوصلني المعهد و المرأة تجي تاخذني .
    ثانيا : توفير عناء البحث و التسهيل في الحصول على الخدمات: خاصة للي مثلي راح لمدينة ما يعرف احد فيها يعني تخيل اني سكنت بسكن ايجار كيف افتح حساب و الجوال و النت وووو كان دفعت اكثر من 500 دولار في اسبوعين , ينما سكن العائلة غالبا يفكك من الفلم هذا مجرد تقله ابغا افتح بنك يشغل السيارة و مشينا , وطبعا الجوال بقالة عربية ووو تقدر تستفسر و يوصلك ببلاش.
    ثالثا : ممارسة اللغة : طبعا لما تسكن مع عائلة حتى لو لغتك ضعيفة من كثر ما تسمعهم يتكلموا شوية شوية تتعلم كلنا نشوف الشغالات عندنا في السعودية يجو ما يعرفوا شي وبدون معهد ودراسة بعد سنة لو تسألها عن شجرة العائلة تجاوبك خخخ
    رابعا : اذا كانت عائلتك حبوبة مثل عائلتي هههههه ياخذوك معاهم بيت ولدهم وتشوف بزرانهم كيف يتكلموا و تاخذ وتعطي معاهم و تكذب عليهم هههه , حفلة , كنيسة اي مكان و راح تلقى فرصة كبيرة انك تتعرف على الثقافات الاخرى وتتمشى و تشوف الناس كيف تعيش <<<<< لا يجيني واحد مطفي النور يقلي كنيسة حرام وما ادري ايش انا ما راح اقلب مسيحي و لو روحت وانا قلبي اكيد مطمئن بس لغرض معرفة الاعتقادات الاخرى ما فيها شي ومن يدري يمكن اقلب مسيحي هههههههههه <<<< لاحد يصدق الحمد لله على نعمة الاسلام بالعكس اللي ساكن عنده من قبل لا اجي قال لي في مسجد في المدينة و اذا تحب اوصلك يوم الجمعة وما قصر الاسبوع اللي راح وصلني المسجد و رجع اخذني بعد ساعة وشوية يعني الرجال منفتح
    خامسا : الاكل موجود في البيت و تقدر تقله ابغا اروح سوبر ماركت او تبحث عن بقالة عربية و تشيل اللي يناسبك والبيت جاهز اغراض مطبخ و فاكهة خضروات يعني ما راح تلاقي صعوبة في الاكل عكس لو كنت لوحدك .
    هذه تقريبا اهم المميزات اللي الى الان انا شايفها في سكن العائلة , نجي للعيوب اللي لاحظتها في الفترة هذه :
    1- الكلاب اللي يعزكم وما ادراك ما الكلاب هههههه عندنا في البيت كلبين كيوووت ههههههه يعني صغار بس تعرفوا موقفنا الديني من الكلاب و انها نجسة بالذات لسانها وووو فممكن بعض الناس ما يقدروا يتكيفوا مع هذا الوضع <<< جننوني انا اللي عندنا اول ما ادخل البيت يجي ينقزوا عليا مسوين اصحابي خخخ , و العجيب الغريب ان المرأة تنايهم boys يعني اولاد و يناموا معاهم في السرير و كل يوم الصباح تسوي لهم فطور ووووو شي لو ارجع اوصفوا لاقاربي في السعودية و الله ما يصدقوا خخخ
    2- انت وحظك لانه مش كل العوائل تتعامل معاك بلطف يعني الشغلة حظ فإنت وحماتك اذا تحبك يطلعوا زي عائلتي و اذا ما تحبك غير زوجة المستقبل هههههههه <<< ما عندي حماة
    3- مشكلة الحمام الله يكرمكم للي ما يدري الشعب هنا ما يستخدم المويه في الحمام ولا تسألوني كيف يتنظفوا ؟! فهذه نصيحة كل واحد يجي هنا يخلي معاه بشنطته علبة مويه ابو ريال فاضية يسير لو احتاج حمام يعبيها مويه و يشوف شغله <<<<< من جد اتكلم وما امزح
    4- نجي للمطاوعة هههههه و الله في شغلة التعامل و الحفلات ووو هذا ايضا شي يختلف من عائلة لعائلة يعني الحمد لله عائلتي مسيح مطاوعة ههههههههه يعني ما يشربوا خمر و الكنيسة شي رسمي كل احد و الاخ ناشب معاهم <<<<< قايل لكم بيقلب مسيحي ههههههههه , وما في حفلات وو , وهذه تختلف و برضو حسب حماتك ههههه
    الخلاصة : انا مع السكن مع العائلة في الاشهر الاولى لانه بتتعلم شغلات و تفهم اشياء اذا ما سكنت معاهم طول عمرك ما تعرفها و هيا فرصة وحدة بالعمر خاصة للشباب العزوبية <<< يسقط المتزوجون ثورة ثورة هههههههه , اشوف انه الغالب يقدر يتكيف مع اي وضع اما البنات لا تعليق كل وحدة تعرف نفسها وانا ما اشوف مشكلة لو البنت بتسكن مع عائلة اهم شي هيا مقتنعة وواثقة من نفسها و تعبت وانا اكتب و راح اضيف الرد بدون مراجعة يعني لو في غلط مشوها انتم كرام وانا استاهل و ان شاء الله تستفيدوا .
    شطحة : ترى عادي ان المنتخب خرج من دورة الخليج اساسا نحن ما ما نحب نفوز على هذه الفرق الضعيفة جيبوا لنا الارجنتين والا بلاش <<<<< من أهيط ما كتبت ههههههه سلام
    7 "
  2. [QUOTE=طالب يوتا;1062217341]في اي ولايه اخوي انت ؟؟ Eng.vip

