موعدي في السفاره وقلقانه احس كل شي حوسه
السلام عليكم ورحمة الله وبركاته
انا موعدي في السفاره يوم الاربعاء باذن الله لكن قلقانه من كم شغله
ياليت تفيدوني بخصوصها
اول شي الورق اللي اخذته معي
1 / ورقة تاكيد الطلب اللي طبعتها من موقع السفاره بعد ماعبيت الابليكشن اللي فيها صورتي والباركود
2 / الورقه ىللي شريت فيها الرقم الشخصي لما حجزت الموعد
3/ورقة تاكيد الموعد
4/ جواز السفر الحالي وصوره منه بالاضافه لجوازين قديمه عندي
5/السجل الاكاديمي
6/ وثيقة التخرج
8/الورقه اللي فيها الباركود اللي حضرت بها الملتقى
9/ايصال الدفع لسامبا
10/ ايصال دفع السيفس
11/ صوره من الاي توني والاصل
12/ الضمان المالي
13/صور 5*5 بكم وضع عشان لو رفضو شي معي بديل
14/ رسوم للفيدكس
15/ صورة شهادة الثانويه العامه
كذا تمام ولا ناقص شي
بالنسبه لاستفساري الثاني
محرمي اللي هو ولد اخوي سوا معي ابليكشن سفاره وكتب اسماء المسافرين معه انا
وانا نفس الطريقه في الابليكشن حقي كتبت اسمه وكذا
كذا الطريقه صح
علما انه قدم فيزا b1
بس اخاف يشوفون فيزتي انا اف 1 ويرفضون فيزته يفكرونه بيجلس 5 سنين
ياليت البنات اللي طلعو فيزتهم وفيزا محرمهم من سفارة الرياض بذا الطريقه يخبروني
والف الف الف شكر مقدما
رد: موعدي في السفاره وقلقانه احس كل شي حوسه
وعليكم السلام ،
عزيزتي الأمر سهل وبسيط ، مايحتاج للقلق ،
أوراقك تمام ، كامله > بس ماله داعي تبع الملتقى =/
بالنسبة لمحرمك > انا اخوي بيطلع ع فيزا سياحية وأنا اف ١ > مثل وضعكم > وخلي مرافقك يستعد ل الاسئلة > لانوه اتوقع راح يسأل اكثر منك =/ > مثل ماحصل مع اخوي .
ـ استلمت فيزتي بعد يومين من بعد المقابلة =)
الله يوفقك ،
رد: موعدي في السفاره وقلقانه احس كل شي حوسه
الله يجزاك الجنه ويفرج همك قولي اااممممممين
رد: موعدي في السفاره وقلقانه احس كل شي حوسه
انا كنت متخوفه من السفاره بس والله الوضع يريح مره سهالات انشاءالله لأنسين الاذكار والله يسهل لك
رد: موعدي في السفاره وقلقانه احس كل شي حوسه
مرحبا
لا تشيلي هم ...مقابلة سهلة جدا
انا جلست قلقانة وعلى اعصابي
سألني ليه رايحة امريكا
واي ولاية ومدينة ومين متكفل بنفقات السفر
فيزتك مقبولة
اهم شئ توكلي على ربنا
رد: موعدي في السفاره وقلقانه احس كل شي حوسه
مافي اي خوف جدااااااا الامر بسيط وسهل ، مااتوقع كان احد متوتر كثري قبل المقابله كانت بجدة ، بس صراحه جدا سهله ومافي اي خوف سألني : الغرض من السفر و اي ولاية ومين متكفل بالسفر وهل انت متزوج او اعزب بس ، الله يوفقك ويوفق الجميع بإذن الله
رد: موعدي في السفاره وقلقانه احس كل شي حوسه
اختي اوراقك كامله ماشاء الله .،
وماله داعي القلق ..، الأمر سهالات
رد: موعدي في السفاره وقلقانه احس كل شي حوسه
رد: موعدي في السفاره وقلقانه احس كل شي حوسه
مبروك مقدما على التأشيره
اكيد بيقبلوك دامك منتي مسويه شي :)
انا كمان كنت خايف وقلقان
لكن طلعت المقابله ما تحتاج اي قلق
اصلن المقابله عالشباك يعني عالسريع
دامك تابعه لبرنامج الملك ماراح يسألوك كثير
اكيد الاسأله الطبيعه
كأنك بتقولي لصاحبتك انك طالعه امريكا
بتقلك
ليش ؟
وفين في امريكا؟
وكم بتجلسي ؟
تعرفي احد هناك ؟
لك قد ايش متخرجه؟
يلا عاد توصلي بالسلامه
لاتطولي علينا :)
رد: موعدي في السفاره وقلقانه احس كل شي حوسه
اخت نورة انا كنت خايفه مثلك وقلقانه لكن مافيه شيء يستدعي الخوف والله بل العكس كل شيء سهل اهم شيء اوراقك كامله حتى المقابله سألني شنو الجامعة المتخرجه منها هنا بالسعوديه وشنو القسم وهل انتي ذاهبه لدراسة ماستر بامريكا وقال التاشيره مقبوله وانتظروا اسبوع