رفض بنك الاهلي والراجحي اعطائي شهادة بنكيه لمرافقي !!

السلام عليكم ..

من الصباح وانا الفلف ع البنوك !!

البنك الأهلي رفض يدديني شهادة بنكيه (من حسابي أنا ) بإسم أخويا يقول لازم يكون فاتح حساب ونديه الشهاده بإسمه

وقلي اديلك شهادة بنكيه بإسمك انتي بما انه الحساب حسابك وبالريال كمان !!!! بعد لت وعجن وكلام كثير قلتلو طيب

دا بس ليا انا... شهادة لمرافقي من حسابي لاء رفض!!

رحت البنك ااراجحي وبرضو رفضوا لازم من حساب اخويا محد يقدر يتكفل بمصاريفه وهوا هناك غير نفسه !! معقوله دا الكلام ياناس

انا قريت مواضيع كثير وكلهم عادي بيطلعو من حسابات خالاتهم ولد عمهم اي شي يعني !! ليش عقدوني كدا ....

اتوقع لازم يكون لك حساب في البنك عشان تطلعين برنت من حسابك بأخر ثلاث شهور , و لا ما لك الى الواسطة :(

مو معقوله كل الناس الي قريتلهم مطلعينها بالواسطه :(

دقيقه اسالك اخوي

- - - مشاركة محدثة - - -

ايه يعطون باسمك انتي مو باسم اخوك

بس هذا هو المطلوب تطلعين انتي شهاده بنكيه واخوك يقولهم اختي اللي بتصرف علي ويعطيهم شهادتك

و ع اي اساس البنك بطلع شهادة بنكية بإسم أخوك وهو حساب ماعنده؟؟ تماماً زي ماتقولي للجامعة طلعي شهادة لأخوي وانا الي دراسه معكم

وبعدين الموضوع فيلو يكون محلول من ناحيتين .. اولاً تقدري أنتي تاخذي الشهادة بإسمك ويكون انتي السبونسر لأخوك .. لأنو لما يتعبى ابلكيشن المعهد حيكون خيار الدعم المالي عادة خيارات ومن ضمنها انو مدعوم من العائلة او الاقارب ووقتها اشرو عليها وارفقو شهادتك البنكية .. ثانياُ واذا ماتبي ذي الغلبة كل الي عليك تسوية أنو تسحبي او تحولي قروشك الى حساب اخوك وهو يطلع الشهادة بدخلة بنك وحده وبعدها رجعيهم بحسابك (الا اذا جحدك ومارجعهم) .. الزبدة مافي شهادة بنكية تطلع بإسم أخوك والحساب لك .. وبالنسبة للي يقولك كشف حساب ترا مو كل المعاهد تطلب

مثل ماقالت njoo
تطلعي باسمك وترفقي مع الشهاده خطاب انك متكفله بمصاريفه
او انه يفتح له حساب وحولي المبلغ لحسابه ويطلع شهاده بنكيه
وارجعي اسحبيه.

مووفقه
:hbeat:

اها فهمت دحين . يعني بشهادتي انا اقدم لاخويا .. طيب وانا كمان المعهد يبغى شهادة بنكيه ليا غير الضمان :"(

زي ماقالوا لك الاخوان..الشهاده تطلع باسم صاحب الحساب فقط لكن انا انصحك تطلعينها من الراجحي افضل.. طبعا الشهاده موب ضروري تكون باسم اخوك.. ان شاء الله باسم ولد الجيران.. اهم شي الشهاده تكون بالانجلش والمبلغ يكون بالدولار وطبعا المبلغ يغطي المبلغ الي طالبه المعهد .. ولما تعبين الطلب لاخوك بالمعهد في خانة ( اثبات القدره الماليه) تختارين family sponser طبعا لازم تكتبي اسم صاحب الشهاده وتوقيعه. ك تعهد منه بالتكفل بمصاريف اخوك..

^ رفضوا بالدولار كمان ! خلاص استسلمت لنكد البنوك انا :(

انا مطلع من الراجحي وكاتبين لي المبلغ بالدولار وبالريال.. الصيغه وحده .. تاكدي اختي.. انا اطبعوها لي خلال دقائق .