    لعلى و عسى نزورك و تزورنا في قادم الايام[/QU OTE]

    شكل في واحد بيروح ضحية موضوع يا مهندس vip . انا راح اكتب موضوع عن السكن لأن لي خبره لاكثر من 3 شهور انشاء الله قريب .
    7 "
  3. [QUOTE=م/ابوعبدالعزيز;1062217350]
    المشاركة الأصلية كتبت بواسطة طالب يوتا
    في اي ولايه اخوي انت ؟؟ Eng.vip

    لعلى و عسى نزورك و تزورنا في قادم الايام[/QU OTE]

    شكل في واحد بيروح ضحية موضوع يا مهندس vip . انا راح اكتب موضوع عن السكن لأن لي خبره لاكثر من 3 شهور انشاء الله قريب .
    ههههه ليش والله شكل حماتك ما تحبك وعائلتك مطلعة قرون في رأسك ههههههه
    ارجع و اقول الشباب العزوبية غالبا لهم قدرة على التكيف مع اي وضع و البعثة مرة وحدة و تجلس تهايط على عيال عيال عيالك <<<<<< كم سنة بتعيش كلها 60 - 70 سنة ورحمة ربي كبيرة و كلنا في جنة صدق عند مليك مقتدر
    7 "
  4. السلام عليكم و زي ما وعدتكم اني بنزل موضوع عن السكن و لكن هناك قواعد لازم انك تتنتبه لها عند البحث عن سكن مع عائلة :
    1-السعر :
    السعر من اهم النقاط لانك قد تنخدع بالمبالغ الي تطلبها بعض العائلات و تبدأ من 600 $ و قد تصل الى 1400$ و لكن في بعض الاحيان سكن عند عائلة بي 1000 $ افضل من عائلة بي 600 $ دولار و راح اقول لك ليش :
    - بعض العائلات يشمل سعر السكن وجبه او اثنتين ( الفطور و الغداء و العشاء ) و بعض العائلات بعض الخفائف في و قت العصريه . فلو حسبنا ان الوجبه الواحده تكلف في اليوم على اقل تقدير 10$ هذا يعني 30$ يومياً و في (4 اسابيع ) اكثر من 800 $
    -مدة السكن و الغالبيه من العائلات تحسب السكن على مده 4 اسابيع =28 يوم . لذلك لا تقول باقي يومين او ثلاثه على الشهر
    -سعر التأمين و يبدأ من 200$ الى ما شاء الله و هذا يعتمد على العائلات لأن هذا المبلغ يدفع لتأمين على الاثاث و لو كسرت شئ او حاجه مفقودة يستقطع من مبلغ التأمين و يدفع مع ايجار اول شهر
    -سعر التوصيل من المطار و في العاده يكون 40 $ و اذا عائلتك طيبه ما تأخذ عليك شئ و بصراحه الاسعار هذي قليله مقارنه بالتكاسي عن المطار فأدفع و انت مغمض احسن لك و الملاحظ ان المعاهد لما تعطيك خدمه التوصيل من المطار يأخذ عليك اكثر من العائله و التاكسي فكن ذر
    - بعض العائلات تعرض عليك خدمة الغسيل و هذي تكون في نهائيه الاسبوع و هذي من اكبر الميزات لأن الغسيل ليس مكلف و لكن متعب .

    2-المسافة :
    -من المهم انك تعرف عنوان معهدك ,و من خلال خرائط قوقل تقدر تعرف اي يقع موقع المعهد و هنا النقطة المهمه لأن لا تستطيع البحث عن سكن اذا كنت لا تعرف اين يقع معهدك في المدينه
    -هناك خدمه في خرائط قوقل من خلالها تقدر تعرف المسافة بين المنزل و المعهد و كم تأخذ مشي او بدراجة و الباص و لو كان عندك سياره و يطلع لك كم الوقت اللازم لكل و سيله .
    -عند مراسله العائله اطلب منهم العنوان عشان تشوف طريقك عن طريق خرائط قوقل و لا تتحرج من هذا الشئ . لأن بعض العوائل تقول لك نحن قريباً من معهدك و لما تبحث تجد ان المنزل يبعد عن المعهد مسافة ساعة بالحافلة !!!
    -المواصلات مهمه و في الدول المتقدمه لا تعتبر مشكله و انما الوقت يهمك لأن مطالب ان تخلص اللغة في خلال سنه و احده و ان تحتاج كل دقيقه .

