طلب تاجيل بعثه .. قبول

السلام عليكم ورحمه الله وبركاته


اخواني حابه اطلب منكم طلب وياليت توجهوني للطريق الصح لاني ماعرف غير هذا المنتدى استشير واعرف منه اخبار البعثات

انا الحمد الله جاني قبول ف المرحله الثامنه في امريكا علشان ادرس ماستر كيمياء وحضرت الملتقيات وكل شي لكن للان ماجبت قبول حاولت بنفسي ماعرفت

تواصلت مع مكتب وشكله سحب علي مع اني اعطيته المعلومات والبيانات


وانا وووووووووووووووقتي جدا ضيييق لاني ادرس دبلوم تربوي وراح اخلص بشهر 7بأذن الله


والوقت مايسمح لي اني اجلس اراكض ولالاحق وراهم حسبي الله عليهم لو تركونا ع نظام المكاتب زي قبل والا هم يسوون

فينا خير ويجيبون لنا القبول لكن تاركيننا كذا لا لغه ولامكاتب ويطلبون مننا قبول المهم


انا لو بأجل بعثتي كيف ؟؟؟؟

هل عادي اني ماكمل بأجراتي واقدم ف المرحله التاسعه وانقبل او رفضون ؟؟؟؟؟؟؟؟؟؟؟؟!! ابغى جووووواب اكيد تكفوووون


والشي الثاني هل فيه اماكنيه لو ابي ااجلها لشهر 2 السنه الجايه بحث يكون عندي وقت ابحث وادور مضبوط ع المعاهد واجيب قبول لان بوضعي هذا راح ااخلص دبلوم

شهر 7 والدراسه راح تبدا بسبتمر اللي هو 9 صعب حيييييل علي


الله يوفق ويسعد ويدخله الجنه بغير حساب ويجعله بموازين حسناته اللي يرد علي والا يرشدني للشخص المناسب اللي يدلني ع الطريق الصح

لان فعلا انا ضايعه ولاعرفت احد يوجهني

انتظركم

الم

بالنسبه هالمرحله طبقوا افضل خطه وهي ان الطالب يجيب قبوله بنفسه بناء على قائمة المعاهد الموصى فيها.. بالنسبه لك عندك فصل الخريف مناسب لك.. يمديك تجيبي فيه قبول وبالعاده شهر الخريف يكون ع ٨ او ٩ ميلادي.. اذا مايناسبك هالتاريخ مالك الا فصل الشتاء شهر ١ عام ٢٠١٤.. ع فكرة فيه معاهد تجاريه الدراسه عندهم كل يوم اثنين.. ممكن تسجلين فيها ك بدايه بعدين تنتقلين لمعهد تبع جامعه..

ماشاء الله اخوي سعودي ماقصر عطاك الزبده


وترى سالفه قبول المعهد تجيك بحدود اسبوع وتعتمد على المعهد

يعني مو قضيه نهائيا

واذا قررتي تبحثين عن معهد اكتبي بالمنتدى وماراح احد يقصر معاكـ ان شاء الله


اهم شي هونيها وتهون

السلام عليكم ورحمة الله وبركاته
انا عندي استفسار قريب ل استفسار الاخت ريمه ..
بالنسبه ل فصل الخريف هل يعتبر تاجيل بعثه ولا ؟ لان ايام الملتقى قلت لوحده من حقين الوزارة ان رح ابدا بعد 9 شهور تقريبا يعني رح يكون على شوال .. ف قالت لي قدمي خطاب تاجيل بعثه وكذا ؟ بس اللي اعرفه ان كل سنه فيها 4 فصول وكل شخص يختار الفصل اللي يبيه ف هل لو رحت ع شوال لازم اقدم طلب تاجيل بعثه ولا شلون ؟

طيب فصل الخريف كم يكون بالهجري ممكن اعرف ؟؟؟ اللي هو 9 او 8 ميلادي وشلون اتواصل مع الوزاره واطلب منهم تأجيل بعثه ؟؟؟؟؟؟؟؟


ياليت احد يرد على استفساراتي

http://www.mbt3th.us/vb/forum163/thread406753.html

تفضــــــــــــــــــــــلي .. موضوعك هين

ياهنو وياريمه مافيه شي اسمه تأجيل بعثه .. كملوا اجراءتكم عادي..شهر ٨ و ٩ م يعني شهر ١٠ و١١ هجري