    3-افراد العائله :
    -يفضل ان يكون افراد العائله متوسطي العمر بين 25-45 سنه . لأنهم ناس منفتحه و تحاول تعلمك و طويله بال
    -تأكد ان لا يكون للعائله مراهقين و يفضل لو يكونوا صغار سن , و لكن لا تصير خبل و تمزح معاه بزيادة و تروح قضيه تحرش جنسي لا سمح الله .
    -ابعد عن العوائل الاسيويه او المكسيكيه لان همهم الفلوس و ايضاً العوائل من ذوي البشره السمراء و هذا الشئ لا يعمم و لكن حاول بقدر الامكان تجنبهم .
    -الكلب عزكم الله من افراد العائله و ايضاً القطط , و انا افضل انك تتجنب هذي العوائل لأن الحيوانات في البيت تمشي و تشم و تلحس كل شئ و لا تجي بكره تقول جاني انفلونزا الكلاب ههههههههههههه .

    3-البيت :
    -البيوت الموجوده في مناطق راقيه افضل و تكون قريب منها المكتبات و الاسواق و الجيم و قليلة المشاكل .
    -نوع السكن مفرد او مشترك و كذالك دورة المياه لك انت بحالك او مشتركه و بعص العائلات تشترط عليك 10 دقايق في اليوم بس .
    -هل الغرفة مؤثثه و ايش نوع الاثاث و هل البطانيات و الشراشف جديده او مستخدمه
    -بعض العائلات تسمح لك بأستخدام المطبخ و نصيحه لا تتلقف في الثلاجة لأن ثلاجاتهم مقدسه . مو زينا اي شئ في الثلاجه حلال لمن اكتشفه اولاً

    نصائح عامه :
    -دائماً لما تراسل عائله و ترد عليك , لا ترسل ايميل جديد و انما كمل على نفس الرساله عشان تحتفظ بجميع المرسلات .
    -اذا معاك احد في المدينه يفضل انك تطلب من العائله تعطيك رقم تلفون البيت عشان يتصل عليهم و يتأكد لك منهم عن بعض الامور بما انه هناك .
    -كن صديق العائله عشان تترتاح و لا تدخل معاهم في صراعات لأنك مو في بيت ابوك الله يعزه و خليك حبيب و متساهل و لا تفرد السبحه مره
    -راسل العائلات قدام شهرين من وصولك و حاول تقلص خياراتك الى الافضل .
    -بعض العائلات تطلبك انك تدفع مبلغ مقدم عشان تحجز السكن و غالباً بي PayPal و لكن حاول تتفق معهم على ان المبلغ يكون قليل يعني في حدود 500 $ لان العائلة الي مراسلها خذ الموقع 35$ على 900 $ .
    -بعض العائلات لها حساب على القيس بوك اطلبه عشان تشوف ردود الطلاب السابقة و من اجوبتهم راح تعرف معدن العائله الكريمه .
    -بعض العائلات لها اكثر من 10 سنوات تستقبل الطلاب و انا اعتقد ان هذي العائلات افضل لأن تكون عندهم خبره افضل .
    -بعض المدن صغيره و تكون فيها عدد العائلات قليله و هنا لازم توصل هناك و تشوف و لكن الله يعينك على الفنادق و انا انصحك بالموتيل لان اسعاره تقارب نصف اسعار الفنادق .
    -موفع Homestay من افضل المواقع و لكن عيبه انه قديم و لكن لا يزال مفيد .
    -اذا كنت مدخن قد تجد صعوبه في البحث .
    -انتبه لأن بعض العائلات تفضل الاناث على الذكور لأنهم انظف و بعض المرات تكون المربيه للاطفال عندما يكونوا الولدين خارج المنزل فأذا انت ولد ما منك فيده و هذي العوائل الي غالباً تكون مكونه من اب و ام و كم طفل .
    -و اخيراً و ليس اخراً لا تدخل مع العائلات في حوارات دينيه و لا تنخدع برفق المعامله لان بعضه هو دعوه لدين بحسن المعامله و كلما رأوا انك انسان ملتزم حاولوا ينصحوك فقل لهم لكم دينكم و لي دين .


    اتنمنى اني ما نسيت شئ و لكن اذا تذكرت شئ راح اكتبه وفي الاخير ان اخطأت فمني و من الشيطان و ان اصبت فبتوفيق الله . لا تنسوا بدعاء .

    اخوكم : ابو عبدالعزيز
    7 "
2 من 5 صفحة 2 من 5 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.